Kurrikula për degën profesionale artistike - Instituti i Zhvillimit te Arsimit

3.UDHËZIME PËR ZBATIMIN E PROGRAMIT
Dihet që fillimi i mirë dhe i saktë i procesit mësimor për luajtjen në instrument që në temat e para,
krijon premisa që nxënësi/sja të aftësohet dhe të ekzekutojë lirshëm, duke interpretuar shumë mirë
muzikalisht. Mësuesi/sja duhet t‟i japë një rëndësi të veçantë që në fillim, vendosjes së duarve mbi
tastierë, harkimit të bukur të gishtave, mbajtjes së lirë të pulsit të dorës. Gjithashtu kaceku ka rëndësi
shumë të madhe, sepse përdorimi jo i mirë i tij, copëton frazën muzikore dhe dëmton interpretimin e një
pjese muzikore, kur e hapim në mes të masës ose frazës. Nxënësi/sja duhet të realizojë të gjitha elementet
teknike, të organizojë tingujt gradualisht në temp të shpejtë, të realizojë teknikisht pjesën, frazat, tempin,
të zhvillojë aftësitë shprehëse dhe interpretative, duke realizuar të gjitha elementet teknike dhe artistike
gjatë luajtjes. Një rëndësi e veçantë duhet t‟i jepet edhe ekzekutimit të pjesëve në stilin e duhur, duke
zhvilluar më tej aftësitë interpretative individuale.
4.VLERËSIMI
Vlerësimi në kontrollet teknike dhe në saxho bëhet në mënyrë kolegjiale. Për njohjen e drejtpërdrejtë
të punës së nxënësit në klasë, mësuesi i lëndës ka të drejtë të ulë ose të ngrejë një notë. Mbi bazën e 3
notave, 2 kontrolleve teknike dhe 1 saxho, vendoset nota semestrale.
Nxënës/i,-ja arrin nivelin e ulët, kur:
luan jo korrekt
me ritëm,
me tingull mesatar,
me intonacion jo të këndshëm,
me shkallë shpejtësie të ulët e
me disa gabime.
Nxënësi/ja arrin nivelin mesatar kur:
luan mirë
ritmikisht,
me tingull e me intonacion,
pastër e me pak gabime.
Nxënës/i,-ja arrin nivelin e lartë, kur:
luan shumë mirë në të gjitha elementet e mësipërme.
Shënim. Pjesët mund të zëvendësohen nga ana e mësuesit specialist me pjesë të të njëjtit nivel.
245