Kurrikula për degën profesionale artistike - Instituti i Zhvillimit te Arsimit

Dega: MUZIKË
Koreografi
Art figurativ
Lënda: ESTETIKË
Klasa: e 11-të ose e 12-të
Sistemi : 3 dhe 4-vjeçar
Kohëzgjatja: 34 javë x 2 orë/javë = 68 orë
1. SYNIMET E LËNDËS:
Në përfundim të mësimit të lëndës “Estetikë”, nxënës/i,-ja duhet:
Të plotësojë formimin artistik profesional me ato koncepte që lidhen me edukimin estetik kur
ndjenjat dhe mendja veprojnë së bashku.
Të edukojë shijen e mirë estetike, e cila i nevojitet për të mbajtur qëndrim të drejtë estetik ndaj
realitetit.
Të rrisë aftësitë për të kuptuar, shijuar dhe vlerësuar veprat e artit sipas perceptimit të tij estetik.
Të ndërgjegjësohet për të qenë pjesëmarrës në kuptimin dhe në krijimin e së bukurës si në fushën
materiale, ashtu edhe në atë shpirtërore.
Të aftësohet praktikisht përmes vlerave estetike, ndjeshmërisë shqisore, imagjinatës, përjetimit
emocional dhe shijeve estetike, që e ndihmojnë atë si të kuptojë një vepër arti.
Të njohë estetikën dhe përmbajtjen e saj si shkencë.
Të kuptojë estetikën dhe marrëdhëniet e saj me filozofinë dhe shkencat e tjera.
Të njohë dhe të shpjegojë kategoritë e estetikës dhe vendin e së bukurës brenda tyre.
Të njohë dhe të kuptojë termat kryesorë të estetikës dhe domethënien e tyre në periudha të
ndryshme të historisë.
Të njohë periudhat historike të zhvillimit të mendimit estetik.
Të shpjegojë se si mendimi estetik zhvillohet së bashku me mendimin njerëzor, duke njohur
zhvillimin e tij historik.
Të njohë disa nga figurat më të rëndësishme të mendimit estetik.
Të njohë klasifikimin e arteve sipas periudhave historike të estetikës.
Të shpjegojë të bukurën në art.
Të kuptojë rëndësinë e përmbajtjes dhe të formës.
Të tregojë rolin e autorit në një vepër arti.
Të shpjegojë se çfarë e bën një krijim vepër arti.
Të kuptojë raportin e artit me natyrën, realitetin dhe të vërtetën.
Të shpjegojë raportin e artit me publikun.
Të bëjë klasifikimin e arteve sipas mjeteve shprehëse.
Të shpjegojë artet me strukturë të thjeshtë dhe të përbërë.
Të tregojë diferencimin e brendshëm të arteve në degë, gjini e lloje.
Kohëzgjatja është 68 orë për të gjitha degët.
19