Kurrikula për degën profesionale artistike - Instituti i Zhvillimit te Arsimit

Dega: MUZIKË
Specialiteti: VIOLONÇEL/ÇELLO
Klasat: 10
Sistemi: 3-vjeçar
Kohëzgjatja: 34 javë x 3 orë/javë = 102 orë
1. SYNIMET E LËNDËS:
Në përfundim të mësimit të lëndës “ Çello”, në klasën e 12-të, nxënës/i,-ja duhet:
Të përvetësojë elementet teknike dhe të ketë një pozicion normal të duarve.
Të saktësojë kalimin e pozicioneve, mënyrën e rregullt të lojës së shkallëve (lojën me kërkesë
impostimi dhe intonacioni të tercave, sekstave dhe oktavave).
Të ketë kontrollin e llojeve të ushtrimeve që ka bërë në ciklin 9-vjeçar, duke i plotësuar ato që
eventualisht nuk i ka bërë.
Të asimilojë problemet e agjilitetit, të ketë një vibrato të rregullt dhe të vazhdueshme për të realizuar
një kantilene me njëllojshmërinë e zërit.
Të reagojë në ndjeshmërinë muzikore, nuancat, muzikalitetin dhe të paraqitet në sasinë dhe në
radhitjen e gjithë repertorit të detyrueshëm, si sonata, koncerte apo pjesë.
Të përvetësojë teknikën e dorës së djathtë, duke përvetësuar kolpet më të përdorshme të harkut, si:
stakato, stakatisimo, portato, sotie, si dhe forma të tjera nga më të ndryshmet të legaturave.
Të luajë me një potencë tingulli më të plotë përmes studimit, si tërheqja e harkut me nota të gjata në
tela bosh apo nëpërmjet notave kromatike me vibrato të pandërprerë.
Të luajë me ekspresivitet pjesët muzikore duke përdorur një shumëllojshmëri të vibratos dhe të gjitha
llojet e saj: të shpejtë, të imët, intensive etj.
Të angazhohet në jetën koncertale, tashmë që nxënësi ka formuar një shije të tij muzikore, dhe
logjikon më shumë ndaj elementeve tekniko-muzikore që karakterizon një vepër.
Të njohë me detaje veprat që luan, në të njëjtën kohë të njohë dhe partin e pianos, duke respektuar me
rigorozitet nuancat dhe dinamikën e çdo të dhëne që ka partitura.
Të lexojë aprimavista partiturën.
Të luajë me një formim si instrumentist, duke i paraprirë kësisoj dhe elementeve kryesore të
interpretimit.
Të përsosë shprehitë muzikore.
Të bëjë një lojë të gjallë, dinamike, me nuancë, duke u futur në stilin, brendinë dhe në karakteristikat
e veçanta që ka vepra.
Të sinkronizohet me pianistin shoqërues në raportin sonor që kërkohet.
Të fitojë një siguri dhe një lirshmëri natyrore në lojë.
Të njohë veprat në tërësinë e saj, epokat muzikore, kërkesat ndaj rrymave të ndryshme të muzikës,
asaj paraklasike, klasike, romantike apo kontemporane etj.
Të jetë i ndërgjegjësuar për përgatitjen e diplomës.
110