Kurrikula për degën profesionale artistike - Instituti i Zhvillimit te Arsimit

të dëgjojë muzikë klasike dhe paraklasike në mënyrë sistematike. Për arritjen e një intonacioni të përsosur
dhe një teknike të pëlqyeshme, është e domosdoshme që nxënësi të studiojë çdo ditë ushtrimet e gishtave,
shkallët, si dhe etydet, sidomos studim të detajuar duhet të kërkohet për momentet polifonike, si tek
etydet dhe te materialet ciklike (sonata, koncerte). Nxënësi duhet të lexojë mjaft mirë a primavista, dhe
këtë duhet të arrijë nga leximi i shumë partiturave, në mënyrë që të jetë i aftë të luajë me orkestër ose
ansambël muzikor. Një aspekt shumë i rëndësishëm i perceptimit të veprave muzikore nga ana e nxënësit
është dhe demonstrimi i tyre nga mësuesi. Me anë të këtij ballafaqimi, nxënësi krijon idenë e
përgjithshme të stilit, të tempeve, të mënyrës emocionale në realizimin e veprës muzikore.
Gjithashtu, nxënësi mund t‟i dëgjojë veprat në fonoteka të ndryshme ose t‟i sigurojë ato përmes
internetit. Gjithmonë nxënësi duhet të jetë seleksionues në zgjedhjen e interpretuesve të këtyre veprave, të
cilët duhet të jenë interpretues shumë të mirë vendës ose të huaj. Një mënyrë shumë efikase dhe
kontemoprane e të studiuarit është “ “memories practice” ose punimi individual i nxënësit, pa instrument,
vetëm me partiturën. Një mënyrë e tillë studimi, e njeh më mirë nxënësin me veprën, formën e ndërtimit
të saj, harmoninë, si dhe bën përvetësimin përmendsh të veprës në një kohë më të shkurtër.
Gjatë mësimit të instrumentit violë, një praktikë interesante është edhe ballafaqimi i një fragmenti
të luajtur nga nxënësi me instrumentin e violës me luajtjen e të njëjtit fragment nga mësuesi në
instrumentin e pianos. Me anë të kësaj praktike, nxënësi arrin të qartësojë dhe të pastrojë intonacionin e
tij. Rol shumë të rëndësishëm luan bashkëpunimi i nxënësit me mësuesin shoqërues të pianos. Ky
bashkëpunim do të jetë vendimtar në diplomën e fundit për nxënësin.
Duke qenë se programi i nxënësit të klasës së 12-të është mjaft i rënduar dhe i gjatë në kohë,
është e rekomandueshme të alternohet studimi fizik me dëgjimin muzikor të veprave në CD ose internet.
Gjithashtu, ”Masterklasat” e organizuara në Akademinë e Arteve kanë rezultuar shumë të suksesshme me
nxënësit e këtyre klasave, pasi ata kanë përvetësuar përvojën më të mirë didaktike të pedagogëve vendës
dhe të huaj.
4.VLERËSIMI
Nxënës/i,-ja arrin nivelin e ulët, kur:
luan jo korrekt:
me ritëm,
me tingull mesatar,
me intonacion jo të këndshëm,
me shkallë shpejtësie të ulët e
me disa gabime.
Nxënës/i,-ja arrin nivelin mesatar, kur:
luan mirë:
ritmikisht,
me tingull e me intonacion,
pastër e me pak gabime.
Nxënës/i,-ja arrin nivelin e lartë, kur:
luan shumë mirë në të gjitha elementet e mësipërme.
109