Mars 2012 - Gazeta "KorÃ§a"

More documents

Recommendations

Info

2 -Korça- mars <strong>2012</strong> Himni i FLAMURIT u “CELEBRUA” zyrtarisht Asdreni -Bie borë, bie borë… -Është një ditë fund shkurti. -Bardhësia e akullt si një pelerinë gjigande ka mbuluar gjithçka në këtë dimër të ashpër, të acartë, që nuk ishte parë, prej shumë e shumë vitesh. Makina me zinxhirët e rrotave dërmon nën peshën e saj dhe të hekurit në mënyrë të pamëshirshme shtresën e trashë të akullit të kristaltë. Nga xhamat e makinës shoh nën qiellin gri një tufë pëllumbash, që çajnë me krahët e tyre në mënyrë stoike ajrin që i pret si me thikë me të ftohtin e tij të hidhur. Disa trumcakë hidhen pupthi sa nga një pemë në tjetrën të uritur, duke cicëruar me zë të mekur, zbresin poshtë, sa shohin ndonjë vuratë tokë të pambuluar nga dëbora, për të gjetur ushqimin e tyre në këtë acar të pamëshirshëm. -Ja dhe Drenova, me tradita, histori, këngë dashurie dhe manat të cilat duken si umbrella të mëdhaja, të bardha, ngarkuar me dëborën e rëndë, të ftohtë… Në krah të majtë shkolla 9-vjeçare, më tutje mes dëborës, në qendër të fshatit, në krah të djathtë ngrihej si një “orakull” busti i poetit të “Hymnit të Flamurit”, Alek Stavre Drenova (Asdreni) dhe mua më ushtuan në veshë si kushtrim vargjet dhe marshi muzikor…-Shoferi Ladi, sikur të më kish kuptuar ndaloi makinën dhe unë dola e qëndrova para “Asdrenit” në respekt të tij si i ngurosur, sa në subkoshiencë mbaroi himni, që kish hipnotizuar të gjithë qënien time, duke përpëlitur buzët… -Hyra në lokalin më të afërt dhe u ula në një tavolinë afër oxhakut që flakëronte nga kërcunjtë e dushkut, që digjeshin me furi, në këtë ditë dimri të acartë fund shkurti. -Porosita një gotë raki mani, që kamarieri e solli në çast dhe ma vuri përpara. Lëngu brenda gotës kishte ngjyrë të gjelbër të hapur, e cila vinte nga gjethja e manit, që mjeshtërit e nxjerrjes së rakisë ja hidhnin mbas distilimit, duke e bërë rakinë e manit një nga rakitë e veçanta, më cilësore dhe më të dëshiruarën në Ballkan, por jo vetëm në të. Sipër lëngut jeshil në gotë kish një shirit sumbullash që tregonte se rakia ishte mbi 21 gradë. Ngrita gotën, e kapërdiva një gllënjkë, e cila u rrukullis vrullshëm në gurmaz dhe më nxehu si me magji trupin e ftohtë, pastaj hapa çantën, nxorra bllokun e fillova të shkruaj i përhumbur, duke ngacmuar kujtesën, nga ato dijeni që kisha akumuluar në vite, për jetën, veprimtarinë patriotike dhe poezitë e bukura të mjeshtrit të madh të vargut. Aleks Stavre Drenova, këtij biri të këtij fshati, që nuk e harroi kurrë vendlindjen, që malli e meraku për Atdheun ja përvëlonte shpirtin e tij e bëri të shtegëtojë kur ishte në Rumani, siç bëjnë dallëndyshet, disa herë, e të marrë rrugën e gjatë për të ardhur në Shqipëri – Korçë – Drenovë… * * * -Aleks Stavre Drenova, i njohur me pseudonimin Asdreni, lindi në Drenovë më 11 prill 1872. I jati Stavri Thimiu ishte nga fshati Stratobërdë, i cili u martua me një çupë nga Drenova, që quhej Prashqevi. Nga kjo martesë lindën tre djem, Aleksi ishte më i vogli. Gjendja e vështirë ekonomike i detyroi të dy djemtë e mëdhenj të Stavrit të emigronin në Rumani dhe të vendoseshin në kryeqytetin e tij, në Bukuresht. I jati, Stavri, e regjistroi të birin në shkollën fillore të Drenovës, pastaj Aleksi vazhdoi gjimnazin e Korçës. Djali njomëzak, që në moshë të njomë ndjen hidhërimin e madh, që kur ishte në shkollën fillore të fshatit të tij, i vdes e ëma Prashqevia, duke përjetuar tronditjen e tij të parë shpirtërore, ndërsa goditjen e dytë “shkatërruese” e mori kur ishte në gjimnazin e Korçës, mbasi i vdes i jati, Stavri, duke mbetur kështu jetim. -Në moshën 13-vjeçare në vitin 1885, largohet nga Korça, nëpërmjet shumë peripecive emigron në Himni i FLAMURIT Varianti i 1908-ës Rreth flamurit të përbashkuar Me një dëshir’ e një qëllim, Të gjith’ atij duk’ iu betuar Të lidhim besën për shpëtim. Prej lufte veç ay largohet Që është lindur tradhëtor, Kush është burrë nuk frikohet, Po vdes, po vdes si një dëshmor! Në dorë armët do t’i mbajmë Të mbrojm atdhenë më çdo kënd, Të drejtat tona ne s’i ndajmë; Këtu armiqtë s’kanë vënd. Se Zoti vetë e tha me gojë Që kombe shuhen përmbi dhe, Po Shqipëria do të rrojë; Për të, për të luftojmë ne! O flamur, flamur, shenj’ e shenjtë, Te ty betohemi këtu, Për Shqipërin’ atdhen’ e shtrenjtë, Për nder’ edhe lavdimn’ e tu. Trim, burrë quhet dhe nderohet Atdheut kush iu bë theror; Për jet’ ay do të kujtohet Mi dhet, mi dhet si një shënjtor! Rumani e vendoset në Bukuresht, ku ishin e dy vëllezërit e tij më të mëdhenj dhe fillon punë si çirak në një ëmbëltore. -Malli për Atdheun bëri që të shtegëtojë nëpërmjet një rruge të gjatë e të mundimshme në qershor 1889, duke ndjekur internarin Bukuresht - Kostancë - Stamboll, e mbërrin në korrik në Korçë, ku më 7 mars 1887 ish çelur shkolla e parë shqipe, që aq bukur i këndoi Naimi. Kthehet përsëri nga kish ardhur, e mbërrin në Kostancë e pastaj në Bukuresht. -Më 1901 fillon veprimtarinë krijuese, duke bashkëpunuar me revistën “Albania”, e cila botohej shqip - fërngjisht fillimisht në Bruksel e pastaj në Londër, duke lidhur miqësi me drejtorin e kësaj reviste Faik Konica e duke shkëmbyer letra me të… -Poeti vihet në shërbim të Atdheut. -Kështu ai vjen për herë të dytë në Atdhe. -Asdreni krijon një miqësi me poetin Lasgush Poradeci (pseudonim) Llazar Gusho. -Në vitin 1922 emërohet sekretar i parë në konsullatën e nderit në Rumani, ku disa herë pushohet dhe emërohet përsëri?!... -Më 21 nëntor 1937, niset nga Bukureshti me internarin: -Varshavë, hyn në kufirin jugosllav e pastaj në Tiranë, takon Lasgush Poradecin, i cili në vitin 1933 kish botuar librin me poezi “Vallja e yjeve”. Në albumin turistik: “Dardha” botuar në Kostancë të Rumanisë më 1938, në tipografinë “Albania” nën kujdesin e Mitrush Kutelit gjejmë të botuar dy poezi për Dardhën, njëra e Asdrenit, e tjetra e Lasgushit. -Asdreni ka qenë kundër ndërimit të emrit nga Dardhë në Thanëz. -Vitet e fundit të jetës së tij i kaloi në mjerim… -Vdiq në 11 dhjetor 1947, në një spital të Bukureshtit nga mushkëritë. Vdiq poeti (të njohurit e tij lexojnë lajmin mbi vdekjen e Asdrenit, nëpërmjet gazetës rumune “Universal”) duke lënë testament poezitë e tij, atdhetarizmin, modestinë, flijimin për të mirën e përgjithshme. Vdiq poeti i dashurisë, martir i moralit idealist… * * *
3 -K o r ç a- mars <strong>2012</strong> më 1912 nga Qeveria e Ismail Qemalit Malli i atdheut Zoçka të bukura, larg që fluturoni, ju që të vrapuara erën e trazoni, thoni më vallë asaj udhe tek shkuat, në mallet e Shqipërisë nuk qëndruat? …Omoj ti me sy të zij Q’i ke buzët si qershi Fal m’a dorën e mos ri Se po s’ardhe do të vij! Ndë buzët ngjyrën e qershijve Ndë syt’ të kaltrin e qiellit, Ndë lesht’ të verdhin e kallinjve; Fytyr’ e saj si drita e diellit, Dhe trupi hiri i perëndijve. …Ajo ngjyrë nd’ato fletë Është shpresa që tregon Një të ardhme që ëndërron Është flamuri ynë vetë që valon! Shkollimi i mëtejshëm -Asdreni u regjistrua në Akademinë tregëtare të Bukureshtit si dëgjonjës i kursit të administratës, të cilën e mbaroi, pastaj regjistrohet në Fakultetin e Shkencave Politike për diplomaci, e administratë. * * * -Filloi të shkruante poezi dhe publicistikë -”Ëndrra e lot” 1912 -Dëshirat e popullit për drejtësi shoqërore * * * Përmbledhjet “Rreze dielli” 1904, Bukuresht “Ëndrra e lot” 1912, Bukuresht “Psallme muzgu” 1930, Bukuresht Vjersha të botuara në gazeta e revista, vjersha të pabotuara Artikuj dhe proza të botuara Artikuj dhe proza të pabotuara Proza të përkthyera -Vetëm edhe për këtë fakt, Asdreni duhet vlerësuar maksimalisht. Më 1908, Asdreni me muzikë të kompozitorit rumun, Ciprian Porumbeska himni i krijuar nga Asdreni si këngë simbolike zyrtare e popullit shqiptar nga Qeveria e Ismail Qemalit në vitin 1912. Pra,sivjet si Himni kombëtar mbush 100 vjet. * * * Drenova Kryetarin e komunës Z. Flamur Sala e gjetëm në mbledhjen e emergjencës me kryepleqtë e fshatrave: Drenovë, Mborje, Boboshticë, Moravë, Zapet, Dardhë, Qatrom, Ravonik, Turan si dhe me drejtorët e shkollave dhe stafin administrative të Komunës. Z. Flamur Sala Kryetari i komunës, Drenovë -Dimri i ashpër, i acartë i sivjetëm, me dëborë, ngrica, tufan dhe të ftohtë disa gradë nën zero, që s’mbahej mend prej shumë e shumë kohë më parë të thonë të moshuarit, kërkon një metodë dhe organizim specifik, shqetësim të vazhdueshëm për ti paraprirë të papriturave kapriçoze të motit të egër. -Gjatë kësaj periudhe të veçantë, por edhe gjithnjë, Flamuri i qëndron punës në kokë dhe del me sukses, prandaj dhe e respektojnë dhe zgjedhësit i kanë dhënë votën tre herë për kryetar komune. -Ulemi në zyrën e tij dhe bisedojmë shtruar. -Ai na tregon, se mbasi merr shqetësimet e hallet që kanë, sipas fshatrave nga përfaqësuesit e pushtetit vendor të komunës, drejtuesit e institucioneve arsimore, shëndetësore, por dhe nga takimet fshat më fshat, ai merr masa të shpejta dhe efikase, që çdo gjë të zgjidhet në kohën optimale. -Kështu thotë kryetari i komunës Flamur Sala, në dispozicion të shkollave do të vemë 20% (Himni i flamurit këtë vit mbush 100 vjet) më shumë të sasisë së druve të zjarrit të planifikuar, që mësimi të vazhdojë rregullisht. Borëpastrueset punojnë 24 orë rrjesht për të mos pasur bllokim të rrugëve të fshatrave të komunës, rrjedhimisht po kështu me ujin, i cili ngrin në tubat, shërbimin shëndetësor, njerëzit në nevojë e të tjera… -Nën juridiksioninn tonë është dhe fshati turistik i Dardhës, ne jemi munduar që të mos bllokohet. Flamuri nuk nguron të thotë i shqetësuar një “ngërç” artificial që është krijuar prej disa vitesh, që ka të bëjë me rrugën Drenovë - Dardhë, e cila është klasifikuar gabimisht si rrugë nacionale, e që nuk na lejon ne të veprojmë, megjithatë nuk kemi ndenjur duarlidhur. -Ligji organik Nr. 8652, për pushtetin vendor shprehet, se rrugët midis fshatrave të komunës, janë rrugë rurale. Ne i jemi drejtuar dhe instancave qëndrore për ta zgjidhur këtë problem dhe me siguri do zgjidhet… -E pyesim Flamurin, se ky vit është jubilar, viti i shpalljes së pavarsisë… -Ai nuk na le t’a mbarojmë frazën pyetësore, për të cilën edhe kemi ardhur, por menjëherë të përgjigjet në mënyrë elokuente: -Fshati Drenovë është vendlindja e poetit të shquar, atdhetarit Aleks Stavre Drenova, Asdrenit, krijuesit të Himnit të flamurit. -Për këtë edhe në kuadrin e festës së pavarsisë, kemi hartuar një program ku hynë: - krijimi i Muzeut “Asdreni” në qendrën kulturore-sociale, që e rikonstrukturuam para dy vjetëve, aty ku ngrihet busti i poetit në mes të fshatit do të ngrihet një lulishte bashkëkohore, me një ndriçim të veçantë, gjithashtu do të ketë dhe një aktivitet jubilar, studimor, letrar dhe artistik, për jetën e veprën e birit tonë të Drenovës, poetit dhe atdhetarit, dy pasionet e dëshirat e tij, që i kushtoi jetën Aleks Stavre Drenova, “Asdreni”. Do ti bëjmë ashtu siç i do nderi i kësaj figure, të Drenovës, por jo vetëm i asaj… Vehbi FURXHI
Page 1: „Kur merr PUSHTETIN, mos mblidh r
Page 5 and 6: 5 -K o r ç a- mars 2012 MËSONJËT
Page 7 and 8: 7 Klasifikim i sipas kategorisë s
Page 9 and 10: 9 -K o r ç a- mars 2012 Me pushkë
Page 11 and 12: 11 -K o r ç a- mars 2012 pranë nj

Mars 2012 - Gazeta "KorÃ§a"

You also want an ePaper? Increase the reach of your titles

Delete template?

Save as template?