Urdd Gobaith Cymru Disgrifiad Swydd

Urdd Gobaith Cymru
Disgrifiad Swydd
Teitl y swydd:
Yn atebol i:
Cyfarwyddwr Cyfathrebu a Datblygu
Brif Weithredwr yr Urdd
Cyflog: Ar raddfa 11 Strwythur Cyflog yr Urdd £37,270 (Pwynt 1)
hyd £43,205 (Pwynt 6). Penodir ar bwynt 1 oni bai fod
profiad/cymwysterau arbennig yn denu un pwynt
ychwanegol.
Oriau gwaith:
Lleoliad:
Gwyliau
blynyddol:
Cyfnod prawf:
Pensiwn:
Gwiriad CRB:
Archwiliad
meddygol:
35 awr yr wythnos. Oherwydd natur y swydd bydd angen
gweithio oriau ychwanegol yn achlysurol.
Bangor, Glan-llyn, Llangrannog neu Gaerdydd
Caniateir 25 niwrnod o wyliau blynyddol ac wyth niwrnod
wyliau cyhoeddus - y cyfnodau i'w pennu mewn
ymgynghoriad â'r Chyfarwyddwr Busnes a Phersonel. Bydd
y gwyliau'n cynyddu i 28 diwrnod ar ôl 5 mlynedd o
wasanaeth ac yna i 33 diwrnod ar ôl 10 mlynedd o
wasanaeth. Bydd angen neilltuo 3 diwrnod ar gyfer y
cyfnod rhwng y Nadolig a’r flwyddyn newydd.
Bydd cyfnod prawf o 6 mis.
Bydd cyfle i ymuno â phensiwn mewnol yr Urdd ar unwaith.
Bydd yn ofynnol i'r ymgeisydd llwyddiannus gael ei wirio
gan y Swyddfa Cofnodion Troseddol (C.R.B.)
Cedwir yr hawl i ofyn i'r sawl a benodir fynd o dan archwiliad
meddygol cyn cynnig y swydd yn ffurfiol.

Cyfarwyddwr Cyfathrebu a Datblygu
Mae hon yn rôl newydd yn dilyn ad-drefnu o fewn Urdd Gobaith Cymru. Y
bwriad yw sefydlu adran gyfathrebu gref i ateb gofynion adrannau’r Urdd, gan
gynnwys Gwersylloedd yr Urdd, Eisteddfod yr Urdd, Chwaraeon yr Urdd a’n
gwaith yn gwasanaethu aelodau.
Y Cyfarwyddwr Cyfathrebu fydd yn gyfrifol am ddatblygu strategaeth
gyfathrebu newydd i’r Urdd gan gwmpasu pob dull. Bydd hyn yn cwmpasu
gwaith marchnata, gwaith cysylltiadau allanol a materion corfforaethol. Bydd
cyfrifoldeb hefyd am waith datblygu’r mudiad, gan gynnwys denu nawdd a
chymorth ariannol o ffynonellau allanol.
Bydd cyfrifoldeb am gymell ac arwain gwaith aelodau’r tîm cyfathrebu a
datblygu a fydd yn cynnwys Rheolwr Marchnata Gwersylloedd, Rheolwr
Nawdd, Swyddog Marchnata, Swyddog Cyfathrebu a Golygydd Cylchgronau
ynghyd â chymorth gweinyddol.
Dyletswyddau
Sicrhau fod anghenion cyfathrebu a marchnata adrannau’r Urdd yn cael eu
diwallu. Bydd hyn yn cynnwys gwaith ar gyfer adran y maes, aelodaeth, adran
yr Eisteddfod, yr adran Chwaraeon a’r Gwersylloedd.
Bod yn aelod o dim rheoli Eisteddfod yr Urdd a chyfrannu yn greadigol i
ddatblygiad yr Eisteddfod.
Goruchwylio datblygu a gweithredu strategaeth cysylltiadau cyhoeddus yr
Urdd.
Adolygu a goruchwylio presenoldeb Urdd Gobaith Cymru mewn digwyddiadau
cenedlaethol megis Eisteddfod yr Urdd, yr Eisteddfod Genedlaethol a Sioe
Llanelwedd.
Cyfrifoldeb am gynnwys a delwedd gwefan yr Urdd. Ystyried sut i sicrhau
datblygiad a newid a sut i weithredu hynny.
Cyfrifoldeb am sicrhau cywirdeb holl gyhoeddiadau a hysbysebion yr Urdd gan
gynnwys Adolygiad Blynyddol.
Cyfrifoldeb am gysylltiad yr Urdd gyda’i aelodau a’i wirfoddolwyr gan gynnwys
systemau prosesu aelodaeth a chyfathrebu.
Goruchwylio cyhoeddi Cylchgronau’r Urdd.
Cyfrifoldeb am gyfathrebu yr Urdd ar blatfformau electronig gan gynnwys twitter
a facebook a bod yn effro i newidiadau i’r dyfodol.

Cyfrifoldeb am rheoli gwaith datblygu yr Urdd, gan gynnwys denu nawdd o
£300k tuag at Eisteddfod yr Urdd a £50k tuag at Gemau Cymru.
Datblygu cynlluniau rhoi i Urdd Gobaith Cymru a chynlluniau denu rhoddion o
ewyllysiau gan ddenu cyfraniadau o £100k.
Rhoi arweiniad i Rheolwr Marchnata Gwersylloedd yr Urdd gan sicrhau twf o
10% dros dair blynedd yn y niferoedd sy’n mynychu.
Cyfrifoldeb am ddatblygu perthynas yr Urdd gyda gwleidyddion a chyfrifoldeb
am faterion corfforaethol. Datblygu dulliau cyfathrebu pwrpasol a gweithio
gyda’r Prif Weithredwr ar ymgyrchoedd perthnasol.
Cydweithio gyda’r Adran TG i sicrhau bod systemau aelodaeth a gwefan yr
Urdd yn cael ei ddatblygu a defnydd gorau yn cael ei wneud o system CRM yr
Urdd.
Cyfrifoldeb am gynghori’r mudiad ar faterion diogelu data.
Sicrhau fod y gwaith uchod yn cael ei wneud oddi fewn i gyllideb benodedig.
Goruchwylio gwaith y Swyddog Marchnata, y Swyddog Cyfathrebu, Golygydd
Cylchgronau, Rheolwr Marchnata Gwersylloedd, Rheolwr Nawdd a chymorth
gweinyddol.
Cyffredinol
Fel aelod o Fwrdd Cyfarwyddwyr yr Urdd, cyfrannu at ddatblygu,
gweithredu ac arolygu holl strategaeth a chynlluniau cyffredinol yr Urdd.
Ymgymryd ag unrhyw dasgau priodol eraill sy'n cyfrannu at les dyfodol a
datblygiad Urdd Gobaith Cymru.
Gofynion
1. Byddai profiad o reoli staff gan gynnwys monitro a gwerthuso
perfformiad a datblygiad unigolion yn fanteisiol. Bydd angen gosod
targedau clir i’r staff.
2. Profiad o reoli cyllidebau. Byddai profiad o wneud ceisiadau ariannol a
rheoli prosiectau yn fanteisiol.

3. Byddai profiad o gydweithio â gwirfoddolwyr yn fanteisiol.
4. Person ymroddgar llawn syniadau gyda’r gallu i arwain ac ysbrydoli.
5. Dealltwriaeth o nod ac amcanion Urdd Gobaith Cymru ac
ymwybyddiaeth o Gymru.
6. Y gallu i gyfathrebu’n glir, yn effeithiol ac yn broffesiynol yn y Gymraeg
a’r Saesneg i gynulleidfaoedd amrywiol.
7. Gradd neu gymhwyster cyfatebol.
8. Profiad mewn maes sydd yn berthnasol i’r swydd a phrawf o fod wedi
gallu gweithredu’n effeithiol.
Dylai unrhyw geisiadau ddangos yn glir sut mae unrhyw brofiad blaenorol, a
sgiliau, yn cyfateb i’r gofynion a’r dyletswyddau a nodir yn y disgrifiad swydd.
Os hoffai unrhyw ymgeisydd gael sgwrs anffurfiol ynglŷn â’r swydd, mae
croeso iddynt gysylltu ag Efa Gruffudd Jones, Prif Weithredwr yr Urdd, ar
01970 613103.
Rhaid i geisiadau gyrraedd swyddi@urdd.org erbyn 9.00am ar 26 Mawrth
2012. Cynhelir y cyfweliadau ar 5 Ebrill 2012.