Nr. L 295/36 Stjórnartíðindi EB 20.10.78 ÞRIÐJA TILSKIPUN ...

Nr. L 295/36 Stjórnartíðindi EB 20.10.78
ÞRIÐJA TILSKIPUN RÁÐSINS
frá 9. október 1978
um samruna almenningshlutafélaga, byggð á g-lið 3. mgr. 54. gr. sáttmálans
(78/855/EBE)
RÁÐ EVRÓPUBANDALAGANNA HEFUR,
með hliðsjón af stofnsáttmála Efnahagsbandalags Evrópu,
einkum g-lið 3. mgr. 54. gr.,
með hliðsjón af tillögu framkvæmdastjórnarinnar ( 1 ),
með hliðsjón af áliti Evrópuþingsins ( 2 ),
með hliðsjón af áliti efnahags- og félagsmálanefndarinnar
( 3 ),
og að teknu tilliti til eftirfarandi:
Sú samræming, sem kveðið var á um í g-lið 3. mgr. 54. gr. og
í hinni almennu áætlun um afnám hafta á staðfesturétti ( 4 ),
var hafin með tilskipun 68/151/EBE ( 5 ).
Samræmingunni var haldið áfram hvað snertir stofnun almenningshlutafélaga
(„public limited liability companies“),
svo og tilskilið hlutafé og breytingar á hlutafé þeirra, með
tilskipun 77/91/EBE ( 6 ) og að því er varðar ársreikninga
tiltekinna gerða félaga með tilskipun 78/660/EBE ( 7 ).
Verndun hagsmuna félagsmanna og þriðja aðila krefst þess
að lög aðildarríkjanna um samruna almenningshlutafélaga
( 1 ) Stjtíð. EB nr. C 89, 14. 7. 1970, bls. 20.
( 2 ) Stjtíð. EB nr. C 129, 11. 12. 1972, bls. 50; Stjtíð. EB nr. C 95, 28. 4.
1975, bls. 12.
( 3 ) Stjtíð. EB nr. C 88, 6. 9. 1971, bls. 18.
( 4 ) Stjtíð. EB nr. 2, 15. 1. 1962, bls. 36/62.
( 5 ) Stjtíð. EB nr. L 65, 14. 3. 1968, bls. 8.
( 6 ) Stjtíð. EB nr. L 26, 31. 1. 1977, bls. 1.
( 7 ) Stjtíð. EB nr. L 222, 14. 8. 1978, bls. 11.
verði samræmd og að í lögum allra aðildarríkjanna verði
ákvæði um samruna.
Í tengslum við slíka samræmingu er einkar mikilvægt að
tryggt sé að hluthafar í samrunafélögum fái nægilega vitneskju
um samrunann, á eins hlutlægan hátt og kostur er og
að réttar þeirra verði gætt á viðeigandi hátt.
Eins og nú er háttað gildir tilskipun 77/187/EBE ( 8 )um
verndun réttinda launþega við eigendaskipti að fyrirtækjum,
atvinnurekstri, eða hluta atvinnurekstrar.
Veita verður lánardrottnum, þar á meðal eigendum útgefinna
skuldabréfa og þeim sem eiga aðrar kröfur á hendur
samrunafélögunum, vernd gegn tjóni af völdum samrunans.
Færa verður út gildissvið þeirra birtingarkrafna sem gerðar
eru með tilskipun 68/151/EBE, þannig að þær taki einnig
til samruna, svo að þriðji aðili hafi greiðan aðgang að upplýsingum.
Verndarráðstafanir sem gera ber í þágu félagsmanna og
þriðja aðila í tengslum við samruna ber að auka, þannig
að þær taki einnig til ákveðinna lagalegra aðgerða sem eru
í mikilvægum atriðum áþekkar samruna, svo að ekki verði
vikist undan þeirri skyldu að veita slíka vernd.
( 8 ) Stjtíð. EB nr. L 61, 5. 3. 1977, bls. 26.

20.10.78 Stjórnartíðindi EB Nr. L 295/37
Til að eyða allri réttaróvissu um tengsl hlutaðeigandi félaga,
milli þeirra og þriðja aðila, og um innbyrðis tengsl
félagsmanna, er nauðsynlegt að takmarka möguleikana á
ógildingu með því að bæta úr ágöllum hvarvetna þar sem
unnt er, og með því að takmarka málshöfðunarfrest vegna
ógildingar.
I. KAFLI
Reglur um samruna með yfirtöku félags á einu
eða fleiri félögum og um samruna með stofnun
nýs félags
SAMÞYKKT TILSKIPUN ÞESSA:
1. gr.
Gildissvið
1. Ráðstafanir til samræmingar, sem mælt er fyrir um í
tilskipun þessari, skulu gilda um lög og stjórnsýslufyrirmæli
í aðildarríkjunum um eftirfarandi gerðir félaga:
— í Þýskalandi:
die Aktiengesellschaft,
— í Belgíu:
la société anonyme / de naamloze vennootschap,
— í Danmörku:
aktieselskaber,
— í Frakklandi:
la société anonyme,
— á Írlandi:
public companies limited by shares, public companies
limited by guarantee having a share capital,
— áÍtalíu:
la società per azioni,
— í Lúxemborg:
la société anonyme,
— í Hollandi:
de naamloze vennootschap,
— í Breska konungsríkinu:
public companies limited by shares, public companies
limited by guarantee having a share capital.
2. Aðildarríkin geta ákveðið að láta þessa tilskipun ekki
ná til samvinnufélaga, sem stofnuð eru sem ein gerð félaganna
sem talin eru upp í 1. mgr. Að því marki sem þessi
möguleiki er nýttur í lögum aðildarríkjanna skal þess krafist
af slíkum félögum að þau noti orðin „samvinnufélag“ í
öllum skjölum sem um getur í 4. gr. tilskipunar 68/151/EBE.
3. Aðildarríkin geta ákveðið að láta þessa tilskipun ekki
ná til félags eða félaga sem verið er að taka yfir eða leggja
niður, á meðan gjaldþrotameðferð, aðgerðir dómstóla eða
hliðstæðar aðgerðir standa yfir.
2. gr.
Aðildarríkin skulu, þegar í hlut eiga félög sem lúta lögum
þeirra, kveða á um reglur sem taka til samruna með yfirtöku
félags á einu eða fleiri félögum og samruna með stofnun nýs
félags.
3. gr.
1. Í tilskipun þessari merkir „samruni með yfirtöku“ það
þegar einu eða fleiri félögum er slitið án þess að skiptameðferð
komi til og allar eignir og skuldir þeirra eru yfirfærðar
til annars í skiptum fyrir útgáfu hlutabréfa í yfirtökufélaginu
til hluthafa félagsins eða félaganna sem yfirtekin eru og, ef
svo ber undir, greiðslu reiðufjár sem ekki er hærri en 10%
af nafnverði þeirra hlutabréfa sem þannig eru gefin út eða,
ef ekki er um að ræða nafnverð, af bókfærðu verði þeirra.
2. Lög aðildarríkis geta kveðið á um að samruni með
yfirtöku geti einnig farið fram þótt eitt eða fleiri þeirra
félaga sem yfirtekin eru gangist undir skiptameðferð, að
því tilskildu að þessi kostur sé bundinn við félög sem hafa
ekki enn hafist handa við að úthluta eignum sínum til hluthafa.
4. gr.
1. Í tilskipun þessari merkir „samruni með stofnun nýs
félags“ það þegar tveimur eða fleiri félögum er slitið án
þess að skiptameðferð komi til og allar eignir þeirra og
skuldir eru yfirfærðar á félag sem þau stofna í skiptum fyrir
útgáfu hlutabréfa í nýja félaginu til hluthafa þeirra og, ef
svo ber undir, greiðslu reiðufjár sem ekki er hærri en 10%
af nafnverði þeirra hlutabréfa sem þannig eru gefin út eða,
ef ekki er um að ræða nafnverð, af bókfærðu verði þeirra.
2. Lög aðildarríkis geta kveðið á um að samruni með
stofnun nýs félags geti einnig farið fram þótt eitt eða fleiri
þeirra félaga sem verða lögð niður gangist undir skiptameðferð,
að því tilskildu að þessi kostur sé bundinn við félög
sem hafa ekki enn hafist handa við að úthluta eignum sínum
til hluthafa.

Nr. L 295/38 Stjórnartíðindi EB 20.10.78
II. KAFLI
Samruni með yfirtöku
5. gr.
1. Stjórn eða framkvæmdastjórn samrunafélaganna skal
semja drög að skriflegum samrunasamningi.
2. Í drögum að samrunasamningi skal eftirfarandi að
minnsta kosti tilgreint:
a) gerð, heiti og skráð skrifstofa hvers samrunafélaganna;
b) skiptihlutfall hlutabréfanna og fjárhæð greiðslu í reiðufé
ef við á;
c) skilmálar varðandi úthlutun hlutabréfa í yfirtökufélaginu;
d) sá dagur þegar réttur eigenda þeirra hlutabréfa til hlutdeildar
í hagnaði myndast og sérstök skilyrði varðandi
þann rétt;
e) sá dagur þegar starfsemi félagsins sem er yfirtekið skal
færð í bókhaldi sem starfsemi yfirtökufélagsins;
f) hvaða réttindi eru veitt af hálfu yfirtökufélagsins eigendum
þeirra hlutabréfa sem sérstök réttindi fylgja og
eigendum annarra verðbréfa en hlutabréfa, eða hvaða
ráðstafanir séu fyrirhugaðar í því sambandi;
g) hvaða sérstöku kjör bjóðast þeim sérfræðingum sem
um getur í 1. mgr. 10. gr. og þeim sem annast stjórn
félaganna, framkvæmdastjórn, aðra stjórn ásamt eftirlitsaðilum
samrunafélaganna ef um slíkt er að ræða.
6. gr.
Birta skal drög að samrunasamningi fyrir hvert samrunafélaganna,
á þann hátt sem lög hvers aðildarríkis mæla fyrir
um samkvæmt 3. gr. tilskipunar 68/151/EBE, eigi síðar
en einum mánuði fyrir þann hluthafafund sem á að taka
ákvörðun um samrunann.
7. gr.
1. Til samruna er að minnsta kosti krafist samþykkis
hluthafafundar hvers félags sem tekur þátt í honum. Lög aðildarríkjanna
skulu kveða á um að ákvörðun þessi þarfnist
meirihluta minnst þriðju hluta atkvæða sem standa annaðhvort
að baki hlutabréfunum eða skráðu hlutafé sem farið
er með atkvæði fyrir.
Lög aðildarríkis mega þó kveða á um að einfaldur meirihluti
atkvæða sem um getur í fyrstu undirgrein hér að ofan
skuli nægja þegar farið er með atkvæði fyrir að minnsta
kosti helming skráðs hlutafjár. Þar að auki skulu reglur um
breytingar á stofnsamningi og samþykktum gilda þar sem
við á.
2. Ef um er að ræða fleiri en einn flokk hlutabréfa, skal
ákvörðun um samruna vera háð sérstakri atkvæðagreiðslu
að minnsta kosti hvers hluthafahóps sem verður fyrir því að
réttindi hans breytast vegna viðskiptanna.
3. Ákvörðunin skal bæði taka til samþykkis á drögum
að samrunasamningi og breytinga á stofnsamningi og samþykktum
sem samruninn útheimtir.
8. gr.
Ekki er nauðsynlegt að lög aðildarríkis áskilji að hluthafafundur
yfirtökufélags samþykki samruna ef eftirfarandi skilyrðum
er fullnægt:
a) birtingin sem kveðið er á um í 6. gr. verður að fara
fram, fyrir yfirtökufélagið, eigi síðar en einum mánuði
fyrir auglýstan hluthafafund félagsins eða félaganna
sem tekin eru yfir, þar sem tekin verður ákvörðun um
drög að samrunasamningi;
b) eigi síðar en einum mánuði fyrir þann dag sem tilgreindur
er í a-lið skal öllum hluthöfum hvers yfirtökufélags
gefinn kostur á að kynna sér í skráðri skrifstofu
yfirtökufélagsins þau skjöl sem um getur í 1. mgr. 11.
gr.;
c) veita skal einum eða fleiri hluthöfum yfirtökufélags
sem þar eiga lágmarkshlut rétt til að krefjast þess
að boðað sé til hluthafafundar í yfirtökufélaginu til
að ákveða hvort samþykkja skuli samruna. Ekki má
ákveða lágmarkshlut þennan yfir 5%. Aðildarríkin
mega þó kveða á um að hlutabréf án atkvæðisréttar
skuli ekki talin með við þennan útreikning.
9. gr.
Stjórn eða framkvæmdastjórn hvers samrunafélaganna skal
semja nákvæma skriflega skýrslu til skýringar á drögum
að samrunasamningi og með lagalegum og fjárhagslegum
ástæðum samrunans, einkum á skiptihlutfalli hlutabréfa.
Hafi sérstök vandamál komið upp við verðmætamat skal
einnig fjallað um þau í skýrslunni.
10. gr.
1. Drög að samrunasamningi skulu athuguð af einum
eða fleiri sérfræðingum sem yfirvald á sviði dómgæslu eða
stjórnsýslu hefur skipað eða samþykkt og starfa fyrir hönd
hvers félags sem tekur þátt í samrunanum en óháð þeim,
og skulu þeir gefa hluthöfum skriflega skýrslu. Í lögum
aðildarríkja má þó kveða á um að öllum félögunum séu

20.10.78 Stjórnartíðindi EB Nr. L 295/39
skipaðir einn eða fleiri óháðir sérfræðingar sameiginlega,
ef það er gert af yfirvaldi á sviði dómgæslu eða stjórnsýslu
að ósk þeirra beggja. Eftir því sem kveðið kann að vera á
um í löggjöf hvers aðildarríkis geta sérfræðingar þessir jafnt
verið einstaklingar, lögpersónur sem fyrirtæki.
2. Í skýrslu þeirri sem um getur í 1. mgr. skulu sérfræðingar
ætíð gera grein fyrir því hvort þeir telji skiptihlutfall
hlutabréfa sanngjarnt. Í skýrslu þeirra skal að minnsta kosti:
a) skýra frá aðferðum þeim sem beitt er til að komast að
niðurstöðu um fyrirhugað skiptihlutfall hlutabréfa;
b) gera grein fyrir hvort þessi aðferð eða aðferðir séu
fullnægjandi með tilliti til viðkomandi máls, skýra frá
tölulegum niðurstöðum við beitingu hverrar þessara
aðferða og setja fram álit á hlutfallslegu vægi sem slíkum
aðferðum er gefið þegar tölulegar niðurstöður eru
ákveðnar.
Hafi sérstök vandamál komið upp við verðmætamat skal
einnig fjallað um þau í skýrslunni.
3. Hver sérfræðingur skal eiga rétt á að fá aðgang að
öllum upplýsingum og skjölum samrunafélaganna sem máli
skipta og að hlutast til um allar nauðsynlegar rannsóknir.
11. gr.
1. Eigi síðar en einum mánuði áður en hluthafafundur
sá verður haldinn sem taka skal ákvörðun um drög að
samrunasamningi, eiga allir hluthafar að minnsta kosti rétt
á að kynna sér eftirtalin skjöl í skráðri skrifstofu félags síns:
a) drög að samrunasamningi;
b) ársreikninga og ársskýrslur samrunafélaganna fyrir
þrjú næstliðin reikningsár;
c) milliuppgjör sem ekki miðast við fyrra tímamark en
fyrsta dag þriðja mánaðar áður en drögin að samrunasamningnum
voru gerð, ef síðasti ársreikningur er fyrir
reikningsár sem lauk áður en sex mánuðir voru til þessa
tímamarks;
d) skýrslu stjórna eða framkvæmdastjórna samrunafélaganna,
sem kveðið er á um í 9. gr.;
e) skýrslur þær sem mælt er fyrir um í 10. gr.
2. Milliuppgjör það sem kveðið er á um í c-lið 1. mgr.
skal samið með sömu aðferðum og sett upp á sama hátt og
síðasti árlegi efnahagsreikningur.
Þó má setja ákvæði í lög aðildarríkja um:
a) að ekki sé þörf á nýrri vörutalningu;
b) að aðeins megi breyta verðmætistilgreiningum síðasta
efnahagsreiknings til samræmis við færslur í bókhaldi;
þó skal taka tilliti til eftirfarandi:
— afskrifta og fjár sem lagt er fyrir á millibilstíma,
— verulegra raunvirðisbreytinga sem koma ekki fram
í bókhaldi.
3. Hver hluthafi skal ef hann óskar þess eiga rétt á að fá
afhent endurgjaldslaust afrit af öllum þeim skjölum sem um
getur í 1. mgr., eða sumum þeirra eða öllum, eftir því sem
hann vill.
12. gr.
Um verndun réttinda launþega hvers samrunafélaganna
gilda reglur tilskipunar 77/187/EBE.
13. gr.
1. Í lögum aðildarríkjanna skal kveðið á um viðeigandi
tilhögun til verndar hagsmunum þeirra lánardrottna
samrunafélaganna er eiga kröfur frá því fyrir birtingu draga
að samrunasamningi sem ekki voru enn fallnar í gjalddaga
við birtinguna.
2. Í lögum aðildarríkja skal því að minnsta kosti kveðið
á um að þessir lánardrottnar eigi rétt á fullnægjandi
tryggingu þegar slík vernd er nauðsynlegt vegna fjárhags
samrunafélaganna enda hafi lánardrottnar ekki þá þegar
nægar tryggingar.
3. Slíkar verndarráðstafanir geta verið mismunandi fyrir
lánardrottna yfirtökufélagsins og fyrir lánardrottna félagsins
sem tekið er yfir.
14. gr.
Með fyrirvara um það er eigendur skuldabréfa beita réttindum
sínum sameiginlega tekur 13. gr. til eigenda skuldabréfa
samrunafélaganna, nema fundur eigenda bréfanna hafi samþykkt
samrunann, ef kveðið er á um slíkan fund í landslögum,
eða eigendur þeirra samþykkt hann hver fyrir sig.
15. gr.
Eigendum verðbréfa, annarra en hlutabréfa, sem sérstök
réttindi fylgja, skulu í yfirtökufélaginu ekki veitt minni
réttindi en þeir höfðu í félaginu sem tekið er yfir, nema
fundur eigenda að bréfunum hafi samþykkt breytingar á
þeim réttindum ef kveðið er á um slíkan fund í landslögum,
eða eigendur þeirra samþykkt þær hver um sig, eða ef
eigendurnir eiga rétt til þess að bréf þeirra séu innleyst af
yfirtökufélaginu.

Nr. L 295/40 Stjórnartíðindi EB 20.10.78
16. gr.
1. Nú er í lögum aðildarríkis ekki kveðið á um fyrirbyggjandi
eftirlit af hálfu dómstóla eða stjórnvalda um lögmæti
samruna, eða eftirlitið tekur ekki til allra þeirra lagalegu
aðgerða sem krafist er við samruna, skal þá gera og
staðfesta í réttu og lagalegu formi fundargerð þeirra hluthafafunda
sem ákveða samruna og þar sem við á samrunasamninginn
sem er afrakstur slíkra hluthafafunda. Í þeim
tilvikum þar sem ekki er þörf á að fá samþykki hluthafafunda
allra samrunafélaganna fyrir samrunanum skal semja
og staðfesta í réttu og lagalegu formi drög að samrunasamningi.
2. Lögbókandi eða yfirvald sem bært er til að semja og
staðfesta skjal í réttu og lagalegu formi skal skoða og staðfesta
tilvist og gildi löggerninga og formsatriða sem krafist
er af félaginu sem hann eða það er umbjóðandi fyrir, svo og
drög að samrunasamningi.
17. gr.
Gildistökudagur samruna ákvarðast af lögum aðildarríkjanna.
18. gr.
1. Tilkynna skal samruna á þann hátt sem kveðið er á
um í lögum hvers aðildarríkis, samkvæmt 3. gr. tilskipunar
68/151/EBE, fyrir hvert samrunafélaganna.
2. Yfirtökufélagið getur sjálft sinnt þeim kröfum sem
gerðar eru til tilkynningar hvað snertir félagið eða félögin
sem tekin eru yfir.
b) ef þau eru í eigu félagsins sem tekið er yfir eða aðila
sem kemur fram í eigin nafni en fyrir þess hönd.
3. Undanfarandi ákvæði hafa ekki áhrif á lög þeirra aðildarríkja
sem gera sérstakar kröfur um hvernig staðið skuli
að yfirfærslu tiltekinna eigna, réttinda eða skuldbindinga
af hálfu félags sem tekið er yfir, þannig að hún sé gild
gagnvart þriðja aðila. Yfirtökufélag getur sjálft séð um að
fullnægja þeim kröfum en í lögum aðildarríkja má þó heimila
að félagið sem tekið er yfir geti sinnt þeim áfram um
takmarkaðan tíma, er ekki má vera lengri en sex mánuðir
frá því er samruni öðlast gildi, nema sérstaklega standi á.
20. gr.
Í lögum aðildarríkjanna verða hið minnsta að vera reglur
sem gilda um skaðabótaábyrgð þeirra sem sæti eiga í stjórn
eða framkvæmdastjórn félags sem er tekið yfir gagnvart
hluthöfum þess, vegna misferlis þessara aðila við undirbúning
eða framkvæmd samruna.
21. gr.
Í lögum aðildarríkjanna verða hið minnsta að vera reglur
sem gilda um skaðabótaábyrgð þeirra sérfræðinga sem
eru ábyrgir fyrir hönd félagsins sem tekið er yfir að semja
skýrslu þá sem fjallað er um í 1. mgr. 10. gr. gagnvart hluthöfum
þess, vegna misferlis þeirra við störf sín.
22. gr.
19. gr.
1. Samruni hefur eðli sínu samkvæmt eftirfarandi
réttaráhrif sem verða samtímis:
a) yfirfærslu, bæði gagnvart félaginu sem tekið er yfir,
yfirtökufélaginu og þriðja aðila, á öllum eignum og
skuldum félagsins sem tekið er yfir til yfirtökufélagsins;
b) hluthafar félagsins sem tekið er yfir verða hluthafar í
yfirtökufélaginu;
c) félaginu, sem tekið er yfir, er slitið.
2. Ekki skal skipt á hlutabréfum í yfirtökufélaginu og
hlutabréfum í félaginu sem tekið er yfir:
a) ef þau eru í eigu yfirtökufélagsins eða aðila sem kemur
fram í eigin nafni en fyrir þess hönd; eða
1. Í lög aðildarríkja má aðeins setja reglur um ógildingu
samruna í samræmi við eftirfarandi skilyrði:
a) ógildingu skal ákveða með dómi;
b) aðeins má ógilda samruna sem hefur öðlast gildi samkvæmt
17. gr. ef ekki hefur verið haft fyrirbyggjandi
eftirlit með lögmæti hans af hálfu dómstóla eða stjórnvalda,
eða ef ekki hefur verið frá honum gengið og
hann staðfestur í réttu lagalegu formi, eða ef sýnt er
að ákvörðun hluthafafundar sé ógild eða ógildanleg að
landslögum;
c) ógildingarmál verður ekki höfðað eftir að sex mánuðir
eru liðnir frá því að samruni öðlast gildi gagnvart þeim
sem krefst ógildingar eða bætt hefur verið úr ágallanum;

20.10.78 Stjórnartíðindi EB Nr. L 295/41
d) sé unnt að bæta úr þeim ágalla sem ógilding samruna
getur byggst á, skal lögbær dómstóll veita þeim félögum
sem um er að ræða frest til þess;
e) dómur um ógildingu samruna skal birtur með þeim
hætti sem mælt er fyrir um í lögum hvers aðildarríkis
samkvæmt 3. gr. tilskipunar 68/151/EBE;
f) veiti lög aðildarríkis þriðja aðila heimild til að véfengja
ógildingardóm, ber honum að gera það innan sex mánaða
frá birtingu dómsins með þeim hætti sem mælt er
fyrir um í tilskipun 68/151/EBE;
g) ógildingardómur breytir í sjálfu sér engu um gildi
skuldbindinga sem yfirtökufélag ber eða gengist hefur
verið undir gagnvart því, ef þær hafa orðið til áður
en dómurinn var birtur og eftir það tímamark sem um
getur í 17. gr.;
h) félög sem hafa verið aðilar að samruna skulu bera
óskipta ábyrgð hvað við kemur skuldbindingum
yfirtökufélagsins sem greint er frá í g-lið.
2. Þrátt fyrir það sem í a-lið 1. mgr. segir má kveða á um
það í lögum aðildarríkis að ógilding samruna skuli ákveðin
með stjórnvaldsúrskurði, ef honum má áfrýja til dómara.
Gilda þá b-, d-, e-, f-, g- og h-liðir með samsvarandi hætti
um stjórnvaldið. Kæra til ógildingar verður ekki lögð fram
eftir að sex mánuðir eru liðnir frá þeim degi sem um getur
í 17. gr.
3. Framanskráð hefur engin áhrif á lög aðildarríkja um
ógildingu samruna sem lýst er yfir í kjölfar eftirlits með
lögmæti, annars en fyrirbyggjandi eftirlits með lögmæti af
hálfu dómstóla eða stjórnvalds.
III. KAFLI
Samruni með stofnun nýs félags
23. gr.
1. Ákvæði 5., 6., 7. og 9. – 22. gr. skulu gilda, samanber
þó 11. og 12. gr. tilskipunar 68/151/EBE, um samruna með
stofnun nýs félags. Þegar svo stendur á merkja „samrunafélög“
og „félag sem tekið er yfir“ félögin sem lögð eru niður,
og „yfirtökufélag“ nýja félagið.
2. A-liður 2. mgr. 5. gr. skal einnig gilda um nýja félagið.
3. Drög að samrunasamningi, svo og stofnsamningur
nýja félagsins eða drög að stofnsamningi þess, og samþykktir
þeirra eða drög að samþykktum þess, ef samningurinn,
samþykktirnar eða drögin að þeim eru í sérstöku skjali,
skulu samþykkt á hluthafafundi hvers þeirra félaga sem
leggja á niður.
4. Við stofnun nýs félags þurfa aðildarríkin ekki að beita
reglum um staðfestingu á öðrum greiðslum en í reiðufé sem
kveðið er á um í 10. gr. tilskipunar 77/91/EBE.
IV. KAFLI
Yfirtaka eins félags á öðru, þar sem hið fyrrnefnda
á minnst 90% af hlutabréfum hins félagsins
24. gr.
Aðildarríkin skulu kveða á um, þegar í hlut eiga félög sem
lög þeirra ná yfir, framkvæmd þess þegar einu eða fleiri
félögum er slitið án þess að til skiptameðferðar komi og
allar eignir þeirra og skuldir eru framseldar til annars félags
sem á öll hlutabréf þeirra og önnur verðbréf er veita rétt
til að greiða atkvæði á hluthafafundi. Slík framkvæmd skal
stjórnast af ákvæðum II. kafla að undanteknum 5. (b-, c-
og d-liðir 2. mgr.), 9., 10., 11. (d- og e-liðir 1. mgr.), 19.
(b-liður 1. mgr.), 20. og 21. gr.
25. gr.
Aðildarríkin þurfa ekki að beita 7. gr. við framkvæmdina
sem greint er frá í 24. gr. hafi eftirfarandi lágmarksskilyrðum
verið fullnægt:
a) birting sú sem kveðið er á um í 6. gr. skal í tengslum
við hvert félag sem tekur þátt í aðgerðunum hafa komið
til framkvæmda í síðasta lagi einum mánuði áður en
samruninn öðlast gildi;
b) eigi síðar en einum mánuði áður en aðgerðin öðlast
gildi skal öllum hluthöfum í yfirtökufélaginu gefinn
kostur á að kynna sér, í skráðri skrifstofu félagsins, þau
skjöl sem um getur í í a-, b- og c-lið 1. mgr. 11. gr. Um
þetta gilda 2. og 3. mgr. 11. gr.;
c) ákvæði c-liðar 8. gr. skulu gilda.
26. gr.
Aðildarríki geta beitt ákvæðum 24. og 25. gr. þegar einu
eða fleiri félögum er slitið án þess að skiptameðferð komi
til og þau framselja allar eignir og skuldir sínar til annars
félags, svo framarlega sem öll hlutabréf og önnur verðbréf

Nr. L 295/42 Stjórnartíðindi EB 20.10.78
sem um getur í 24. gr. og félagið eða félögin sem tekin
eru yfir séu í eigu yfirtökufélagsins eða þeirra aðila sem
eiga þessi hlutabréf og verðbréf í eigin nafni en fyrir hönd
yfirtökufélagsins.
tekin eru yfir séu í eign yfirtökufélagsins eða þeirra aðila
sem eiga þessi hlutabréf og verðbréf í eigin nafni en fyrir
hönd yfirtökufélagsins.
27. gr.
V. KAFLI
Aðrar aðgerðir sem jafna má til samruna
Í þeim tilvikum að samruni verður á þann hátt að eitt eða
fleiri félög eru tekin yfir af öðru félagi sem á minnst 90% en
ekki öll hlutabréf og önnur verðbréf í hverju þessara félaga
þar sem eign þeirra veitir atkvæðisrétt á hluthafafundum,
þurfa aðildarríkin ekki að krefjast þess að hluthafafundur
yfirtökufélagsins samþykki samrunann ef eftirfarandi lágmarksskilyrðum
hefur verið fullnægt:
a) birting sú sem kveðið er á um í 6. gr. skal hafa komið
til framkvæmda í síðasta lagi einum mánuði fyrir þann
dag er halda skal hluthafafund í félaginu eða félögunum
sem tekin eru yfir til að taka ákvörðun um drög að
samrunasamningi;
b) eigi síðar en einum mánuði fyrir þann dag sem tilgreindur
er í a-lið skal öllum hluthöfum í yfirtökufélaginu
veittur kostur á að kynna sér, í skráðri skrifstofu
félagsins, þau skjöl sem um getur í a-, b- og c-lið 1.
mgr. 11. gr. Um þetta gilda 2. og 3. mgr. 11. gr.;
c) ákvæði c-liðar 8. gr. skulu gilda.
28. gr.
30. gr.
Nú heimila lög aðildarríkis að greiðsla reiðufjár fari fram
úr 10% þegar einhverjar þær aðgerðir eiga sér stað sem
tilgreindar eru í 2. gr., og gilda þá ákvæði II., og III. kafla
og 27., 28. og 29. gr.
31. gr.
Nú heimila lög aðildarríkja einhverja þá aðgerð sem um getur
í 2., 24. og 30. gr. án þess að öll félögin sem sameinast
verði lögð niður, og gilda þá ákvæði II. kafla að undanskildum
c-lið 1. mgr. 19. gr., III. eða IV. kafla eftir því sem
við á.
VI. KAFLI
Lokaákvæði
Aðildarríki þurfa ekki að beita 9. – 11. gr. um samruna í
skilningi 27. gr. hafi eftirfarandi lágmarksskilyrðum verið
fullnægt:
a) eigendur minnihluta hlutafjár félagsins sem tekið er
yfir skulu eiga rétt á því að yfirtökufélagið taki yfir
hlutabréf þeirra;
b) sé þessi réttur nýttur skulu þau eiga rétt á að fá greiðslu
sem nemur verðmæti hlutabréfanna;
c) ef ósamkomulag verður um slíkar greiðslur skal vera
hægt að láta dómstól skera úr um fjárhæð greiðslu.
29. gr.
Aðildarríki geta beitt ákvæðum 27. og 28. gr. þegar einu eða
fleiri félögum er slitið án þess að til skiptameðferðar komi
og allar skuldir þeirra eru framseldar til annars félags, að
því tilskildu að minnst 90% en ekki öll hlutabréf og önnur
verðbréf sem um getur í 27. gr. og félagið eða félögin sem
32. gr.
1. Aðildarríki skulu samþykkja nauðsynleg lög og
stjórnsýslufyrirmæli til að fara að tilskipun þessari eigi síðar
en þremur árum eftir birtingu hennar. Þau skulu tilkynna
framkvæmdastjórninni það þegar í stað.
2. Engu að síður má heimila fimm ára frest frá því að
reglur þær sem um getur í 1. mgr. öðlast gildi og þar til þær
koma til framkvæmda um óskráð félög í Breska konungsríkinu
og á Írlandi.
3. Aðildarríkin þurfa ekki að beita ákvæðum 13., 14. og
15. gr. um eigendur breytanlegra skuldabréfa og annarra
breytanlegra verðbréfa, hafi þegar verið kveðið á um réttarstöðu
eigenda ef til samruna kemur í útgáfuskilmálum á
þeim tíma er lög og stjórnsýslufyrirmæli þau sem um getur
í1.mgr.öðlastgildi.
4. Aðildarríki þurfa ekki að beita tilskipun þessari um
samruna eða aðgerðir sem jafna má til samruna ef sá undir-

20.10.78 Stjórnartíðindi EB Nr. L 295/43
búningur sem landslög krefjast hefur þegar farið fram eða
þær kröfur sem þau gera hafa þegar verið uppfylltar þegar
reglur þær sem um getur í 1. mgr. öðlast gildi.
33. gr.
Tilskipun þessari er beint til aðildarríkjanna.
Gjört í Lúxemborg 9. október 1978.
Fyrir hönd ráðsins,
H. J. VOGEL
forseti.