ljp-nemnozinski-zaednici-mkd

ИДСЦС
Локални јазични политики за немнозинските заедници
Во втората фаза на истражувањето, тимот на ИДСЦС селектираше шест
ЕЛС како студии на случај во кои беа спроведени полу-структурирани
интервјуа со службени лица од различни профили (политичари,
службеници во локалната администрацијата и преведувачи). Вкупниот
број на спроведени полу-структурирани интервјуа во оваа фаза е 15.
Темите на интервјуата наликуваа на темите од прашалникот, но со оглед
на фактот дека во поголемиот дел од овие шест ЕЛС беа интервјуирани
службеници од различни профили, им овозможи на истражувачите да
добијат увид во различни перспективи околу главните предизвици
поврзани со локалните јазични политики. Истражувачите имаа можност да
развијат посеопфатно разбирање на состојбите во секоја од овие шест ЕЛС.
ЕЛС кои беа вклучени во втората фаза на истражувањето се следните:
Градот Скопје, општините Куманово, Гостивар, Чаир, Студеничани и
Долнени. Овие ЕЛС беа избрани врз база на неколку критериуми кои
овозможија разновидност на примерокот. Прво, се целеше да вклучат ЕЛС
во кои спроведувањето на локалните јазични политики е на повисоко ниво
(Град Скопје и Гостивар се покажаа како најнапредни во овој поглед);
второ, употребата на повеќе од два службени јазици беше исто така важен
критериум (сите шест ЕЛС со исклучок на Град Скопје); трето, се целеше да
се вклучат и урбани и рурални ЕЛС (Студеничани и Долнени се рурални
ЕЛС); четврто, постоењето на варијации во моделот на јазична политика
(Куманово со својот специфичен модел претставува најкарактеристичен
пример); и петто, неодамнешното воведување на „нови“ јазици во
службена употреба, исто така беше критериум (таков е случајот со Чаир и
Студеничани кои го воведоа турскиот јазик во официјална употреба во
2013 година).
Врз основа на собраните податоци преку анкетата и полу-структурираните
интервјуа, како и преку достапните официјални документи и други
секундарни извори на податоци, оваа студија детално ја прикажува
состојбата во шесте избрани студии на случај (види Поглавје IV).
Дополнително, во втората истражувачка фаза, беа одржани состаноци и
средби и со други релевантни засегнати страни: претставници од
Секретаријатот за спроведување на Охридскиот рамковен договор (ССРД),
Заедницата на единиците на локална самоуправа (ЗЕЛС) и Мисијата на
ОБСЕ во Скопје. Преку овие средби се доби уште посеопфатен увид во
6