ljp-nemnozinski-zaednici-mkd

Локални јазични политики за немнозинските заедници
ИДСЦС
Струга, Студеничани, Теарце, Тетово, Центар Жупа, Чаир, Чашка и Чучер
Сандево.
Следните ЕЛС не ги доставија одговорите на прашалниците во
предвидениот временски рок од 30 дена: Арачиново, Бутел, Дебар,
Желино, Зајас, Зелениково, Крушево, Куманово, Маврово и Ростуше,
Петровец, Пласница, Старо Нагоричане и Шуто Оризари.
Дистрибуцијата на прашалниците до ЕЛС се одвиваше преку електронска
пошта и факс. Тимот на ИДСЦС оствари контакт со претставници од
секторот за односи со јавност во соодветните ЕЛС пред доставувањето на
прашалникот. Дополнителни напори преку телефонски контакти беа
остварени со цел да се поттикнат службените лица да одговорат на
прашалникот, но некои од овие контакти не резултираа со позитивен
исход. Некои ЕЛС кои не одговорија на анкетата, телефонски беа
консултирани во однос на некои специфични прашања (таков е примерот
со Куманово и Шуто Оризари), но овие информации беа ограничени во
споредба со информациите добиени преку прашалниците. За оние ЕЛС кои
воопшто не одговорија, дури и основниот податок за тоа кои се службени
јазици во општината остана непознат. За тој дел од ЕЛС, ИДСЦС достави
барања за пристап до информации од јавен карактер, што се покажа како
успешен процес. На овие барања одговорија општините Врапчиште,
Крушево, Петровец и Старо Нагоричане. Сето ова значи дека за време на
првата фаза на истражувањето (анкетата и нејзините последователни
активности), ИДСЦС успеа да обезбеди податоци за вкупно 23 ЕЛС од
предвидениот примерок од 30. Регистрираните трендови од оваа
истражувачка фаза се претставени во Поглавјето III од студијата.
Стандардизираниот прашалник кој го пополнуваа официјалните лица
од ЕЛС е поделен на пет теми: 1. Службени јазици во ЕЛС; 2. Области на
употреба на јазиците; 3. Ангажирани службеници за овозможување на
службена употреба на јазиците на немнозинските заедници; 4. Финансии;
и 5. Времетраење и конзинстентност на употребата и можности за
поефективно спроведување. Прашалникот содржи вкупно 18 затворени
прашања. Целта на првиот чекор од истражувачкиот процес беше да се
соберат податоци кои би ја покажале генералната слика и состојбите со
спроведувањето на локалните јазични политики насочени кон
немнозинските заедници.
5