ljp-nemnozinski-zaednici-mkd

ИДСЦС
Локални јазични политики за немнозинските заедници
Препорака 8: Веќе постоечкиот кадар кој работи на преведувачки и
толкувачки активности во ЕЛС треба да биде соодветно обучен за
остварување на таквите активности. Обуките треба да се
организираат во рамки на ССРД или ЗЕЛС, или пак во рамки на друго
соодветно тело на национално ниво.
ПОДДРШКА ЗА ПОМАЛИТЕ, ОГРАНИЧЕНИ СО РЕСУРСИ ЕЛС
Заклучок 7: Помалите ЕЛС, претежно оние кои се сместени во рурални
подрачја имаат ограничени финансиски ресурси и не се во можност
ефективно да ги спроведуваат локалните јазични политики.
Препорака 9: Помалите ЕЛС треба да бидат финансиски поддржани за
ефективно испорачување на општинските услуги до корисниците на
немнозинските јазици. Финансиските средства мораат да бидат
распределени од националниот буџет. Со тоа, централната влада
значително ќе ја поддржи имплементацијата на повеќејазичните
локални политики и со тоа ќе покаже оддлучност да ја подигне
ефективноста на процесот.
Препорака 10: Помалите и ограничени со ресурси ЕЛС можат да бидат
поддржани и преку централизирање/регионализирање на
преведувачките и толкувачките активности. Посебни тела можат да
бидат формирани на регионална основа и ќе можат да извршуваат
преведувачки/толкувачки активности за повеќе, географски блиски,
ЕЛС. Ваквите тела би биле финансирани од националниот буџет. Тие
би ги вработиле потребните преведувачи/толкувачи кои би ги
вршеле услугите за одредени ЕЛС.
МОНИТОРИНГ НА ИМПЛЕМЕНТАЦИЈАТА НА ЛОКАЛНИТЕ
ЈАЗИЧНИ ПОЛИТИКИ И СТРАТЕШКО ПЛАНИРАЊЕ НА
ЦЕНТРАЛНО НИВО
Заклучок 8: Во моментов, Одделението за мониторинг на процесот на
образование, култура и употреба на јазиците во рамки на Секторот за
спроведување на Рамковниот договор, ССРД, сеуште не е комплетирано со
персонал и сè уште не функционира соодветно на својата намена, иако е
воспоставено во 2012 година. Во таква ситуација, мониторингот на
48