ljp-nemnozinski-zaednici-mkd

Локални јазични политики за немнозинските заедници
ИДСЦС
Препорака 4: Граѓаните кои живеат во „повеќејазичните“ ЕЛС, а
особено оние граѓани кои припаѓаат на немнозинските заедници
мораат да бидат информирани за спецификите на локалните јазични
политики во својата ЕЛС. ЕЛС мораат да го организираат овој
информативен процес.
НАСОКИ И ПОДДРШКА ЗА ПОНАПРЕДНИТЕ ЕЛС
Заклучок 4: Ниту една од анкетираните ЕЛС немаат конкретна буџетска
линија (ставка) која ја покрива имплементацијата на локалните јазични
политики. Согласно со тоа, тешко е да се определат трошоците кои се
предизвикани од локалните јазични политики, а информацијата за тие
трошоци е важна за дизајнирање на ефективни политики.
Препорака 5: ЕЛС треба да воведат конкретни буџетски линии
(ставки) во своите буџети и завршни сметки во кои ќе ги покажат
трошоците. Ова е потребно за планирање и следење на трошоците
поврзани со локалните јазични политики. Попрецизен преглед на
трошоците ќе овозможи и поефективна имплементација.
Заклучок 5: Ниту една од истражуваните ЕЛС немаат специјализирана
единица за преведување во рамки на општинската администрација. Таква
организациона единица може значително да ја подобри имплементацијата
на локалните јазични политики.
Препорака 6: Во ЕЛС во кои обемот на работа за превод и толкување е
поголем треба да се воведе специјализирана единица (одделение) кои
ќе ги спроведува сите преведувачки/толкувачки активности. Ова ќе ја
зголеми коинзистентоста во имплементацијата, а особено ќе го
направи подоследен пристапот кон услуги на мајчин јазик за
граѓаните од немнозинските заедници.
Заклучок 6: Во некои ЕЛС има очигледен недостиг од стручен кадар за
преведувачки и толкувачи активности.
Препорака 7: ЕЛС мораат прецизно да ги испланираат своите потреби
во поглед на стручниот кадар потребен за имплементацијата на
локалните јазични политики и соодветно да ги пополнат
преведувачките/толкувачките работни позиции во нивната
администрација.
47