ljp-nemnozinski-zaednici-mkd

Локални јазични политики за немнозинските заедници
ИДСЦС
Врз база на прашалникот, како и според интервјуто со официјалното лице
од Општина Долнени, употребата на турскиот и бошњачкиот е ограничена
само на натписите на таблите на општинските канцеларии. Сите други
области на употреба на јазик се спроведуваат двојазично, со неколку
регистрирани недоследности.
Седниците на Советот се одржуваат на македонски и албански, а
општината ја поседува потребната опрема за симултан превод. Пишаниот
превод поврзан со работата на Советот исто така претежно се спроведува
на двата јазика.
Службениот гласник на Општина Долнени се публикува на македонски и
албански во две посебни публикации. Јавните известувања на огласната
табла се пишуваат само на македонски. Веб-страницата на општината
(http://www.opstinadolneni.gov.mk/) е достапна на македонски, албански и
англиски јазик.
Пишаната комуникација меѓу граѓаните и органите и телата на општината
претежно се спроведува на македонски, додека усмената комуникација се
спроведува на македонски и албански јазик. Информации од јавен
карактер можат да се побараат и добијат на македонски и на албански
јазик.
Сите преведувачки и толкувачки активности од македонски на албански и
обратно се спроведуваат од еден (1) вработен кој е дел од Одделението за
правни, општествени и јавни дејности. Во Правилникот за
систематизација на работните места во општинската администрација
на Општина Долнени (2013) 27 предвидена е една (1) работна позиција за
преведувач македонски-албански.
27
Правилник за систематизација на работните места во општинската администрација
на Општина Долнени, Совет на Општина Долнени, бр. 01-1230/1, од 11 септември 2013.
43