ljp-nemnozinski-zaednici-mkd

ИДСЦС
Локални јазични политики за немнозинските заедници
толкување), веб-страницата, Службениот гласник итн., но се вклучуваат и
во усмен превод и толкување во комуникација со граѓаните. ИДСЦС одржа
средби со раководителот на Секторот за општи работи. Доминантниот
впечаток беше дека моменталните човечки ресурси се соодветни да ги
покријат преведувачките потреби и дека сите активности во овој дел се
одвиваат без особен застој.
Врз основа на Информацијата од 2011 (фуснота 18), подготвена од
Секторот за општи работи и усвоена од Советот на Град Скопје, само две од
седумте јавни претпријатија во надлежност на Градот имаат вработено
свои преведувачи („Комунална хигиена“ и „Дрисла“). Сепак, сите седум
јавни претпријатија ја имплементираат „двојазичноста“, најчесто преку
ангажирање на надворешни соработници.
ОПШТИНА КУМАНОВО
Општината Куманово е најголемата општина во Македонија според бројот
на жители. Лоцирана е во северниот дел на Република Македонија. Со
вкупно 105,484 жители, во нејзините граници се ситуирани неколку
етнички заедници. Најголем дел од населението се етнички македонци
(60,43%), а четвртина од целокупната популација се етнички албанци
(25,87%). 8,59% од граѓаните се етнички срби, а 4,03% роми. Од 2010
година, Општината Куманово покрај службената употреба на албанскиот
јазик, ги воведе и српскиот и ромскиот во употреба во општинскиот Совет.
На 4 мај 2010, Советот на Општина Куманво ја усвои Одлуката за употреба
на српскиот и ромскиот јазик во работата на Советот на Општина
Куманово 19 . Претходно, само албанскиот јазик се користел во службена
употреба и тоа во формална еднаквост со македонскиот.
Употребата на албанскиот, српскиот и ромскиот во Советот се спроведува
преку симултан превод на пленарните седници и консекутивен превод на
седниците на комисиите. Општината располата со потребната опрема за
симултан превод на три јазика (три преведувачки кабини и доволен број
на слушалки). Сите пишани документи во рамки на Советот, како што се
стратегии, акциони планови, Деловникот, записниците од седниците итн.,
19
Одлука за употреба на српскиот и ромскиот јазик во работата на Советот на Општина
Куманово. Службен гласник на Општина Куманово, бр.8, 6 мај 2010.
36