ljp-nemnozinski-zaednici-mkd

Локални јазични политики за немнозинските заедници
ИДСЦС
- Во поглед на објавувањето на Службените гласници/весници на ЕЛС,
ИДСЦС не успеа да пронајде случај во кој Службениот гласник/весник е
публикуван на повеќе од два јазика. Најчесто, Службените
гласници/весници се публикувааат на македонски и албански јазик, а
јазиците на „помалите“ заедници не се користат во овој дел од јазичната
политика.
- Во однос на спроведување на процесот на пристап до информации од
јавен карактер, ЕЛС се разликуваат во практиките. Некои ЕЛС го
спроведуваат овој процес на барем два јазика, додека други допуштаат
барањата да се поднесат на еден јазик, меѓутоа одговарот се дава на друг.
Помал број од „повеќејазичните“ ЕЛС го организираат овој процес само на
македонски.
- Праксата варира и во поглед на инфомациите кои се објавуваат на
огласните табли. Некои ЕЛС го прават тоа само на еден јазик, додека
други ги објавуваат информациите на два јазика. Мал број ЕЛС го прават
тоа на повеќе од два јазика.
- Патните знаци се претежно еднојазични во помалите ЕЛС. Поголемите и
поразвиени ЕЛС поставуваат патнци знаци на македонски и на останатите
службени јазици. Сепак, и овој дел од јазичната политика не се спроведува
секогаш целосно.
- Комуникацијата на граѓаните со органите и телата на ЕЛС е една од
помалку развиените области на употреба на јазиците на немнозинските
заедници, особено кај „помалите“ заедници, оние кои сочинуваат помалку
од 20% од населените, во најголем дел од случаите комуникацијата не е
овозможена на тие јазици, иако се службени во ЕЛС.
- Пишаната комуникација е најчесто овозможена на два службени јазика,
на македонски како и на јазикот на најголемата немнозинска заедница во
ЕЛС. Ова е некогаш условено од јазичните компетенции на службениците.
Во оние ЕЛС во кои мнозинството од граѓаните се припадници на некоја
немнозинска заедница, поголем број на службеници се компетентни на два
јазика и со тоа комуникацијата се спроведува подоследно.
- Усмената комуникација меѓу граѓаните и ЕЛС е ретко систематски
спроведена. Ако конкретниот службеник го зборува јазикот на
немнозинската заедница, како и граѓанинот, усмената комуникација ќе се
спроведе. Доколку не, комуникацијата ќе се спроведе на јазикот кој го
31