ljp-nemnozinski-zaednici-mkd

Локални јазични политики за немнозинските заедници
ИДСЦС
КЛУЧНИ НАОДИ И ЗАКЛУЧОЦИ:
1. Во 2001 година, Македонија значително ги либерализираше
јазичните политики во две општи сфери: образование и службена
употреба (на национално и локално ниво).
2. Оваа студија е фокусирана на само еден аспект од Македонската
јазична политика: политиките кои ги спроведуваат единиците на
локалната самоуправа. Како таква, студијата не го разгледува
користењето на јазиците на немнозинските заедници во
образованието, ниту во службената употреба на национално ниво.
3. Спроведувањето на локалните јазичните политики се соочува со
извесни потешкотии: недостаток од човечки ресурси и буџетски
средства, како и недостаток на информации до граѓаните за
нивните права за службена употреба на својот мајчин јазик.
4. Во изминативе неколку години, ЕЛС беа опремени со
потребната опрема за изведување симултан превод за седниците
на Советот.
5. Исто така, беше изготвен нацрт-Акциски план за
имплементација на „Законот за јазиците“, но тој план ссè уште не е
усвоен од Владата на Република Македонија.
6. Во рамки на Секретаријатот за спроведување на Охридскиот
рамковен договор (ССРД) формирано е одделение за
мониторирање на состојбите со употребата на јазиците, но тоа
одделение сесè уште не функционира со својот целосен
потенцијал.
15