Full page fax print - Landbunadur.is

Frærækt (132–1144)
Endurnýjun á stofnfræi
Beringspuntinum Tuma og snarrótinni Teiti var sáð í fræræktarreiti á Korpu sumarið 2002,
um 1500 m 2 spildu af hvoru yrkinu um sig. Ætlunin er að skera af þeim stofnfræ haustið
2004.
Sprotar af vallarfoxgrasinu Öddu voru sóttir í gamalt hnausasafn á Geitasandi og settir
í Jónshús í vetur. Alls náðust 90 hnausar, sem ætlunin er að fjölga og koma upp stofnfræi.
Komið upp hnausasafni af íslenska stofninum RlPop8904. Fræ er væntanlegt haustið
2004.
Túnvingull, Leifur heppni, var í hnausasafni frá 2002. Mikill breytileiki var í því safni
og gripið til þess ráðs að taka einsleita hnausa og flytja í nýtt safn. Náðust þannig 35 hnausar.
Tveir valhópar af háliðagrasi eru í hnausasöfnum á Korpu. Fræ var skorið um haustið.
Frærækt fyrir Norræna genbankann (132–9907)
Á undanförnum árum hefur jarðræktardeild séð um endurnýjun á nokkrum grasstofnum sem
eru í vörslu Norræna genbankans (NGB). Í ár voru sett út 6 hnausasöfn, 5 sveifgrasstofnar og
1 túnvingulsstofn. Fræ fæst árið 2003.
Frærannsóknir (161–1105)
Gæðaprófanir á sáðvöru voru með hefðbundnum hætti á Möðruvöllum. Prófanir eru gerðar til
að votta spírunarhæfni og hreinleika sáðvöru sem framleidd er hér á landi og ætluð til sölu.
Einnig kemur til prófunar innflutt sáðvara sem hefur úrelt gæðavottorð.
Frærækt innlendra landbótaplantna (132–9346)
Fjölmargir stofnar belgjurta eru varðveittir á Geitasandi á Rangárvöllum. Eru þetta bæði
innlendir og erlendir stofnar, afrakstur nokkurra söfnunarferða á árunum 1992-1997. Er um
að ræða hátt í 100 stofna sem varðveittir eru.
Giljaflækja og umfeðmingur voru slegin með sláttuþreskivél. Öðru fræi var handsafnað.
Uppskera giljaflækjunnar var 200–300 kg/ha og umfeðmingur gaf 50–90 kg/ha.
Fræverkunarstöðin í Gunnarsholti fékk mest allt fræið og var það notað til að búa til nýja
fræakra og í frumprófun tegundanna á landgræðslusvæðum.