Full page fax print - Landbunadur.is

láleitir sem bendir eindregið til fosfórskorts. Einnig var köfnunarefnis- eða kalískortur
greinilegur í allt að 80% akranna.
Yrkjamunur
Átta bændur sögðust sjá greinilegan eða einhvern mun yrkja. Fæstir vissu þó hvort yrkið var
hvað. Hinir bændurnir annað hvort vissu ekki að sáð hafði verið tveimur yrkjum eða sáu
engan mun. Í 6 af 8 ökrum sem starfsmenn RALA skoðuðu var greinilegur munur á yrkjum.
Hins vegar var landmunur oft það mikill í ökrunum að ekki er hægt að útiloka að hann hafi
orsakast að hluta til af breytilegum ræktunarskilyrðum.
Uppskera
Uppskera var metin á 5 ökrum Norðanlands 1. september. Ákveðið var að velja bestu raðirnar
til uppskerumælinga á hverjum stað. Það var gert til þess að fá mat á uppskeru sem hefði
getað náðst, ef allur akurinn hefði þroskast jafn vel og rétt hefði verið staðið að frágangi á
plasti, illgresisvörnum og áburðargjöf. Þó að uppskerumælingar hafi einungis verið gerðar á
Norðurlandi má ætla af myndum að dæma, sem teknar voru um svipað leyti af sunnlenskum
ökrum, að uppskeran á bestu blettunum hafi þar verið svipuð og fyrir norðan. Sláttuhæð var
um 15 sm. Uppskeran var að meðaltali 2,2 (±0,6) t þe./ha. Þurrefni var 10,4 (±0,8)% að
meðaltali. Ljóst er að bil milli raða var óþarflega mikið. Ef raðbilið hefði verið 70 sm í stað
85 hefði uppskeran reiknast vera um 2,4 t þe./ha.
Nýting
Minnst af maísnum var nýttur. Á a.m.k. tveimur bæjum var hann nýttur til beitar fyrir
mjólkurkýr. Annar bóndinn sagði kýrnar vera „vitlausar“ í maísinn og að þær ætu hann alveg
niður. Hinn bóndinn sagði að kýrnar veldu repju og rýgresi fram yfir maísinn. Á a.m.k.
tveimur bæjum var maísinn sleginn um miðjan september. Á Stóru-Ökrum í Skagafirði
fengust 5 rúllur af 0,3 ha (samsvarar um 16 rúllum/ha). Þar var mikið gras í akrinum sem
hugsanlega hefur farið með í rúllurnar. Miðað við 10 – 15% þurrefni má gróflega áætla að
uppskeran sé á bilinu 1,6–2,0 t þe./ha. Á Bjólu í Rangárþingi ytra, þar sem maísræktunin
heppnaðist hvað best, voru uppskornar 12 rúllur af ha. Maísinn var saxaður að mestu í
rúllurnar og af lýsingum af dæma var þurrefnið 15% hið minnsta. Gróft áætlað er uppskeran
því svipuð og á Stóru Ökrum. Gera má ráð fyrir talsverðu þurrefnistapi með frárennsli safa.
Mat bænda
Þegar bændurnir voru beðnir um að meta hvort árangurinn hafi staðist væntingar sögðu fimm
þeirra svo vera miðað við allt sem betur hefði mátt gera. Sjö sögðu að árangurinn væri undir
væntingum og nokkrir nefndu að árangurinn væri fjarri því sem að þeim hafði verið talin trú
um. Aðrir svöruðu spurningunni með jái og neii.