Full page fax print - Landbunadur.is

Kynbætur á korni og kornræktartilraunir (132–9251)
Árið 2003 var eitt hið allra besta í manna minnum. Vetur var nánast snjólaus um land allt og
hvergi fraus svo á láglendi að klaki kæmi í jörð. Korni var sáð með góðum árangri undir
Eyjafjöllum 6. mars og í Þingeyjarsýslu voru akrar að mestu fullsánir fyrir miðjan apríl svo að
dæmi sé tekið. Sáð var í allar korntilraunir utan Korpu fyrir sumar, það er á bilinu frá 19. til
23. apríl. Síðasta korni var sáð á Korpu 15. maí.
Vikulangt kuldakast gerði í byrjun maí með nokkru frosti einkum norðanlands. Þá var
korn víða komið upp en kuldinn kom þó hvergi að sök.. Eftir það brá til hlýinda og fylgdi
afburðahlýtt og hæfilega rakt sumar. Sumarið varð þó ekki mjög langt í síðari endann. Því
lauk nokkuð skyndilega með norðanáhlaupi og frosti um miðjan september. Þá var
kornskurður langt kominn en þó spilltust akrar af snjó og hvassviðri á nokkrum stöðum
norðanlands. Tilraunir spilltust ekki í því veðri. Suðaustanslagviðri hristi korn líka til
sunnanlands í byrjun september. Þá voru enn óslegnar allar tilraunir sunnanlands og vestan.
Þrátt fyrir kuldaköst varð meðalhiti fimm mánaða, maí til september, heilu stigi hærri
en meðalhiti sömu mánaða á hlýindaskeiðinu 1931–60. Árgæskan skilaði sér í kornakra
landsins og uppskera varð meiri en dæmi eru um hér á landi. Þrátt fyrir lítils háttar áföll sem
nefnd eru hér á undan, mátti nýting kallast góð. Korn var líka skorið þurrara en menn eiga að
venjast og þurrkun gekk mjög vel.
Verkefni er lúta að kornrækt og sáðskiptum eru nátengd og stundum voru einstakar
tilraunir sameiginlegar báðum verkefnunum. Má þar nefna tilraunir til lausnar á þeim vanda
sem upp kemur þegar korn er ræktað árum saman á sömu spildu. Tala tilraunareita segir ekki
alla söguna, enda mismunandi hvernig reitir eru taldir. Í ár mátti telja um 1.100 reiti í þessum
tveimur verkefnum.
Tilraun nr. 125-03. Samanburður á byggyrkjum.
Tilgangur með samanburði byggyrkja er tvíþættur. Annars vegar er leitað eftir nýjum
erlendum yrkjum sem að gagni gætu komið í íslenskri kornrækt og hins vegar eru íslenskar
kynbótalínur reyndar í sömu tilraunum og erlendu yrkin. Í ár var sáð í 7 tilraunir í þessari
tilraunaröð. Þær voru á eftirtöldum stöðum:
Tilraunastaður Skamm- Land Áburður Sáð Uppstöfun
kg N/ha teg. skorið
Þorvaldseyri undir Eyjafjöllum Þor sandmýri 90 Gr.5 19.4. 9.9.
Korpu í Mosfellssveit Kmel melur 90 Gr.5 5.5. 8.9.
Korpu í Mosfellssveit Kmýr mýri 60 Gr.5 28.4. 8.9.
Hvanneyri í Borgarfirði Hva mýri 60 Gr.5 23.4. 16.9.
Vindheimum í Skagafirði Vin sandur 120 Gr.6 21.4. 1.9.
Miðgerði í Eyjafirði Mið mólendi 90 Gr.5 22.4. 2.9.
Kvíabóli í Köldukinn Kví mólendi 45 Gr.5 21.4. 2.9.
Sáð var með raðsáðvél í allar þessar tilraunir. Sáðmagn var 200 kg/ha og reitastærð 10 m 2 .
Tilraunirnar voru skornar með þreskivél. Þá var reiturinn skorinn, uppskera vegin og eitt sýni
tekið til að ákvarða þurrefni og kornhlut. Samreitir voru 3 nema í Vindheimum og á mýri á
Korpu, þar voru þeir 4.
Í Vindheimum var til viðbótar yrkjasamanburðinum gerð tilraun með úðun gegn
blaðsveppum og á mýri á Korpu var mæld eftirverkun eftir sams konar úðun ári fyrr. Í hluta
tilraunarinnar í Miðgerði var líka tilraun með úðun gegn blaðsveppum og illgresi. Í henni