Create successful ePaper yourself
Turn your PDF publications into a flip-book with our unique Google optimized e-Paper software.
Bütün kənd Gərəhməzin qapısına yığışmışdı. Arvadlar ağlaşır, kişilər boğaz<br />
çəkib yalvarırdılar. Gərəhməz evdən bayıra çıxmırdı. Sanki çöldə bir yığın sərçə<br />
cükküldəşirdi.<br />
Çox çək-çevirdən sonra Gərəhməzin evinə Çoban Səlimi yollamaq qərarına<br />
gəldilər. Çünki burada olmayan yeganə kənd sakini Səlim idi.<br />
Kəndxuda onun dalınca adam göndərdi. Səlim gələn kimi İsfəndiyar kişinin<br />
yanına qaçdı:<br />
“…Q….q….qorxuram….” –dodaqları titrədi.<br />
İsfəndiyar kişi:<br />
“Qorxma, oğlum. Bax, indi get, gördüklərini Gərəhməz xalana denən. Denən<br />
gəlib bizə kömək eləsin”.<br />
Çoban Səlim adamların sifətinə baxa-baxa Gərəhməzin evinə tərəf addımladı.<br />
Qapını açıb içəri keçdi. Adamlar yalnız bundan sonra Gərəhməzin qapısındakı<br />
qarağacın budaqlarının çürüdüyünü gördülər.<br />
***<br />
Gərəhməz Çoban Səlimin əlindən tutub bayıra çıxanda, camaatın arasında<br />
dolaşan uğultu kəsildi.<br />
Rəngi meyiti xatırladan, dişləri tökülmüş, burnu donqarlamış qarını əvvəlcə heç<br />
kim tanımadı. Saçlarını cin hörmüşdü elə bil. Saman, ot, tikan parçaları da qarışmış bu<br />
düyünlər yəqin, heç qiyamət günündə də açılmayacaqdı. Əynindəki köhnə libasın<br />
rəngini ayırd etmək mümkün deyildi. Evindən və bədənindən gələn ifunət, rütubət<br />
qoxusunu isə bircə yaxınında dayanan Səlim hiss edirdi.<br />
Səsi də tamam dəyişmişdi Gərəhməzin:<br />
“Nə istəyirsiz məndən!?”.<br />
Duruxdu, gözlərini qıyıb diqqətlə camaata baxdı. Deyəsən, heç kimi tanımırdı.<br />
Ya da çoxdan bəri gün üzü görmədiyindən gözləri qamaşırdı.<br />
Xırıltılı səslə:<br />
“Dağılacaq bu kənd! Yernən yeksan olacaq!”<br />
Camaat ölü bir sükut içində “cin dəyişəyinin” nitqinə qulaq asırdı.<br />
“Baxın, a kor olmuşlar” –əlini çürüyüb tökülməkdə olan qarağaca uzatdı –<br />
“Görün çırağımı necə söndürdünüz. Sizin aranızda ala qarğa bala çıxarmaz!”<br />
Dodaqları əsdi, çoban Səlimin başını tumarlaya-tumarlaya əlavə etdi:<br />
“Bu bədbəxtin meyitini kəndin girəcəyindəki tut ağacından asılı gördüm.<br />
Qarğalar gözlərini dimdikləyirdi. Məni evimlə birlikdə yandırdılar. Səni…. hı….<br />
ədalətli kəndxudanı, tikə-tikə doğradılar”.<br />
Kəndxuda gözlərini avamcasına qırpdı. Gərəhməzin kefi lap kökəldi:<br />
“İsfəndiyar kişinin qızıl qanı ağ saqqalına yaman yaraşırdı…” – səsini yüksəltdi<br />
– “Qadınlar, hamınız əsirsiniz! Uşaqlar, ölüsünüz! Körpələr, sizi süngülərdə<br />
oynatdılar!”<br />
“Biz səni başa düşmürük, Gərəhməz! Bizə kömək elə…” – kimsə dilləndi.<br />
“Nəyi başa düşmürsüz, ay avamlar! Yaş çökəkdən gələn səsləri eşitmədiniz?”<br />
Adamlar təəccüblə biri-birinə baxdılar.<br />
Gərəhməz çürümüş budağa bənzəyən əlini havaya qaldırıb işarə verdi:<br />
9