Create successful ePaper yourself
Turn your PDF publications into a flip-book with our unique Google optimized e-Paper software.
Və təbii, atəşkəs bərpa olunandan sonra gedib rahatca yatmağıma davam<br />
edirəm...<br />
Ən yaxşı müdafiə hücumdur deyənlər haqlı imişlər. Oğlumu elə susdurmuşdum,<br />
“mıq” eləyə bilmirdi. Ama əsgərlərini bir daha səfərbər etmək istəyini eşidəndə dalağım<br />
sancdı. Bu xəbəri mənə arvad verdi. Bizim arvadağa evdə KİV rolunu oynayır. Hər<br />
axşam bütün xəbərləri mənə və ailə üzvlərinə o çatdırır; larmpıçka yanıb, video işləmir,<br />
yataqxanada otaq satırlar, anamın təzyiqi qalxıb, çörək qurtarıb və s. Onu da deyim ki,<br />
qaynanamgilnən lap yaxın oluruq. Demək olar, bir yerdə... Aramızda bir divar var. Sizə<br />
deyim, qaynata-qaynana ilə yaxın olmaq Rusiya və İran kimi ölkələrlə qonşu olmaq<br />
kimi bir şeydi. İstənilən vaxt «ölkə KİV»inə sensasion xəbərlər ötürməyi, daxili<br />
münaqişələrdən istifadə edib bu və ya digər məsələləri öz mənafelərinə uyğun həll<br />
etmək üçün «ölkə»yə burun soxmağı bacarırlar. Bu da təbii, kişinin hakimiyyətinin<br />
ictimai dayaqlarını sarsıdır. Necə olur-olsun kişi evin ali baş komandanıdı. Bütün<br />
hakimiyyəti – lap belə maliyyə naziri postunu arvada güzəştə getmək, xəzinəni onun<br />
ixtiyarına vermək olar, ancaq ali baş komandan vəzifəsini heç zaman əldən vermək<br />
olmaz! Əsgərlikdə olmasam da, belə işlərdə təcrübəliyəm.<br />
Etiraf etməliyəm ki, qaynatam və qaynanam Rusiya və İran kimi həmişə mənə<br />
qarşı qərəzli olublar, qızlarının və nəvələrinin tərəfini saxlayıblar. Odur ki, bu atəşkəs<br />
məsələsində sərt siyasət yürütdüyüm üçün mənə yumşaq notalar göndərdilər:<br />
“Uşağın xətrinə dəymə. Sən o yaşda olanda şalvarının düymələrini aça<br />
bilmirdin.”<br />
Mənim qohumlarım, yəni atam və anam beynəlxalq təşkilatlar timsalında çıxış<br />
edirlər. Çünki onlar uzaqda – rayonda yaşayır və bizə az-az gəlirlər. Üzdən arvadın və<br />
oğlumun sözünü deyib Rusiya və İranla hesablaşsalar da, mahiyyət etibarı ilə mənim<br />
tərəfimdədirlər. Çünki mən ailəni onlar istəyən kimi idarə edirəm. Lazım gəlsə,<br />
«polis»in, yəni iri və güclü yumruqlarımın hesabına arvad üzərində tam və qəti<br />
qələbəmi təmin edirəm. Amma nə olar, nə olmaz, həddi çox aşmıram, arvadın etiraz<br />
aksiyalarına, qonşularla qeybətləşməsinə, hətta mənim qarama döşəməsinə icazə<br />
verirəm. İstənilən məsələdə onun səsini qiymətləndirir, təkliflərini dinləyir, sonda öz<br />
bildiyimi edirəm.<br />
Nə isə, arvaddan aldığım son məlumata görə, oğlumun bölüyündə ölən, qılçınıqolunu<br />
itirənlərlə yanaşı itkin düşənlər də vardı. Ölənlər və yaralılar hamısı tapılmışdı,<br />
itkin düşənlərin işi fırıq idi. Çünki bizim otaqda hündür və ağır şkaflar var, bu şkaflarla<br />
divarın arasına düşən əsgərin yiyəsinə xeyri yoxdu. Üstəlik, mən bilən, əməliyyat vaxtı<br />
pəncərə açıq olub. Güman ki, itkin düşənlərin bir qismini fırıldatmışam küçəyə –<br />
maşınların təkəri altına. Oğlum ümidlərini üzmüşdü tamam. Bölüyü bərpa etmək üçün<br />
ona vaxt lazım idi. Əlbəttə o, atəşkəsdən istifadə edib öz işini görə bilərdi. Buna görə,<br />
diqqətini bağça, məktəb, əlifba kimi zərərsiz istiqamətlərə yönəltmək lazım idi. Mənim<br />
son siyasi missiyam bu idi. Bacarırdım da!<br />
Günlərin birində qaynım bir kulyok əsgər, texnika və hərbi sursat gətirdi evimizə.<br />
Oğlum sevindiyindən dingildəyirdi. KİV, müxalifət, Rusiya, İran tamamilə onun<br />
tərəfində olduğundan səsimi çıxara bilmədim. Bu azmış kimi, beynəlxalq təşkilatlar da<br />
təxminən arvadın və oğlumun tərəfində idilər. Təklənmişdim.<br />
82