You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Əvəzində Ağtəpə kolxozunun sədrini qulaqlayıb atdı bayıra. Çağırıb yanına, deyib ki,<br />
hansı su ilə suvarmısan taxılını? Kolxoz sədri utandığından qıpqırmızı qızarıb, başını<br />
aşağı salıb. Başçı deyib, sən nə həyasız adamsan, cındır bir möhürdən ötrü adam da o<br />
sifətə düşərmi?<br />
Həə… Yaxşı adamdı bizim başçı, işin yönünü-yöntəmini biləndi. Bakıda da böyük<br />
hörməti var. Sən öl, müşavirəyə gələn adamları heç adam yerinə qoymurdu. Qonaqlığı<br />
da, qalmaq məsələsini də Ağcabədi İcra Hakimiyyətinin boynuna qoydu».<br />
Mamoğlu sözünü qurtarıb dərindən ah çəkdi:<br />
«Həə, dayoğlu, dünyanın belə-belə işləri olur» - sonra başını qaldırmadan əlavə<br />
etdi – «Axşam kök bir çəpiş kəsmişəm, gedək uşaqlara qovurtdurum, toqqamızın altını<br />
bərkidək. İçmək istəmirsən?».<br />
***<br />
Yeməkdən sonra qalxıb yatağın ortasında kəndçilərimlə gap edirdim. Birdən<br />
məktəb direktorunun müavini uzaqdan mənə əl elədi. Yaxınlaşdım. Mamoğlu da<br />
hardansa peyda oldu. Müavin mamoğluna baxa-baxa əlindəki əmri mənə uzatdı:<br />
«Təbrik edirəm, 16 saat dərs düzəltdik sənə. Adətən təzə gələnlərə 12 saatdan artıq<br />
verilmir, amma day sən özümüzünküsən» - sarı, yarıçürük dişlər ölü bir təbəssüm<br />
yaratdı müavinin sifətində. Mamoğlu da irişdi və əlimdəki əmri alıb diqqətlə gözdən<br />
keçirdi:<br />
«Allah xeyir versin!»<br />
Günəş artıq qüruba əyilmişdi. Hardansa buzov mələməsi eşidildi. Təbiətin<br />
sozalmaqda olan işığı palçıq daxmalardan ibarət bu şəhristanı daha da hüznlü göstərirdi.<br />
Hərbi-siyasi məsələ<br />
“Budrudum!!!”<br />
Yarıoyaq olsam da, sırazı anlayıram. Top səsidi. Top səsi... Yaddaşımı kirkirədən<br />
keçirsən də, bu səs qulaqlarımdan gedəsi deyil.<br />
...Füzuli bazarından aldığım karalyoku pencəyimin qoluna silib təzəcə bir dişlək<br />
almışdım ki, ərəsət qopdu. Elə bil hər şey mənim bu karalyoku dişləməyimə bənd imiş.<br />
Qaçhaqaç, qovhaqov, yıxılan, duran, büdrəyən, qışqıran, zarıyan... hamı qarışdı biribirinə.<br />
Birdən: «Budrudum!!!» Dalınca da insanın qulaqlarını cırıqlayan vəhşi bir<br />
uğultu... Yenə şəhəri top atəşinə tuturdular. Qaçmağa macal yox idi. Yetən-yetən əlləri<br />
ilə başını qucaqlayıb yerindəcə şöngüyürdü. Səs gələn səmtə baxdım, heç nə<br />
görünmürdü. Uğultunun vahiməsi çiyinlərimdən aşağı basdı, mən də oturdum. Bu an<br />
ikinci gurultu və ikinci uğultu göylərin boşluğunu ağuşuna aldı. Saniyədən də az zaman<br />
ərzində nəsə qara bir şeyin şəhərin üstü ilə keçdiyini hiss etdim. Uğultudan əlavə,<br />
partlayışabənzər səs gəldi, şəhər silkələndi. Qorxmağa başlamışdım. Görünür, Füzuli<br />
şəhərinin şimalında, ən əhəmiyyətli yüksəkliklərin birində qərar tutan erməni hərbçiləri<br />
bazarın koordinatını düz götürmüşdülər. Tərs kimi bazar günü idi, adam əlindən<br />
tərpənmək olmurdu. Bazara düşən istənilən mərmi bir göz qırpımında böyük fəsadlar<br />
törədərdi və başına mərmi düşən həmin adamlardan biri də mən ola bilərdim.<br />
Füzulidə hamı topu, qradı, minemyotu səsindən tanıyırdı. Hətta qırıcının səsini o<br />
biri uçaqlardan ayıra bilirdilər. Bu mənada şəhər əhalisinin sluxuna yağlı bir beş!<br />
78