You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Mamoğlu bir az ehtiyatlandı deyəsən. Amma özünü o yerə qoymadı, bic-bic<br />
gülümsədi:<br />
«Dağılmış kolxozun nəyindən yazacaqsız, rəhmətliyin oğlu?! Beş-altı metis qoyun<br />
qalıb, gəlin onu da sizə təhvil verim» – güldü – «Kişi təyinatnan işə gəlib, özünüzü<br />
biabır eləməyin, bir akladını düzəldin getsin».<br />
Əmoğlu:<br />
«Sənə qalmayıb. Sən camaatdan oğurluyub satdığın soğanlardan danış».<br />
Mamoğlu dinmədi və bu yerdə məktəb direktoru ayağa qalxıb, nəhayət ki, söhbətə<br />
müdaxilə etdi. Özü də çıxışına əmoğluya hücumla başladı:<br />
«Ə kişi, nə istəyirsən? Arvadını xadimə yazdırmısan, bir dəfə işə gəlmir, özün həm<br />
pensiya alırsan, həm də 32 saat dərsin var, bir dəfə də sinifə girməmisən…»<br />
Əmoğlunun əlləri əsdi:<br />
«Yaxşı eləyirəm, əlimin içindən gəlir. Böyrəyim xəstədi pampers taxıb gələrəm<br />
dərsə, kiməsə istisi-soyuğu olmaz. Sən vərəmdən pensiyaya çıxıb 40 saat dərs deyən<br />
müəllimlərinin dərdini çək».<br />
«Kimdi vərəm xəstəsi? Adını denən!»<br />
«Özün yaxşı bilirsən kimdi».<br />
Direktorun burun dəlikləri quruya atılan balığın qəlsəmələri kimi qalxıb endi:<br />
«Hər il sentyabr-oktyabr ayını yaylaqda kef eliyirsiz, noyabrın ortası yığılırsız dərs<br />
bölgüsünə. İki qara qəpik üstündə bir-birinizin ətini yeyib məktəbin qapısına da paslı<br />
bir qıfıl asırsız. Burdan-bura öz balalarınızı kor qoyursuz. Hələ bir utanmıyıb danışırsız<br />
da!» - səsini qaldırıb barmağını silkələdi – «Sən öl sizi yığaram başçının yanına,<br />
şalvarınız əyninizdə duruş gətirməz!»<br />
«Şərait yarat, dərs keçilsin!» - əmoğlu dilləndi.<br />
«Nə şəraiti yaradım ə!» - direktor qışqırdı – «Sənin kimi nadürüstlərnən şərait<br />
yaratmaq olar?!».<br />
Əmoğlu direktorun üstünə dartındı. Müəllimlər araya girdi. Əmoğlu:<br />
«Nadürüst sənin anasını çərrədib öldürən atandı. Havayı yerə sizə eşşək nəsli<br />
demirlər. Ömür boyu bir dəfə yazı taxtasının qabağına çıxıb dərs danışmısan?! Bu<br />
camaatın evini yıxan sənsən!»<br />
Əmoğlunu itələyib çölə çıxartdılar. Direktorun rəngi avazımışdı. O, qarşısındakı<br />
sənəd-sünədi yığışdıra-yığışdıra alçaq səslə dedi:<br />
«Heç bir dərs bölgüsü olmayacaq. Gedirəm təhsil şöbəsinə, məktəbi<br />
bağlatdıracam».<br />
Müavinin boyu daha da qısaldı, başı arıq çiyinlərinin arasına çəkildi. Amma<br />
sifətindəki məchul təbəssüm hələ də silinib getməmişdi.<br />
Müəllimlər bir-bir, iki-bir dağılışdılar. Mən mamoğlu ilə çıxdım. Mehribancasına<br />
qoluma girdi. Pişik gözləri parıldayırdı yenə:<br />
«Sən fikir vermə, hər il belə olur. Əmin oğlu o söyüşlərnən demək istədi ki, 2<br />
saatın başından keçdim. Lətifəsi səndən uzaq, itaparan olsun! Direktor da məktəbi<br />
bağlayıram deməklə razılaşdı və hamıya bildirdi ki, hərə 2 saatından imtina etməlidir.<br />
Görmədin müavin necə irişirdi. Sən belə şeyləri bilməzsən, dayoğlu».<br />
«Bəs sən hardan bilirsən» - maraq məni bürüdü.<br />
75