You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
«Var».<br />
«İnanmıram, əmə höjət də eləmirəm. Mənim oxumaxnan-yazmaxnan aram<br />
olmuyuf heç vax. Bir il birə, iki il ikiyə, üç il üçə getmişəm. Hərəsinə də, ildə cəmi bir<br />
dəfə. Hər dəfə də eyni həftədə, bəlkə, eyni gündə. Ona görə, dərsimiz eyni şey olub:<br />
«Qıratın tərifi»<br />
Çənlibeldən səni deyif gəlmişəm<br />
Nə bilim nə, Qırat gəl…<br />
Elə bil arvad-zaddı Qırat. Xı-xı-xı-xı-xı… Öxxxxxö… Ööööxxxx… xxxtfu!» –<br />
başını stolun altına əydi. Əlindəki damino daşlarını rahatlayıb kiməsə (bəlkə də mənə)<br />
qışqırdı:<br />
«Aha! Tayını gəldim».<br />
Altının qoşasını stola çırpıb yerinə dolayladı və üzünü yenə mənə çevirdi:<br />
«Hə, şair, bu üç-dörd ildə, axır ki, əzbərlədim «Qıratın tərifi»ni. Ömrü boyu<br />
kitablardan öyrəndiyim bircə budu. Ama yaman şeirdi, hə? Kopooğlu Qıratı elə<br />
tərifliyir, elə bil ballistik raketdi.»<br />
***<br />
Balabəy arağı tərgidəndən, urufu mənə keçdi elə bil. İçib saat üçdə, dörddə qapını<br />
döyürdüm. Gözlərini ovuşdura-ovuşdura tumançaq çıxırdı otaqdan: «Kimdi?»<br />
Hər dəfə üzr istəyib içəri keçirdim.<br />
Bir belə, iki belə, beş belə, iyirmi beş belə… Day «kimsən» demir, qapını açıb<br />
dinməzcə hücrəsinə çəkilirdi.<br />
Bir dəfə məni adsız barmağının işarəsi ilə çağırdı:<br />
«Ey, sluşi, ayağını bəri qoy».<br />
Yaxınlaşdım. Çöldən, dəmir qapının çərçivəsinə vurulmuş zəng düyməsini<br />
göstərdi:<br />
«Bu, bilirsən də nədi?»<br />
«Bilirəm».<br />
«İndən belə, nə qapını döyürsən, nə də qorxa-qorxa «ay Balabəy dayı» deyib<br />
kefini pozursan, eləcə barmağını bura toxundurursan, vəssalam! Bax belə…»<br />
Düyməni basdı, ördək balasının ritmik səsi eşidildi:<br />
«Gördün?!»<br />
«Eşitdim».<br />
«Malades! Di get, əmə, axşam çalış az içəsən».<br />
***<br />
Bir gecə otaq yoldaşımla dalaşmışdım, küsüb gedirdim. Saat hardasa üç-dörd<br />
olardı, kefli idim. Birinci mərtəbəyə düşəndə otaq yoldaşım məni arxadan qucaqladı.<br />
Qulağının dibinə bir şillə! Səndələdi. Qapıya tərəf cumdum. Qışqırdı:<br />
«Balabəy!»<br />
Balabəy hövlank qalxıb otağından çıxdı. Yenə də tumançaq və ayaqyalın idi.<br />
Otaq yoldaşım haray saldı:<br />
«Qoyma getsin, piyandı, maşının altında qalacaq. Qoyma…»<br />
Mən Balabəyi də basdalayıb keçmək istədim.<br />
«Olmaz» – dedi – «get yat, sabah hara istəsən gedərsən.»<br />
70