You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
“Keçilərin…. hamısı… bala salır, qoçların…. buynuzu əyilib öz gözlərini<br />
çıxarır” – dedi və tələsik otaqdan çıxdı.<br />
Kəndxuda dərindən köks ötürdü:<br />
“Kəndin başının üstündə qəza var, İsfəndiyar kişi!”<br />
“Bu hardan çıxdı?” – ağsaqqal istehza ilə soruşdu.<br />
“Qəza var, görəcəksən”.<br />
İsfəndiyar kişi dinmədi, ağ saqqalını ovuşdura-ovuşdura təqvimdən döşəməyə<br />
dammış qana baxdı.<br />
***<br />
İdarənin həyətində səs-küy qopmuşdu. Kəndxuda İsfəndiyar kişi ilə bahəm<br />
həyətə çıxdı:<br />
“Nə olub, ay camaat!”<br />
Meşədən gələn bir dəstə adam az qala xorla qışqırdılar:<br />
“Yaş çökəyin altından adam səsi gəlir”.<br />
“Bu nə deməkdi, adam danışanda, qışqıranda səsi gələr də”.<br />
“Yox ey, yerin altından… ”<br />
Kəndxuda tutuldu.<br />
“Yerin altından?” – İsfəndiyar kişi təəccüblə soruşdu.<br />
“Həə… Yerin altından. İsfəndiyar dayı, üstümdə andın yoxdu, inanmırsan<br />
gedək özün qulaq as”.<br />
“Bu nə səfehlikdi, məni dolamısız?” – İsfəndiyar kişi heyrətdən donub qalan<br />
insanlara, sonra rəngi ağappaq olmuş Kəndxudaya baxdı, özü də tutuldu. Çiynindəki<br />
çuxanı düzəldə-düzəldə camaatın qabağına düşdü.<br />
***<br />
Doğrudan da yerin altından qarışıq səslər gəlirdi. Onların hansı dildə danışdığı<br />
bəlli deyildi, amma insan olduqlarına şübhə yox idi. İsfəndiyar kişi həyəcandan<br />
titrəyən kənd sakinlərinə əli ilə “sakit olun” işarəsi verdi və qulağını yerə söykəyib<br />
dinşəməyə başladı. Bir azdan ayağa qalxdı, hədəqəsindən çıxan gözlərini Yaş çökəyin<br />
nəm torpağına zillədi, sonra dalı-dalı çəkildi. Camaat da onun kimi geri çəkilməyə<br />
başladı. İsfəndiyar kişinin dili batmışdı deyəsən. Kəndxuda onun qoluna girdi, kişiyə<br />
su verdilər, tütün eşdilər. Hannan-hana özünə gəlib camaata baxdı:<br />
“Gələn ölülərimizin səsidi, onlar nədənsə narahatdılar!”.<br />
***<br />
Bir saat çəkməmiş meşədəki ağacların qara çiçək açdığı, bulaqların qan<br />
rəngində axdığı, qayaların döşü ilə gedən yolların öz-özünə uçub dağıldığı, kənddə bir<br />
qadının ölü uşaq doğduğu barədə xəbərlər gəldi.<br />
Kəndxuda yerində dayana bilmir, idarənin qabağında sağa-sola var-gəl edirdi.<br />
Həmişə olduğu kimi yenə də çıxış yolunu İsfəndiyar kişi tapdı:<br />
“Gedək Gərəhməzin yanına!”<br />
***<br />
7