You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
qaçqınçılıq düşdü. İndi Ağcabədidəki qış yataqlarında yaşayıram. Şükür Allaha,<br />
imkanımız pis deyil. Yüzə yaxın qoyunumuz var, beş-altı inəyimiz. Hələ atdan, itdən,<br />
üzdən iraq, ulaqdan danışmıram. Bircə dərdimiz var - su! Buralarda su tapılmaz.<br />
Xaricilərin hesabına Taxtakörpünün yol ayrıcındakı arteziandan yaxşı borular<br />
çəkiblər. Di gəl ki, həftədə bir dəfə bu krantlarda su olur, ya olmur. Su gələndə camaat<br />
elə sevinir, elə sevinir deyirsən bəs dünya çempionatında qol vurulub. Bir qaçhaqaç,<br />
bir qovhaqov, bir haray-həşir düşür ki, adam az qalır havalana. Fit çalıb papağını göyə<br />
atan kim, çırtma çalıb oynayan kim, sevindiyindən qəşş edib yerə yıxılan kim... Pisi<br />
odu ki növbə üstündə dava salırlar. Hətta vedrə ilə biri-birinin təpəsini-gözünü vurub<br />
əzənlər də olur. Hamı birinci olmaq istəyir bu məmləkətdə. Heç kim siyahının<br />
ortasına, sonuna düşmək istəmir. Suya da ki, etibar yoxdu, birdən gördün<br />
zümzüməsinin şirin yerində xırp kəsildi. Əlin hara çatacaq? Bundan sonra ağzını<br />
turbaya dirəyib ha sümür, ha özünü öldür, xeyri yoxdu, balaların susuz qalacaq. Nə<br />
qədər çaynik-çaynik dilənmək olar.<br />
Suyun kəsilmə təhlükəsi növbədəki dava-dalaşın aqressivliyini artırır. Bir<br />
müəllim yoldaşım var, talantlı adamdı, axır ki, beyin işlədib milləti bu növbə<br />
böhranından əməlli-başlı xilas etdi: növbədəkilərin dairəvi siyahısını tutdu. İstənilən<br />
adam siyahının həm başlanğıcı, həm də sonudur. Su harada qurtarıb növbəti dəfə<br />
siyahı həmin adamdan başlayır. Saat əqrəbi istiqamətinə... Artıq hər şeyi taleyin<br />
ümidinə buraxmaq gərək. Növbə çərxi-fələk kimi dövran eləyir. Ola bilər ki,<br />
axşamacan su kəsilməsin və növbədəkilər bir neçə dəfə su götürmək xoşbəxtliyi əldə<br />
etsinlər. İnişil bayramqabağı belə bir hala təsadüf etdik. Necə sevindik, İlahi!<br />
Sudan söz düşmüşkən, bir əhvalat da deyim. Bizdə yataqdan xeyli aralı "Acı<br />
krant" deyilən bir artezian var. Adından göründüyü kimi, suyunu içmək mümkün<br />
deyil. Paltar yumağa, bir də heyvan sulamağa yarayır. Laçından təzə gələndə xınalı<br />
inəklərimiz bu suyu bəyənmirdilər, imsiləyib geri dururdular. Bir gün belə, iki gün<br />
belə, axırda susuzluq iradələrini sındırdı. İndi maşallah bəhməz kimi əmirlər.<br />
Bir ili lap quraqlı idi, adamlar acı krantdan içməyə məcbur olumuşdular. Qonşu<br />
yataqlardan da bura atlı-eşşəkli adamlar gəlirdi. Krantın qarşısında böyük bir biton və<br />
sənək növbəsi vardı. Gecə-gündüz damcı yerə düşməyə qoymurdular. Tərs kimi<br />
yaylağa köçənlər də elli-elatlı təzəcə gəlib tökülüşmüşdülər yatağa.<br />
Günorta istidən bişən inəklər "Acı kranta" tərəf dəbərişdi. Camaat ağır yelinli<br />
inəklərin havayı yerə əziyyət çəkib kranta qədər getməyinin qarşısını almaq istədi.<br />
İnək dilini bilmədiyimizdən, təbii ki, onlara nəsə başa sala bilməzdik. Heyvanlar<br />
yanğılı içlərini soyutmaq üçün irəli dartındı. İşi belə görən yataq əhlinin əli çomaq<br />
tutanı ağaclı, yabalı, köşküllü naxırı qaytarmağa çıxdı. Yatağın ortasında bir<br />
vurçatlasın düşdü ki, gözlülər olsun görməsin. Kişi hayqırtısı, uşaq qışqırığı, inək<br />
böyürtüsü, ağac-yaba şappıltısı biri-birinə qarışdı. Yataq tozun içində itmişdi. Camaat<br />
naxır qarşısında tab gətirə bilmədi. İnəklər mühasirəni yarıb "Acı krant"a hücum<br />
çəkdilər və böyürə-böyürə bitonları, arx yerlərini, krantın turbasını yalamağa<br />
başladılar.<br />
"Allah sən saxala! Allah sən saxla!"- nənəm deyirdi bunu. Deyirdi və ağlayırdı.<br />
Sonra da tumanının ətəyi ilə arıq burnunu möhkəm-möhkəm silirdi. Elə silirdi ki,<br />
deyirdin bəs dibindən qoparıb atmaq istəyir. Nənəm kövrək adamdı. Bədəncə də xeyli<br />
51
Change language