You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
öyrəndiyi və qılmağa başladığı namaz onu bir çox əski adətləri kimi tualetə getmək<br />
sərbəstliyindən də məhrum etmişdi. Növbə tutdu.<br />
Tualetdəkiləri hövsələ ilə gözdən keçirə-keçirə düşündü: «Tamaşaçı teatrların<br />
qarderobunda və tualetində daha çox və canlı görünür. Tualetin bir üstünlüyü odu<br />
ki, burda qadın yoxdu. Yoxsa, vay... vay... Kanalizasiya və siqaret iyinə ətir-pudra<br />
qoxusu qarışa bilər. Hələ növbədəki narahatlıqlar, cinsəl əziyyətlər...<br />
Teatr Avropanın zibilidi. Hamı kimi Şərq də bu zibilə düşüb. Hətta İran təki qapalı<br />
ölkə də tamaşalar göstərir, ancaq zalda qadınlarla kişilər ayrı otururlar. Tualetləri<br />
də ayrıdı. Avropanın da qadın tualetləri ayrıdı. Baxmayaraq ki, tamaşa zalında<br />
nəinki kişi qadının yanında otura, hətta işıqlar sönəndən sonra yüz oyundan çıxa<br />
bilər. Burdakı ədalət prinsipində yarımçıqlıq var: Avropa demokratiyası tualetlərə<br />
qədər işləyə bilməyib. Tualet intim yerdi. İnsan tualetdəki qədər heç yerdə səmimi<br />
ola bilmir. Tualetdəki yazılarla millətin səviyyəsini bilmək, xarakterini öyrənəmək<br />
olar».<br />
Növbə getdikcə azalırdı. Daha doğrusu o, qapıya yaxınlaşırdı. Arxasında hələ xeyli<br />
adam vardı. Beş dəqiqə, on dəqiqə... İçəri girənlər elə bil yatırdılar orda. Bu iyinqoxununi<br />
içində nə vardı axı! Girdin, işini gör, rədd ol dəəə! Arada istədi çıxıb<br />
getsin. Şəhərin tanıdığı yerlərində ən yaxın tualeti düşündü. Azı yarım saat lazım<br />
idi. Sakitləşdi. Qarşısında üç nəfər qalmışdı...<br />
Şəriət kitablarından öyrəndiyi qaydaları xatırladı. Gərək paltarına bir damcı da<br />
sidik dəyməsin. Əgər dəyibsə və sən onu bilirsənsə, qıldığın namaz batildi.<br />
Təmizliyinə əmin deyilsənsə, yenə etdiyin ibadətin legitimliyi şübhə altındadı.<br />
Təmizlənməlisən.<br />
Kitablarda yüz cür savab və xeyirxah işlər, yaxşı və faydalı əməllərdən yazılıb.<br />
Bunların hamısından daha yaxşı tualetə getmək qaydalarını öyrənmişdi nədənsə.<br />
Əsil müsəlman ayaq üstə sidik ifraz etməməlidir. Çünki insan ayaq üstə durduğu<br />
zaman oturacağından gələn sidik kanalı yarımçevrə vəziyyətində olur və bu<br />
yarımçevrədə sidik qalır. Gün ərzində hərəkət edəndə, oturub duranda kanal<br />
vəziyyətini dəyişir, sidik ifraz olunur. Yalnız çömbəltmə oturanda sidik kanalı<br />
dümdüz olur və bədəndə artıq heç nə qalmır. Bundan sonra qalır cinsiyyət orqanını<br />
sığamaq və yuyub pak etmək. Vəssəlam!<br />
Amma indiki tualetlərdə çömbəltmə oturmaq asan başa gəlmir. Təsəvvür et ki,<br />
tualetə girmisən, unitaz hündürdədi. Sən əvvəlcə unitazın bədəninə dəyə biləcək<br />
hissələrini su ilə təmizləməlisən. Çünki ölkə əhalisinin əksəriyyəti müsəlman olsa<br />
da namaz qılanların sayı o qədər də çox deyil və deməli kişilərin əksəriyyəti şifahi<br />
işini ayaq üstə görür. Bu zaman unitazın ətrafına sidik sıçrayır. Ən yaxşısı<br />
ayaqlarını untiazın kənarlarına qoyub üstünə qalxmaq, sonra çömbəlməkdir.<br />
Bununçün isə, kəndirbaz olmaq gərək. O, əvvəllər bu üsuldan istifadə edirdi. Bir<br />
dəfə ayağı sürüşüb unitazın deşiyinə necə pərçimləndisə, az qaldı topuqdan aşağı<br />
üzülsün. Neçə gün taytıya-taytıya gəzdi...<br />
Getdiyi tualetlərdə unitazın yerdə olduğunu görəndə sevinir, onu tikən ustaya, pul<br />
xərcləyən xozeynə ürəyində dua edirdi.<br />
43