You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
yox, üstünlüyüdür; ikincisi, təsvir olunan olaylara münasibətdə hər cür prokuror<br />
sanksiyası, hakim ədasından uzaq müəllif obyektivliyi mövqeyində durmaq cəhdi!<br />
Obyektivlik haqq-hesabında bəzən müəyyən güzəştlərə də gedir, məsələn,<br />
qaçqınlara və ümumən qaçqınlığa münasibətdə nəinki dünya, hətta Azərbaycan da<br />
yox, Laçın vətəndaşı kimi çıxış edirsən və bu, təbiidir. Çünki sən, doğrudan da,<br />
laçınlısan və bununla ancaq fəxr eləmək olar. Dünya nəsrində müəllif<br />
obyektivliyinin örnəkləri sayılan Stendal, Flober, Dostoyevski də yox, eləcə<br />
Şərifsən və bundan da əndişələnməyə dəyməz - onlar da Şərif deyillər. Ən realist<br />
və ya postmodernistik təhkiyən belə bəzən Russo qələminə layiq “gözlənilməz”<br />
sentimental akkordlarla bitir və bu da məntiqidir. İnsan ağrısı və bundan doğan<br />
duyğusallıq hər cür “izm”dən ötədir. Sənin ən “şən” hekayənin altında da hansısa<br />
ağrı qıvrılır. Və bu ağrının ən küt oxucunu belə çaldığı məqamlar olur.<br />
Ədəbiyyatımızda bir yandan ağrısızlıq, arsızlıq sindromunun baş alıb getdiyi, digər<br />
tərəfdən isə bayağı, şablon kədərin tüğyan elədiyi bir vaxtda sənin hekayələrindəki<br />
təbii ağrılar daha qabarıq duyulur.<br />
Bəzən “önəmsiz” məsələlər barədə cümləni cümləyə qoşur, səni ən çox ağrıdan<br />
fakta dair isə kiçik bir işarə, hətta sükutla kifayətlənib qalan məsələləri oxucuya<br />
etibar edirsən. Məncə, haqlısan, işarələr daha ciddidir, sükutun dili daha mənalıdır.<br />
Səssiz söhbət etibardır və bu etibarına görə sağ ol! Allah da bizimlə səssiz danışır,<br />
onun da səsini qulağımızda yox, ürəyimizdə eşidirik.<br />
Şərif! Mən bu yazını ön söz yox, məktub kimi yazdım, oxucu yox, müəllifə<br />
ünvanladım! Çünki mənə bu haqqı verən sən oldun və sözümü ancaq sənə deyə<br />
bilərəm. Amma fikirlərim oxucular üçün də maraqlı olsa, bundan yalnız və yalnız<br />
məmnunluq duyar və deyərdim: Şərif Ağayarı oxuyun. Onun timsalında yeni əsrin<br />
nasiri yetişir.<br />
Dərin ehtiramla,<br />
Əsəd Cahangir<br />
Laçınsız ilk gün<br />
İşğaldan bir gün əvvəl<br />
Kənd arvadlarının gördüyü qara-qura yuxular Kəndxudanın kürkünə birə<br />
salmışdı.<br />
Kəndxuda özü də son vaxtlar qəribə yuxular görürdü; bir başından möhür, o biri<br />
başından cəza vasitəsi kimi istifadə etdiyi simli qamçısı ilana çevrilib onun boğazına<br />
sarılırdı. Qəribəsi o idi ki, ilan dil açıb danışır, gördüyü bütün bivec işləri bir-bir<br />
Kəndxudanın yadına salırdı; dostunun arvadını ərindən qalma mirasa görə zorla<br />
almasını, bu izdivac üçün kəndin ən yoxsul kişisinin atını satıb şəhər qazisinə rüşvət<br />
verməsini, öz arvadının bu hoqqalara dözməyib vərəmləməsini, dostunun oğlu,<br />
4
Change language