Create successful ePaper yourself
Turn your PDF publications into a flip-book with our unique Google optimized e-Paper software.
Hətta lapatkə vurduğumuz yerin üç addımlığında basdırdığı daşı da göstərdi.<br />
Dədəm uzun sükutdan sonra ərkyana bir təbəssümlə dedi:<br />
«Sənin oğlannarın hələ balacadı. Onnar böyüyənə kimi bundan da yaxşı yerlər<br />
tutarsan. Bizim imkanımız yoxdu, qabaqdan qış gəlir, bir daxma yerindən ötəri kənddən<br />
çıxmayacam ki!»<br />
Sonyanın atası sərtləşdi:<br />
«Məni maraqlandırmır. Nə çox yer var, gərək gəlib mənim qapımın ağzında<br />
tikiləsən».<br />
Dədəm mümkün qədər yumşaq davranmağa çalışdı:<br />
«Qapının ağzında niyə? Sənin evin gör hardadı».<br />
Sonyanın atası lapatkəni dartıb dədəmin əlindən aldı və kanala tərəf tolazladı.<br />
«A kişi, çıx get mənim yerimdən. Sən nə təhər adamsan».<br />
Dədəm onun üstünə çəmkindi:<br />
«Sən kimsən ki, mənim lapatkəmi kanala atırsan. Sən öləsən, canın çıxsa da gedən<br />
döyüləm. İki dünya bir olsa da, mən daxalımı burda tikəcəm».<br />
Səsə-küyə Sonyanın əmiləri, əmisi oğlanları gəldi. Başladılar dədəmlə mübahisə<br />
eləməyə. Bir azdan qonum-qonşu da yığışdı. Hamı Sonyanın atasının sözünü deyirdi.<br />
Dədəm isə bir addım belə geri çəkilmir, bütün gücünü səfərbər edib haqlı olduğunu<br />
sübuta yetirmək istəyirdi. Axır ki, Sonyanın atası özünü saxlaya bilməyib qışqırdı:<br />
«Kişiliyin çatır get Kərimin cavabını ver. Sənə yazığımız gəlir, a bədbəxt, özümüz<br />
xətrinə dəymirik».<br />
Dədəm tutuldu, traktordan yenicə düşürdüyü kərənin üstündə oturub fikrə getdi.<br />
***<br />
Axşam kişi nə çay içdi, nə də bir loxma çörək yedi. Qapqara qaralmışdı. Məni<br />
çağırdı, yanında otuzdurub üzümə baxmadan soruşdu:<br />
«Kərimi döyə bilərsən?»<br />
Çaşdım.<br />
«Sən onu döyməsən, bu kənddə qala bilməyəcəyik. Hamı üstümüzə ayaq alacaq,<br />
bizi götübarmaqlı edəcəklər. İcazə verirəm, onu tut, ustaddan gəlmə elə! Heç kimdən<br />
qorxma, bu da olsun üç-dörd qoyun, polisə verib canımızı qurtararıq».<br />
***<br />
Kəndin üstündən qapqara buludlar axışırdı. Buludlar çox alçaqdan və sürətlə<br />
gedirdi. Ya kənd göyün altından qaçır, ya göy bu kəndin üstündən sürüşüb harasa gedir,<br />
ya da buludlar kəndi yerli-dibli – tarlalı, evli, ağaclı, insanlı, heyvanlı süpürüb naməlum<br />
bir məkana aparırdı. Dünyanın sonu idi deyəsən – eynən müqəddəs kitablarda deyildiyi<br />
kimi… Yerlə-göy biri-birinə qovuşmuş, hər şey başı üstünə çevrilmişdi… Kəsilib səliqə<br />
ilə arıtlanmış ərər ağacları havada fırlana-fırlana uçuşur, daxallar ehmalca çökür, xan<br />
çinarları nəriltiylə aşır, başı görünməyən göydələnlər altından boğanaq qalxa-qalxa<br />
yerin təkinə gömülürdü. Havada şütüyən qırıcılar ürkmüş sərçələrə bənzəyirdi. Axan<br />
buludların, sürüşən göyün uğultusuna ildırım gurultusu da qarışdı. Hər gurultudan əvvəl<br />
şimşək gecənin köksünü bədheybət bir qüvvə ilə qamçılayır, hər qamçı işıq parıltısı ilə<br />
gecənin vahiməsini bir anlıq gözə soxur, təzədən geri alırdı. Qamçının çıxardığı hər<br />
işıqla bir tanış mənzərə görünürdü: Kərimin qəzəbli sifəti, dədəmin kepqası, baltası,<br />
sovet sədrinin tüksüz başı, sahə müvəkkilinin paqonları, qoyunlarımız, pambıq tarlası,<br />
36