Create successful ePaper yourself
Turn your PDF publications into a flip-book with our unique Google optimized e-Paper software.
Dədəm heyvanı yerbəyer edib evə gəldi, söykəyini atıb çay istədi. Anam kənddə<br />
baş verənlərdən qorxmuşdu deyəsən. Odu ki, kişinin bütün dediklərinə anındaca əməl<br />
edirdi. Dədəm çaydan bir qurtum alıb qaşlarını oynatmağa başladı. Çay soyuyub buza<br />
döndü, yemək təkrar isinib süfrəyə gəldi, dədəmdən cınqır çıxmadı. Qaşlar eləcə<br />
«axtarış»ını davam etdirir, bir yerdə qərar tutmurdu. Görünür əmin idi ki, beyninin<br />
hansı küncündəsə düşdüyümüz vəziyyətdən çıxış yolu var. Sadəcə bu yolu tapmaq,<br />
həyata keçirmək gərəkdir.<br />
Nəhayət qaşlar baş-başa gəldi və anındaca dədəmin səsi eşidildi:<br />
«Bala, get Sənəm arvadı çağır».<br />
***<br />
Sənəm arvad tumanını yığıb sobanın yaxınlığında oturdu. Anam çay süzdü.<br />
Dədəmlə Sənəm arvadın arasında belə bir söhbət oldu.<br />
«Ay Sənəm arvad, sən haqq adamısan, bu Kərimin atası nə təhər adamdı?»<br />
«Nə təhəri olacaq, adamdı da…»<br />
«Axı onlar niyə belə elədilər, bizim nə günahımız vardı?»<br />
«Qudurğandılar, a kişi!»<br />
«İlyaznan nə təhəri qouhumdular?»<br />
«Kərimin anası İlyazın ögey bacısının qızıdı».<br />
«Mehribandılar?»<br />
«Külü qoyum onnarın mehriban başına. İt-pişik kimidilər. O ili otuz kilo pambığın<br />
üstündə Kərimin anası İlyazı itdən alıb itə vermədimi?»<br />
«Bilirsən, Sənəm bacı, biz bu kənddə qəribik, heç kimi tanımırıq. Kəndin acı var,<br />
gici var, alkaşı-avarası var. İndi bu adamları tanımaq üçün gündə yaxalaşmalıyıq?<br />
Kənddə bir ağsaqqal da yoxdu gedib dərdini deyəsən».<br />
«Əşşi onnar ağsaqqal-qarasaqqal sayan döyüllər, özünə əziyyət vermə».<br />
«İndi mən neyləyim, bax gör uşağın sifətini nə günə salıblar? Sabah dərsləri<br />
başlayacaq, dayısı xəbər göndərib, necə getsin indi? Durum gedim şikayət eləyim,<br />
camahatnan üz-göz olum? Böyün o qədər adamın içində mən yaşda adama dişinin<br />
dibindən çıxanı dedilər, üstümə dartındılar. Biz də yiyəsiz deyilik, bizim də<br />
adamlarımız, qohum-əqrəbamız var».<br />
«…»<br />
«Bəlkə kalxoz sədrinə şikayət eliyim».<br />
«Birin ağına!»<br />
«Birin ağı nədi?»<br />
«Görməmisən, köpəyoğlunun bir gözünə boz gəlib, kordu. O, adamdı bəyəm,<br />
dərdini deyəsən? Pul alıb oğlunun qanını batıran adamnan nə gözdüyürsən?».<br />
«Oğlunu öldürüblər sədrin?»<br />
«Bıy! Xəbəriniz yoxdu?! Sədrin bacısı oğlu rayonnan qız istiyirdi, vermirdilər.<br />
Elçi-elçi üstündən getdi, xeyri olmadı. Onda hələ sədr döyüldü bu oğraş. Bacısına<br />
məsləhət görür ki, uşaqlar qızı qaçırsın. Bir gün qız ata-anasıynan bizim kəndə toya<br />
gəlir. Bu cavannar da – sədrin oğlu, bacısı oğlu, iki nəfər də dostları, toyda içib<br />
keflənillər. Bacısı oğlu sədrin maşınını götürür, çıxıllar yola. Gözləyillər, qızın atasının<br />
maşını gələndə yolu kəsillər. Kişi yerə düşəndə görür ki, bunnardı! Tez əlindəki<br />
34