You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Çaşıb qaldım, ilk dəfə idi ki, belə söz eşidirdim. Necə yəni itkin düşüb?! Heç<br />
adam da itərmi?<br />
«Qohumlarnan bir yerdə heyvanlarını Kəlbəcər üzə aparırmış. Bir dəstə silahlı<br />
adam qarşılarını kəsib, elə biliblər ermənidi. Silahsız olduqlarına görə qorxublar. Elə<br />
ki, həmin adamlar heyvanı alıb bunlara dəyməyib, əmim şübhələnib. Sonra məlum<br />
olub ki, Kəlbəcər oğrularıdı. Təzədən kəndə qayıdıb yiyəsiz heyvanlardan adama bir<br />
dəstə düzəldib, gəliblər Kəlbəcərə. Əmim soyuqladığından yoldaşlardan icazə alıb<br />
Murovdan Gəncəyə, ordan da «çerez» Ağcabədi keçib Füzuliyə – “Horadizin<br />
kruqu”na. Ailəsinin-uşaqlarının sığınacaq tapdığı yerə… Orda - «Vadaproz»da<br />
qohumlarımız çoxdu. Hamısı istinin dərdindən doluşub ictimai tövləyə. Əmim də<br />
tövlənin bir küncünü taxta ilə kəsib «ev» düzəldib, qəpik-quruşdan uşaqlara xərclik<br />
verib, sonra yollanıb babamgilin qaldığı yerə – Beyləqanın Binnətli kəndinə…<br />
Xəstəliyi şiddətli imiş. Kürəyinə bankə salıblar, deyiblər bir az qal, sonra gedərsən.<br />
Deyib yox, yoldaşlara söz vermişəm. Səhəri babamgillə bir maşında Ağcabədinin<br />
girəcəyinə qədər gəlib. Gəncəyə gedən maşınlara minmək üçün orda – Qarabağ<br />
kanalının yanında düşüb.<br />
Bir aydan sonra yoldaşlar gəlib çıxıblar ki, əmim yoxdu. Onlar elə bilirmişlər<br />
xəstəliyinə görə Horadizdə qalıb» - qardaşım udqunub susdu.<br />
***<br />
Dədəm kənddə mağazada işləyirdi. İmkanına söz ola bilməzdi. Əmim kasıb idi<br />
amma. Bir gün dədəmdən nisyə nəsə istəyir, dədəm vermir, inciyir dədəmdən.<br />
Yadımdadı, hamımızla dost idi, dədəmdən başqa. Ona görə bizə gəlmirdi. Dədəmlə<br />
salamlaşmırdı da. Bir gün dədəm bizi göndərdi ki, gedin, Cəfərqulugildən (yəni<br />
əmimgildən) tüfəngimizi alın, gətirin. Əmim yaxşı ovçu idi. Öz tüfəngi yox idi amma.<br />
Qardaşımla gedib tüfəngi istədik. Dinməz-söyləməz gətirib verdi. Bütün ləvazimatı ilə<br />
bir yerdə: patrondolduran, ehtiyat gilizlər, ölçü qabı, qırma, barıt, piston,<br />
pistonçıxaran, lüləni silib yağlamaq üçün polad məftil, qatar və s. Sevindiyimizdən<br />
atılıb düşürdük. Uşaq ağlımızla özümüz ova gedəcəkdik…<br />
***<br />
Evdə ali məktəbə hazırlaşmağımı istəyirdilər. Heyvanlarımızı maşına doldurub<br />
Ağcabədiyə – Cəfərbəyli kəndində anamgilin yığışdığı evə gəldik. Dədəm yox idi.<br />
Soruşdum, dedilər qohumlarına dəyməyə gedib. Qohumlar da hərəsi bir rayonda…<br />
Gecikməyi təbii idi, amma bu qədər yox. Az qala iki ay tamam olurdu. Arada xəbər<br />
gəldi ki, bəs qohum-əqrəbanın başbilənləri əmimi axtarmaqla məşğuldu. Televizorda<br />
elan veriblər, pasportunun surətini Qızıl Ayparaya çatdırıblar, Kəlbəcərə gediblər, onu<br />
görənlərlə söhbət ediblər və bizim bilmədiyimiz daha hansısa işləri görüblər. Dədəmə<br />
görə qayğımız bir az azaldı. Amma üçüncü ayın tamamından sonra anam gecələr yata<br />
bilmirdi. Evdə on nəfər idik, əksəriyyəti də azyaşlı. Dədəm demiş, qanayaqlı körpə…<br />
Göz görə-görə acından ölmək təhlükəsi varıdı.<br />
***<br />
İsti yay günəşi qaldığımız məhəllənin həyətindəki budanmış tut ağacının lütüryanlığından<br />
istifadə edib pəncərədən ədəbsizcəsinə içəri soxulur, adamın əhvalını<br />
doğrudan-doğruya təlx edirdi. Aranın istisi Murovun soyuğunu laçınlıların<br />
sümüyündən çoxdan çıxarmışdı. İt kimi ləhləyirdi camaat.<br />
19
Change language