You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
«Şuşanın alınmasını eşidən kimi işimi bildim, dava-dərmanı yarımçıq qoyub<br />
gəldim. Laçını alıblar da, gedib də! Qohum-övladın çoxu qalıb kənddə, inanmırlar ki,<br />
torpaq alınacaq… Qız-gəlini güdaza verəcəklər!» - dədəm çox həyəcanlı idi.<br />
Sonra izah elədi ki, biz dayımı və əmimi qarşılamaq üçün Laçına tərəf<br />
getməliyik. Onlar köç yolu ilə heyvan gətirirlər.<br />
***<br />
Köç yoluna maşın işləmirdi. Asfaltla gedənlər isə yalnız ev-eşik yığmaq üçün<br />
tutulan «partavoy» maşınlar idi. Allah işimizi rast saldı. Asfaltdan köç yoluna tərəf ağ<br />
bir «Qaz 53» buruldu. Dədəm kepqasını yelləyə-yelləyə maşına tərəf yüyürdü:<br />
«Ə, saxla! Ə, saxla! Belə gündə adam adamı yolda qoyar?!»<br />
Maşın dayandı, onlar da bizim kimi adam qarşılamağa çıxımışdılar.<br />
«Kuza»ya qalxdıq. Yol boyu heyvanlarını qabağına salıb gələn yüzlərlə adam<br />
varıdı. Soraqlaşa-soraqlaşa ta Laçının qənşərinəcən gəldik. Xoşbəxtlikdən mindiyimiz<br />
«Qaz 53»-ün sahibləri axtardığı adamı tapa bilmirdilər, yoxsa qalan yolu piyada<br />
getməli olacaqdıq. Dağtumasdan Muradxanlıya tərəf sallananda əmimlə rastlaşdıq.<br />
Saqqal basmışdı tamam. Onu belə görməmişdim heç vaxt. Dədəm maşının salonunu<br />
orta barmağı ilə taqqıldatdı, maşın dayandı, düşdük. Xahiş elədik, bizi bir dəqiqə<br />
gözləsinlər. Əmimlə görüşdük, dedi, dayımı görməyib. O biri əmim isə kənddə qalıb,<br />
gəlmək istəmir. Bir dəstə kənd adamına qoşulub gedənlərə gülür və deyir, qayıdanda<br />
sizi kəndə buraxmayacağıq. Dədəm başını buladı və biz maşına qayıtdıq.<br />
«Kuza»da azca saman varıdı. Dədəm samanı ayağı ilə küncə toplayıb üstündə<br />
oturdu, kepqasının arxasını qaldırıb başını «port»un taxtasına söykədi və mürgülədi:<br />
«Necə gündü yuxusuzam. Yerimə qor dolub elə bil».<br />
Maşın qəflətən çalaya düşüb atdandı, «port» dədəmin başının arxasına dəyincə<br />
kepqası atılıb «kuza»nın ortasına düşdü. Cəld kepqanı götürüb çırpdım və dədəmə<br />
qaytardım. Dədəm əli ilə başının arxasını ovuşdura-ovuşdura dedi:<br />
«Görəsən buralardan maşın tapmaq olarmı? Gedib Cəfərqulunun da evini yığıb<br />
gətirək».<br />
Cəfərqulu dədəmin ortancıl qardaşı idi.<br />
***<br />
Muradxanlıdan azca yuxarı, Laçına tərəf dikləşmişdik ki, yolun içində böyük<br />
qələbəlik gördük. Elə bir basabas, itələşmə vardı ki, torpaq atsan yerə düşməzdi: bir<br />
tərəfdə hərbçilər – tank, top, qrad qurğuları, bir tərəfdə camaat – qohumları o bir üzdə<br />
qalan laçınlılar...<br />
Hərbçilərdən biri tankın üstünə çıxıb qışqırdı:<br />
«Ay camaat, Laçını ermənilər aldı! İndi Qayğı qəsəbəsindən də yolu<br />
bağlayacaqlar! İrəli getmək olmaz!»<br />
«Bəs siz harda ölmüşdünüz ki, Laçını aldılar? Həə, a qurumsaxlar!» – səsindən<br />
tanıdım, Əliqulu kişi idi... Uzun müddət qonşu kənddə briqadir işləmişdi, qoçaq<br />
adamıdı.<br />
Bu sözün arxasınca bir qışqırıq, bir haray-həşir düşdü ki, adamı lap vahimə<br />
basırdı. Kişilər də arvadlara qoşulub şivən qoparırdı.<br />
14