unnin fyrir mennta- og menningarmálaráðuneytið 2011

Úttekt á Grunnskólanum í Sandgerði
8.4. Nemendaverndarráð
Nemendaverndarráð starfar við Grunnskólann í Sandgerði. 131 Í ráðinu sitja skólastjóri,
aðstoðarskólastjóri, skólasálfræðingur, deildarstjórar, námsráðgjafi, skólahjúkrunarfræðingur,
kennsluráðgjafi og fulltrúi félagsþjónustu. Hlutverk nemendaverndarráðs er að samræma skipulag og
framkvæmd þjónustu við nemendur varðandi skólaheilsugæslu, náms- og starfsráðgjöf og
sérfræðiþjónustu og skólanámskrá Grunnskólans í Sandgerði, vera skólastjóra til aðstoðar um
framkvæmd áætlana um sérstaka aðstoð við nemendur. 132
8.5. Ráðgjöf til kennara
Hægt er að óska eftir kennsluráðgjöf í tengslum við nám og kennslu. Þessi þjónusta er sótt til
Fræðsluskrifstofu Reykjanesbæjar en kennsluráðgjafi hefur viðveru í skólanum hálfsmánaðarlega og er
það á ábyrgð kennara að óska eftir aðstoð. 133 Fræðsluskrifstofan hefur komið að vinnuramma kennara.
Kennarar segja að ráðgjöfin sé nokkuð „Reykjanesbæjarmiðuð” og finnist því mikilvægt að leita einnig
annað eftir aðstoð. 134
8.6. Sjúkrakennsla
Nemendur, sem að mati læknis geta ekki sótt skóla vegna slyss eða langvarandi veikinda, eiga rétt til
sjúkrakennslu annaðhvort á heimili sínu eða á sjúkrastofnun. Sjúkrakennsla er á ábyrgð viðkomandi
sveitarfélags. 135 Í grunnskólanum hefur ekki reynt á þetta ákvæði.
8.7. Skólaheilsugæsla
Nemendur njóta þjónustu skólaheilsugæslu Heilbrigðisstofnunar Suðurnesja. Deildarstjóri
skólaheilsugæslu HSS er tengiliður við skólann. Starfsfólk skólaheilsugæslu vinnur í samvinnu við
foreldra/forráðamenn, skólastjórnendur, kennara og aðra sem koma að málefnum nemenda. Undir
skólahjúkrun falla reglulegar sjónprófanir, hæðar- og þyngdarmælingar, athugun á litaskyni,
bólusetningar, flúorskolun og annað eftirlit með almennu heilbrigði nemenda skv. tillögum landlæknis.
Skólaheilsugæslan sinnir skipulagðri heilbrigðisfræðslu, hvetur nemendur til heilbrigðra lífshátta og
ábyrgðar á eigin heilbrigði. Hjúkrunarfræðingur býður einnig upp á viðtalstíma fyrir nemendur. Auk
þessa taka skólahjúkrunarfræðingar þátt í kynfræðslu, áfallavinnu og öðrum verkefnum er snúa að
131 Reglugerð mennta- og menningarmálaráðuneytið, nr. 584/2010, 17-20 gr. sem byggir á 40.gr.laga um grunnskóla.
132 Skólanámskrá Grunnskólans í Sandgerði, 2010 – 2011:13
133 Viðtal við framkvæmdastjóra Fræðsluskrifstofu Reykjanesbæjar, 26. maí 2011.
134 Viðtal við skólastjórnendur 17. maí 2011.
135 Lög um grunnskóla nr 91/2008, 17.gr.
39