You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Jón Þorláksson stóð að gengishækkun 1924-5 einni<br />
umdeildustu ákvörðun í sögu gengismála á Íslandi.<br />
einum fulltrúa frá hvorum bankanna og formanni skipuðum af<br />
fjármálaráðherra. Engin ákvörðun var hins vegar tekin um festingu<br />
gengisins, enda stóðu þá yfir miklar umræður á milli svokallaðra<br />
hækkunarmanna og stýfingarmanna, hliðstæðar þeim sem fram fóru<br />
erlendis um sama leyti. Hækkun gengisins á árinu 1924 og fram<br />
eftir árinu 1925, ekki síst vegna batnandi árferðis, mætti hins vegar<br />
andspyrnu útflutningsatvinnuveganna og leiddi til ályktunar Alþingis<br />
í júní 1925 um að gengisnefnd skyldi stefna að stöðugu gengi.<br />
Síðla sumars þetta sama ár, 1925, varð mikil og óvænt hækkun<br />
á dönsku krónunni gagnvart sterlingspundi. Leiddi hún til væntinga<br />
um svipaða hækkun íslensku krónunnar og mikils innstreymis<br />
gjaldeyris til Landsbankans. Vegna þeirrar gengisáhættu sem í þessu<br />
fólst, krafðist bankinn hækkunar á skráningu gengisins sem fulltrúi<br />
fjármálaráðherra í gengisnefndinni féllst á. Hækkaði gengið því mjög<br />
í ágúst og september. Mikil andstaða útflytjenda gegn þessari þróun<br />
leiddi þá til breyttrar afstöðu fjármálaráðherra og stöðvunar frekari<br />
hækkunar þann 27. október, en þá var gengi sterlingspundsins 22.15<br />
krónur. Engin formleg samþykkt var gerð af þessu tilefni, en þetta<br />
gengi gagnvart sterlingspundi hélst óbreytt í nærfellt fjórtán ár, en<br />
með því var krónan óbeint tengd gulli, á meðan pundið var á gullfæti,<br />
og gjaldeyrisviðskipti þá að öllu leyti frjáls.<br />
Ein ástæða þess að varanleg afstaða var ekki tekin í gengismálinu<br />
á þessum tíma var sú að bankamál landsins voru í ólestri. Eiginlegum<br />
seðlabanka hafði ekki verið komið á fót, en Íslandsbanka, sem var í<br />
einkaeigu en þó undir beinum opinberum áhrifum, hafði verið veitt<br />
takmarkað leyfi til seðlaútgáfu, auk þess sem landssjóður samkvæmt<br />
lögum gaf út seðla fyrir Landsbankann. Eftir lok styrjaldarinnar, þegar<br />
Íslandsbanki hafði komist í greiðsluerfiðleika, bar brýna nauðsyn<br />
til að koma nýrri skipan á réttinn til seðlaútgáfu og á fyrirkomulag<br />
bankamála yfirleitt. Þetta kom þó ekki til umfjöllunar Alþingis fyrr en<br />
árið 1924, og stóð sú umfjöllun til 1927 þegar samþykkt voru ný lög<br />
um Landsbankann sem tóku nokkrum breytingum árið eftir þegar ný<br />
ríkisstjórn hafði tekið við völdum. Samkvæmt lögunum átti krónan<br />
að vera innleysanleg í gulli miðað við upphaflegt gengi hennar. Þetta<br />
ákvæði skyldi þó ekki koma til framkvæmda fyrr en Alþingi ákvæði,<br />
en það fól í reynd í sér frestun á því hvorutveggja, hvert endanlegt<br />
gullgengi skyldi vera og hvenær það skyldi taka gildi. Annað aðalatriði<br />
hinna nýju laga var hið tvíþætta hlutverk Landsbankans, að vera<br />
seðlabanki og viðskiptabanki í senn. Í reynd varð síðara hlutverkið þó<br />
mun þyngra á metunum en hið fyrra, andstætt því sem upphafsmaður<br />
laganna, Jón Þorláksson forsætisráðherra, hafði ætlast til, en það var<br />
að bankinn með tímanum skyldi draga úr sparisjóðsviðskiptum og<br />
seðlabankahlutverkið verða ráðandi í starfsemi hans.<br />
Að lögunum um Landsbankann frágengnum var gengismálið<br />
tekið til athugunar á nýjan leik af hálfu nýrrar ríkisstjórnar<br />
Framsóknarflokksins sem hafði festingu krónunnar á stefnuskrá<br />
sinni. Var formanni gengisnefndar, Ásgeiri Ásgeirssyni, falið<br />
að undirbúa frumvarp um málið. Leitaði hann af þessu tilefni<br />
álits frá seðlabönkum Noregs og Svíþjóðar og sömuleiðis frá<br />
sænska hagfræðingnum Gustav Cassel, sem þá var einn kunnasti<br />
sérfræðingur í peningamálum í Evrópu. Studdu þessir ráðgjafar það<br />
allir að gengi krónunnar skyldi lögfest sem fyrst og bundið við gull á<br />
ríkjandi gullgengi en ekki á fyrra gengi frá 1914. Frumvarp um þetta<br />
var borið fram á Alþingi 1929, en meirihluti var ekki fyrir samþykki<br />
þess þar sem þingmenn bæði Íhaldsflokks og Alþýðuflokks studdu<br />
festingu á gamla gullgenginu. Um sama leyti stakk Jón Þorláksson<br />
upp á málamiðlun sem gerði ráð fyrir aðlögun að fyrra gullgengi<br />
með skjótum hætti, án hægfara verðhjöðnunar. Um þessar tvær<br />
leiðir var tekist næstu þing á eftir allt fram á sumarþing 1931, án<br />
þess að niðurstaða fengist. Í september það ár gerðist það svo að<br />
Englandsbanki hvarf frá gullinnlausn og heimskreppan mikla komst<br />
í algleyming.<br />
Ástæðurnar fyrir því að úrlausn á gengismálinu fékkst ekki<br />
á þessum árum voru af ýmsum toga spunnar. Miklu skipti að<br />
ákvörðunin var ekki talin aðkallandi. Það gengi sem staðnæmst hafði<br />
verið við í október 1925 reyndist í raun hæfilegt þegar kom fram á<br />
árið 1927. Þá var enn djúpstæður ágreiningur á milli hækkunarmanna,<br />
sem töldu það siðferðilega skyldu að hverfa til fyrra gullgengis, og<br />
stýfingarmanna sem töldu þetta myndi verða of dýru verði keypt í<br />
þrengingum atvinnulífsins. Málamiðlun Jóns Þorlákssonar var snjöll<br />
úrlausn, en flókin og nánast óframkvæmanleg að mati Gustavs<br />
Cassels. Loks skipti það máli að eiginfjárstaða Landsbankans, sem<br />
og gjaldeyrisstaða hans, voru mun veikari en seðlabanki lands á<br />
gullfæti hefði þurft á að halda, samtímis því sem aukning opinberra<br />
framkvæmda var meira áhugamál stjórnvalda en fjárhagslegur<br />
styrkur bankans, og þar með landsins.<br />
Gullfætinum fórna›<br />
Ein ástæða þess að varanleg afstaða var ekki tekin í gengismálinu á þessum tíma<br />
var sú að bankamál landsins voru í ólestri. Eiginlegum seðlabanka hafði ekki verið<br />
komið á fót, en Íslandsbanka, sem var í einkaeigu en þó undir beinum opinberum<br />
áhrifum, hafði verið veitt takmarkað leyfi til seðlaútgáfu, auk þess sem landssjóður<br />
samkvæmt lögum gaf út seðla fyrir Landsbankann.<br />
24