You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Siðgæði í viðskiptum og stjórnmálum<br />
Vísbending er óþreytandi í því að ræða um siðgæði í viðskiptum manna á milli, jafnt athafnamanna sem pólitíkusa:<br />
Hversu algengt er samráð um verðlag? Rannsóknir sýna að samráð er<br />
býsna algengt. Samkvæmt könnunum telur meira en helmingur forstjóra<br />
í 1000 stærstu fyrirtækjum Bandaríkjanna samráð í viðskiptalífinu<br />
algengt.<br />
10. mars. Helgi Gunnlaugsson. Afbrot hinna efnameiri.<br />
Sé þetta rétt túlkun á viðskiptalegum tilgangi eru öll önnur lán til stjórnenda<br />
en þau sem veitt eru í þessum tilgangi óheimil og gildir þá einu hvernig<br />
til þeirra var stofnað. Staða á viðskiptareikningi sem á sér mótbókun í<br />
handbæru fé eða öðrum eignum er því andstæð hlutafélagalögum.<br />
31. mars. Stefán Svavarsson. Lán og lagasmíði.<br />
Enron-málið er fullflókið til þess að menn geti dregið af því lærdóm. Enn<br />
og aftur hefur sést að eftirlit þarf að vera í lagi og framkvæmdastjórar<br />
mega ekki hafa endurskoðendur í vasanum. Það var aftur á móti erfitt í<br />
tilviki Enrons, eins og víðar, vegna þess að endurskoðendurnir vissu að<br />
þeir gátu átt á hættu að missa margvísleg verkefni fyrir fyrirtækið ef þeir<br />
væru með múður vegna reikninganna. Allir höfðu því hag af því að taka<br />
þátt í leikritinu.<br />
2. júní. Enron-málið.<br />
Davíð Oddsson lagði fram þá hugmynd að banna framlög einkaaðila til<br />
stjórnmálaflokka. Sú tillaga hefur aldrei verið rædd sem skyldi. Á henni<br />
má eflaust bæði finna kost og löst. Aðalatriði er að ljóst sé hver borgar<br />
brúsann, en það getur alltaf eitrað umræðuna ef ekki liggur fyrir hver<br />
fjármagnar framboð.<br />
1. september. Þakkarskuldin.<br />
Yfirleitt hefur ekki þurft að kenna Íslendingum hvernig á að fara fram hjá<br />
lögum, einkum ef þeir geta hagnast á tiltækinu. Ein helsta röksemd fyrir<br />
breytingunum er að með því sé verið að tryggja að alþingismenn sem<br />
fari með mörg hundruð milljarða af almannafé séu ekki keyptir. Þannig<br />
mátti skilja málflutning Helga Hjörvars í Kastljósi 21. nóvember. En<br />
auðvitað fjallar frumvarpið ekkert um það. Þeir alþingismenn sem eru til<br />
sölu verða áfram keyptir þó að það verði kannski ekki gegnum prófkjör<br />
eða kosningar.<br />
24. nóvember. Lýðræði til sölu.<br />
Úr einu í annað<br />
Blaðinu er fátt óviðkomandi eins og<br />
eftirfarandi upptalning sýnir. Herinn<br />
fór öllum að óvörum. Árum saman hafa<br />
menn rembst við að halda honum en á<br />
endanum virðist tapið af brottförinni<br />
lítið:<br />
Alls gæti þá brottför varnarliðsins kostað<br />
Íslendinga sex til sjö milljarða til skamms<br />
tíma en nær fjórum til fimm ef litið er til<br />
lengri tíma. Á móti kemur að líklegt er að<br />
upp byggist arðbærari starfsemi á svæðinu<br />
til frambúðar og því gæti frjáls markaður<br />
verið fljótur að vinna upp skammtímatapið.<br />
24. mars. Varnirnar og veskið.<br />
Frelsi, réttlæti og fagleg vinnubrögð<br />
eru mörgum pennum Vísbendingar<br />
umhugsunarefni:<br />
Lífeyriskerfi Íslendinga er um margt til<br />
fyrirmyndar en þar bíða óleyst verkefni.<br />
Lífeyriskerfið er ekki aðeins reist á<br />
samningum og löggjöf heldur einnig<br />
óskrifuðum samfélagssáttmála. Forsenda<br />
hans er jafnrétti í lífeyriskjörum landsmanna.<br />
Veikist sú forsenda er vegið að undirstöðum<br />
kerfisins.<br />
30. júní. Ólafur Ísleifsson: Hræringar í<br />
lífeyriskerfinu.<br />
Skipun nýs Seðlabankastjóra fyrir skömmu<br />
kann að marka þáttaskil í baráttunni gegn<br />
verðbólgu. Margir bjuggust við að fráfarandi<br />
forsætisráðherra hlyti stöðuna, en þess í stað<br />
var starfsmaður bankans skipaður.<br />
4. ágúst. Sigurður Jóhannesson: Breytt<br />
peningastefna?<br />
Vísbending hefur oft birt greinar sem<br />
hafa verið gagnrýnar á það hversu lítil<br />
arðsemi er af virkjun við Kárahnjúka.<br />
Talsmenn andstæðra sjónarmiða þáðu<br />
ekki boð um að birta greinar í ritinu.<br />
En blaðið féllst ekki á örvæntingarfullar<br />
tilraunir andstæðinga virkjunarinnar á<br />
elleftu stundu:<br />
En nú er framkvæmdunum nær lokið og<br />
það er kjánalegt að halda áfram að berjast<br />
gegn þeim eins og hópur útlendinga<br />
gerir enn. Síðast bættist þar í hópinn<br />
undarleg kona sem segist vera amerískur<br />
verkfræðiprófessor. Ég sé að bornar eru<br />
brigður á styrk mannvirkja og undirstaða,<br />
en þótt rétt væri; hvernig getur hún sagt til<br />
um þetta eftir að hafa verið hér í örfáa daga?<br />
Háskólapróf veitir enga tryggingu fyrir því<br />
að fólk sé skynsamt eða heiðarlegt.<br />
18. ágúst. Lítils virði.<br />
Vísbending hefur talið evruna góðan kost<br />
fyrir Íslendinga en blaðið er opið fyrir<br />
ýmsum sjónarmiðum:<br />
Að ígrunduðum kostum og göllum sem<br />
fylgja aðild að myntbandalagi Evrópu<br />
annars vegar og núverandi peningastefnu<br />
hins vegar er það niðurstaða okkar að<br />
Íslendingum sé betur borgið með núverandi<br />
fyrirkomulag í gengismálum en með því<br />
að taka upp fastgengisstefnu og ganga í<br />
evrópska myntsamstarfið.<br />
27. janúar. Gylfi Zoëga og Tryggvi Þór<br />
Herbertsson: Fyrirkomulag gengismála á<br />
Íslandi.<br />
Ekki fer illa á því að enda á heilræði sem<br />
menn geta gert að áramótaheiti:<br />
Nýlega hlýddi ég á erindi merks læknis hér<br />
á landi sem sagði frá stórum rannsóknum á<br />
heilsu fólks. Meðal helstu niðurstaðna var<br />
að menn ættu að drekka tvö til fjögur glös af<br />
rauðvíni á dag, stunda fjörugt kynlíf, kjósa<br />
hægriflokka og fara oft í óperuna.<br />
10. febrúar. Táp og fjör.<br />
18