Funksionimi i Sistemit: - Solidar

Parathënie
Procesi i zgjerimit Evropian kërkon harmonizimin e ligjeve të punës dhe të
cështjeve sociale në Ballkanin Perëndimor me Legjislacionin komunitar për
cështjet sociale të BE-së. Ky proces vështirësohet edhe më shumë në ditët e
sotme me krizën ekonomike e financiare e cila i ka bërë përkeqësuar edhe më
shumë kushtet e vështira sociale dhe ekonomike në shumë nga vendet
kandidate dhe para-kandidate. Ky publikim thekson nevojën urgjente për të
përdorur procesin e aderimit në Bashkimin Evropian si një katalizator për
promovimin e përfshirjes sociale, kohezionin social, punën e denjë dhe punën
cilesore ( quality job) në rajon.
Për të mbështetur zbatimin e reformave dhe zhvillimin social-ekonomik,
SOLIDAR dhe anëtarët e saj janë duke advokuar që struktura e BE-së për
Shoqërinë Civile (në kuadër të Instrumentit të Para-Aderimit - IPA) të modelohet
në mënyrë të tillë që të promovojë partneritete afatgjata ndërmjet OJF-ve, think
tank dhe partnerëve socialë për të monitoruar zbatimin e politikave dhe
procesin e integrimit në BE.
Në vitin 2011, SOLIDAR(Belgjikë), Olof Palme International Center (Suedi),
AGENDA Institute (Shqipëri), Center for Democracy Foundation (Serbi), CLARD
(Kosovë), The Progress Institute for Social Democracy (Maqedoni), STBIH
(Bosnje- Hercegovinë) dhe Progetto Sviluppo CGIL (Itali) kane lancuar me
mbështetjen e Këshillit Rajonal Pan-Evropian (PERC), të Konfederatës së
Sindikatave Ndërkombëtare të Tregtisë, Rrjetin Ballkanik të Punës së Denjë.
Qëllimi i këtij Rrjeti është të forcojë kapacitetet e përbashkëta afatgjata dhe të
ndërtojë një partneritet efektiv që shtrihet përtej kufijve kombëtare.
Gjetjet e këtij Rrjeti – që u mblodhën në këtë broshurë - konfirmojnë se vendet
janë ende larg nga të qenit në gjendje të garantojnë, mbrojnë dhe të përmbushin
të drejtat socialo-ekonomike në Ballkanin Perëndimor. Prandaj është tepër e
rëndësishme që në këtë valë të përkeqësimit ekonomik, BE-ja në mënyrë të
vendosur të këmbëngulë në zbatimin e plotë të ligjeve të miratuara për punësim
dhe për punën si dhe të sigurojë garantimin e mekanizmave ligjore që
kontrollojnë promovimin e të drejtave të punëtorëve dhe të punës.
Për më tepër, Strategjia e Zgjerimit në BE duhet të vazhdojë mbështetjen e
partneriteteve midis partnerëve socialë, organizatave të shoqërisë civile dhe të
gjitha autoriteteve për të monitoruar implementimin dhe zbatimin e
legjislacionit të miratuar dhe për të hartuar strategji dhe programe të
përbashkëta që synojnë mbështetjen e atyre personave që e gjejnë veten në
tregun e të punësuarve informal dhe në kushte të pasigurta të punës.
Conny Reuter
Sekretari i Përgjithshëm i SOLIDAR
01