Funksionimi i Sistemit: - Solidar

Rekomandimet
• Të hartohet një ligj i veçantë për inspektorët dhe të rregullohen tërësisht çështjet e organizatimit, të mandatit të
inspektorëve dhe të statusit të tyre, provime të detyrueshme në ekspertizë profesionale, trajnime etj.
• Të amendohen ligjet që rregullojnë sferën e punës (sidomos në Ligjin e Punës dhe në Ligjin për Dhënat e Punësimit) për
të siguruar që:
• nënshkrimi i një marrëveshje punësimi mes një punëdhënësi dhe një punonjësi të bëhet sa më shpejt, që kur punonjësi
fillon punën.
• marrëveshjet e punës të jenë të regjistruara në kohën e duhur në institucionin përkatës publik
• çdo punëdhënës duhet të mbajë të gjitha dokumentet ligjore në lidhje me të punësuarin e tij / saj në zyrat e tyre.
• punëdhënësit të jenë të detyruar të mbajnë një libër prezence për praninë e punëtorëve në vendin e punës që do të
çojë në një kontroll më efikas gjatë kohës.
• Të kalohen ose të amendohen ligjet për të mundësuar pagesën automatike të kontributeve për pensionet dhe sigurimet
sociale për punëtorët, me sanksione të përcaktuara qartë për ata që shkelin urdhëresat ligjore.
• Të amendohet Ligjit për Sigurinë dhe Shëndetin në Punë, sidomos pjesët në lidhje me vlerësimin e rrezikut në vendin
e punës, me rolin i sigurisë dhe shëndetit të personelit dhe unifikimin e metodologjisë të listimit të lëndimeve të
shkaktura gjatë punës.
• Të sqarohen rolet dhe kompetencat e institucioneve shtetërore që kanë të bëjnë me sigurinë dhe shëndetin në punë.
• Të shkurtohen dhe të bëhen më mirë procedurat kohore gjyqësore në lidhje me mosmarrëveshjet e punës, duke trajnuar
ekipe profesionale ligjore dhe duke i siguruar ato me pajisjet e nevojshme teknike. Gjykatat duhet të jenë përgjegjëse
për proceset e gjata gjyqësore.
• Të sigurohen të gjitha kushtet e nevojshme për zbatimin efektiv të vendimeve gjyqësore dhe për funksionimin e
papenguar të organeve të pavarura rregullative - më i rëndësishmi, Avokati i Popullit- si dhe burimeve dhe strukturave
të nevojshme organizative, njerëzore dhe teknike.
• Të amendohen dhe të shtohen rregullore ligjore dhe të përcaktohen përgjegjësitë ligjore për punëdhënësit që marrin
vendime të paligjshme pas vendimit përfundimtar të cështjes gjyqësore për punën.
• Të amendohen ligje dhe rregullore për të siguruar udhëheqje profesionale në sektorët specifikë të ministrive, të organeve
shtetërore, të institucioneve publike, të agjensive dhe ndërmarrjeve publike, me dispozita që përcaktojnë konkurence
të detyrueshme për pozicionet udhëheqëse ose për pozicione të tjera publike dhe që eliminojnë udhëheqës politik ose
me përkatësi partiake.
• Të sigurohet që, të gjithë vendimet e lidhura me punën, të merren me pjesëmarrjen e plotë të organizatave të sindikatave
dhe të punëdhënësve dhe të ketë një Këshill Social dhe Ekonomik i cili të bëhet një faktor i vërtetë dhe i rëndësishëm
në procesin e negociatave lidhur me çështjet e punës.
11