Funksionimi i Sistemit: - Solidar

Identifikimi i dobësive
në zbatimin e monitorimin
3e mekanizmave
Megjithëse ka një bollëk të tërë rregullash ndërkombëtare dhe instrumentesh
që rregullojnë fushën e të drejtave ekonomike, punës sociale, konventa
ndërkombëtare që rregullojnë ligjin e punës (përveç Kosovës), ligje kombëtare
dhe aktet nënligjore, Kushtetuta, marrëveshje kolektive, rregullore të brëndshme
si dhe një numër Institucionesh ligjore per t’i vënë në zbatim si Inspektorati i
Punës, gjykatat dhe Avokati i Popullit, niveli i mbrojtjes së Punës së Denjë është
ende larg asaj të mjaftueshmes.
Çështja e vërtetë është zbatimi i pamjaftueshëm i legjislacionit ekzistues për
shkak të mekanizmave të dobët të zbatimit dhe të monitorimit. Problemet e
shumta me zbatimin, në veçanti burojnë nga shumë pyetje të hapura në lidhje
me funksionimin e sistemit të inspektimit si një i tërë dhe aftësisë së tij për të
kontrolluar punën informale.
Për më tepër, parregullsia, moszbatimi, joefikasiteti dhe zbatimi i pakët i
rregulloreve është i lidhur ngushtë me influencën e konsiderueshme të ushtruara
nga partitë politike dhe interesat politike në funksionimin e institucioneve të
ndryshme si për shëmbull, tek organet shtetërore, institucionet publike,
ndërmarrjet publike dhe tek sindikatat. Pozita e vështirë e punëtorëve është
gjithashtu pjesërisht rezultat i statusit të pafavorshëm social të sindikatave për
shkak të imazhit të të tyre të keq publik, të ndikimit të dobët në proceset
vendimmarrëse dhe të mungesës së kapacitet për ta ushtruar pushtetin.
09