'S e an lamhallan am bad-alan as motha ann am Breatainn. Bidh ...

CEANGALAN BITH-IOMADACHD
Tha an lamhallan na phàirt de bhith-iomadachd Alba, (gach
seòrsa beatha, eadar lusan is beathaichean, agus far a bheil
iad beò). Gus gun tuig a’ chlann mar a tha gach nì a’ ceangal
ri chèile agus gus an tuigse air bith-iomadachd a mheas,
copaig na cairtean air cùl postair na lamhallain. Geàrr a-
mach iad agus cuir iad sna seòrsaichean a leanas:
1. Mamailean (fuil bhlàth, na beathaichean òga beò gam
breith agus a’ toirt bainne dhaibh)
2. Eòin (fuil bhlàth is itean, a’ breith uighean, nì a’ mhòrchuid
sgèith)
3. Snàgairean (fuil fhuar, a’ breith uighean air tìr, glè thric
le lannan)
4. Muir-thìrich (fuil fhuar, a’ breith uighean ann an uisge,
ach bidh na h-inbhich beò air tìr, craiceann bog)
5. Gun chnàmh-droma (creutairean beaga gun chnàmh-droma)
6. Lusan (duilleagan uaine agus a’ cleachdadh lùth bho sholas
na grèine airson biadh a dhèanamh)
An cuir thu fear sam bith eile a thogras tu ri gach seòrsa?
CLÀR-MÌNEACHAIDH
ÀRAINN – dachaigh nàdarra beathaich no lus
CREACH – beathach air am bi beathach eile a’ sealg airson
biadh
CREACHADAIR – beathach a bhios a’ marbhadh is ag ithe
bheathaichean eile
LUS-ITHEADAIR – neach no beathach nach bi ag ithe feòil
BITH-IOMADACHD
Ciamar a chuidicheas sinn?
Tha e cudromach coimhead an dèidh fiadhbheatha
is dùthaich Alba ma tha sinn airson an
lamhallan agus an àrainn aige a ghleidheadh.
• Meal fiadh-bheatha Alba agus cuimhnich
gum bi thu cho sàmhach ’s as urrainn dhut
gus nach cuir thu dragh air na beathaichean
• Thoir sgudal dhachaigh leat – agus athchuartaich
e
• Gabh ann am buidheann, no tòisich fear a
bhios a’ coimhead an dèidh fiadh-bheatha
san sgìre
GÈAMA AN LAMHALLAIN
Chan eil fradharc an lamhallain uabhasach
math ach tha deagh chlaisneachd aige. Dè
cho math ’s a tha do chlaisneachd fhèin –
am biodh tu math nad lamhallan?
Gèam
• Bidh an “lamhallan” na shuidhe air an
talamh le dall-bhrat air. Bidh a’ chlann
eile air feadh an àite nan
“creachadairean.”
• Taghaidh an tidsear pàiste gus feuchainn
ri faighinn chun an “lamhallain” gun e an
cluinntinn. Ma shaoileas an “lamhallan”
gun cuala e rudeigin, sìnidh e a làmh a-
mach taobh an fhuaim agus eighidh e
“creachadair.” Ma bhios e ceart, bidh am
pàiste sin ‘a-mach’.
• Ma thèid aig a’ chreachadair air suathadh
san “lamhallan” air a ghlùin mus sìn e a-
mach a làmh, bidh an “lamhallan” air a
ghlacadh.
AIRSON TUILLEADH FIOSRACHAIDH IS ÌOMHAIGHEAN
http://news.bbc.co.uk/cbbcnews/hi/newsid_6080000/newsid_6082800/6082848.stm
www.waterscape.com/features/wildlife/water_vole.html
www.abdn.ac.uk/mammal
www.arkive.org/species/ARK/mammals/Arvicola_terrestis
www.snh.org.uk/speciesactionframework
Taing: Sgrìobhte le Liz Balharry agus Pat Thornton.
The Educational Resource Partnership, Inbhir Nis. www.educationalresourcepartnership.co.uk
Dealbhan le, Merril MacWilliam, Iain Ashman agus John Tasker
Dealbhan-camara le Laurie Campbell agus Alan Ross
Mòran taing cuideachd dhan fheadhainn a chuidich le leasachadh na duilleig seo, gu h-àraidh na tidsearan
a bha an lùib a’ phròiseact seo, Seirbheis Luchd-raoin Chomhairle na Gàidhealtachd agus eòlaichean SNH.
Tha postair a’ dol leis an duilleig seo agus
tha duilleagan is postairean eile ann a tha
a’ dol leis an t-sreath ‘Mu dheidhinn’.
Luchdaich a-nuas am postair bho
www.snh.org.uk/pdfs/
education/poster/p-watervoles.pdf
no cuir fios gu SNH, Battleby,
Redgorton, Peairt, PH1 3EW