caibideil 1 - Scottish Parliament

Facal-toisich leis an Oifigear Riaghlaidh
Tha mi toilichte an dàrna cuairt den Phlana Gàidhlig aig Buidheann Chorporra
Phàrlamaid na h-Alba a chur fa bhur comhair, a tha a’ cur nan gnìomhan a tha
fainear dhuinn eadar an Cèitean 2013 agus an Giblean 2018 an cèill.
Mar a’ chiad chuairt den Phlana Gàidhlig againn, a bha a’ nochdadh nan gnìomhan a
bha againn eadar an Cèitean 2008 agus an Giblean 2013, bidh seo a’ cur dealas
Buidheann Chorporra Phàrlamaid na h-Alba do Ghàidhlig agus don phrionnsabal gu
bheil Gàidhlig airidh air spèis cho-ionnan ris a’ Bheurla an cèill, mar a chithear ann
an Achd na Gàidhlig (Alba) 2005.
Bidh Buidheann Chorporra Phàrlamaid na h-Alba (BCPA) a’ toirt seachad an luchdobrach,
toglaichean agus seirbheisean a bhios a dhìth air Pàrlamaid na h-Alba gus
an obair aice a choileanadh. Tha grunn sheirbheisean aig BCPA a bhios a’ toirt
cothrom Gàidhlig a chleachdadh do Bhuill agus don Phoball. Tha Poileasaidh
Cànain aig BCPA a bhios a’ nochdadh co-theacsa slàn ar solarachaidh.
Le toirt a-steach a’ chiad chuairt den Phlana Gàidhlig againn, thug BCPA a-steach
gus cur ri inbhe agus faicsinneachd na Gàidhlig san obair aice. Mar phàirt dhiubh tha
cleachdadh teicneolas, cothroman trèanaidh, Gàidhlig a’ nochdadh a thaobh fastadh
agus toirt seachad sreath de sheirbheisean ruigsinn/com-pàirteachaidh.
Chaidh an dàrna cuairt den Phlana againn a dhealbhachadh gus a bhith a’ cur ris an
t-sreath shoifistaigeach de sheirbheisean a bhios rim faighinn agus a bhith gam
brosnachadh. Mar sin, bhithinn a’ moladh gum bu chòir do gach neach aig a bheil
Gàidhlig no a bhios ga h-ionnsachadh a bhith a’ dèanamh feum de na cothroman
seo a bhith ag ionnsachadh mu, no a’ gabhail pàirt ann an obair Pàrlamaid na h-Alba
tro mheadhan na Gàidhlig.
Fìor Urr. Tricia Marwick BPA
An t-Oifigear Riaghlaidh
1