Edicioni 28 - Partners Albania

PARTNERET-SHQIPERI,
QENDRA PER NDRYSHIM DHE MANAXHIM KONFLIKTI
GAZETE E PERDYMUAJSHME EDICIONI I VEÇANTË NR. 28 SHKURT 2007
PER NJE SHOQERI CIVILE ME TE ZHVILLUAR
Zgjedhjet Vendore dhe Partnerët - Shqipëri
Partnerët-Shqipëri,
mbështet fushatat lokale
në funksion të prioriteteve të
qytetarëve
Partnerët-Shqipëri, Qendra për Ndryshim
dhe Manaxhim Konfl ikti është përfshirë
në fushatën “Unë Mbështes Qeverisjen e
Mirë”, në kuadër të Programit Demokraci
dhe Qeverisje në Shqipëri (DQSH).
Qëllimi i iniciativës “Unë mbështes
Qeverisjen e Mirë” është:
• Promovimi i qeverisjes së mirë;
• Rritja e pjesëmarrjes qytetare në
procesin e vendimmarrjes;
• Fuqizimi i grupeve të interesit,
si një element i rëndësishëm i
proceseve politike në vend;
• Rritja e llogaridhënies së të
zgjedhurve lokalë.
“Unë Mbështes Qeverisjen e Mirë” po
zbatohet në nivel kombëtar dhe lokal.
Partnerët-Shqipëri, si një prej anëtarëve
të grupimit të kësaj iniciative po punon
në nivel lokal në shtatë qytete: Korçë,
Pogradec, Shkodër, Vlorë, Gjirokastër,
Fier dhe Durrës. Gjatë fazës parazgjedhore,
Partnerët-Shqipëri asistoi
grupe të ndryshme interesi si rininë, gratë
dhe biznesin në identifi kimin e prioriteteve
dhe hartimin e fushatave mbështetëse, si
dhe adresimin e tyre tek kandidatët për
Kryetar bashkie në qytetet respektive.
Faza e parë e kësaj iniciative
konsistoi në përzgjedhjen e qyteteve
dhe identifi kimin e grupeve të interesit
bazuar në shpërndarjen gjeografi ke, në
nivelin e infl uencës së shoqërisë civile në
jetën ekonomiko-shoqërore, si dhe rrjetin
e bashkëpunëtorëve të Partnerëve-
Shqipëri.
Faza e dytë vijoi me organizimin e
shtatë takimeve me grupet e identifi kuara
të interesit. Në këto takime, pjesëmarrësit
identifi kuan disa nga problemet dhe
çështjet me të cilat përballej komuniteti.
Stafi i Partnerëve-Shqipëri asistoi grupet
e interesit në hartimin e një fushate të
mobilizimit qytetar dhe infl uencimit të
kandidatëve.
Faza e tretë, ajo e zbatimit të
iniciativës konsistoi në një fushatë të gjerë
mediatike me elementë edukues dhe
sensibilizues për publikun si dhe forume
të hapura me të gjithë kandidatët e
spektrit politik dhe ata të pavarur në
qytetet respektive.
Një numër prej 5000 fl etëvolantësh
të shpërndara tek qytetarët në cdo
qytet, 500 postera të vendosur në pika
kyçe të qyteteve, spote televizive të
transmetuara intensivisht në TV lokale
për rreth një muaj si dhe banderola
të vendosura në hyrje të qyteteve
mundësuan informimin masiv të
qytetarëve dhe rritën mbështetjen e
tyre ndaj iniciativës.
Organizimi i fushatave lokale u prit me
entuziazëm nga grupet e interesit te
cilët treguan përkushtim dhe angazhim
maksimal në zbatimin e të gjitha fazave
të kësaj iniciative shumë të suksesshme.
Iniciativa “Unë Mbështes Qeverisjen e
Mirë” do të vazhdojë në po këto qytete
me fokus në monitorimin e mbajtjes së
premtimeve nga Kryetarët e zgjedhur të
Bashkive respektive.
Rezultatet kryesore
në këto fushata :
Rreth 200 të rinj,
gra, biznesmenë,
OJF dhe qytetarë
në shtatë qytete u
aftësuan në identifi kimin
e prioriteteve dhe
infl uencimin e
axhendave lokale;
Rreth 2500 qytetarë
në shtatë qytete u
përfshinë aktivisht në
aktivitetet promocionale,
debatet e hapura dhe
forumet me kandidatët
gjatë zbatimit të
fushatave lokale;
Krijimi i një kulturë
të re ndërveprimi midis
qytetarëve dhe politikës;
Forcimi i lidhjeve
ndërmjet shoqërisë civile,
qytetarëve dhe qeverisë
vendore;
Rritja e infl uencës
së qytetarëve dhe
shoqërisë civile në
axhendat e kandidatëve
për Kryetarë Bashkie dhe
marrja e premtimeve të
shkruara prej tyre.
Njoftim:
Partnerët-Shqipëri ka publikuar edicionin e tretë të Adresarit të OJF-ve
Shqiptare 2007, në gjuhën shqipe. Ky Adresar përmban informacion të
rifreskuar mbi sektorin e OJF-ve në Shqipëri. Ndërkohë është në proces
botimi edhe Adresari në anglisht. Mund të kontaktoni në çdo kohë me
zyrën e Partnerëve-Shqipëri për të blerë kopje të Adresarit.
ANËTARE E PARTNERITETIT NDËRKOMBËTAR PËR NDRYSHIM DEMOKRATIK
1

“Së bashku për Qeverisje Transparente !”
Koalicioni Biznesit Korçar Kundër Korrupsionit
(K.B.A.C.C.) organizoi në 30 Tetor në qytetin
e Korçës takimin me temë “Unë Mbështes
Qeverisjen e Mirë”, ku morën pjesë 31 përfaqësues
të shoqatave të biznesit dhe mediave. Mbas
diskutimeve dhe debateve, pjesëmarrësit ranë
dakord për firmosjen e një Pakti Integriteti me
qeverinë vendore kundër korrupsionit, të titulluar
“Së bashku për Qeverisje Transparente”.
Sipas Aurel Grabockës, Drejtor Ekzekutiv i ARZH-s
Korçë, “….kjo fushatë është mjaft e rëndësishme
për të njohur platformën e kandidatëve për
Kryetarë Bashkie në lidhje me biznesin dhe krijimin
e një ambienti të përshtatshëm besim plotë ….”.
Gjatë kësaj periudhe K.B.A.C.C. filloi zbatimin
e planit të punës të hartuar gjatë takimeve të
punës. Për të rritur ndërgjegjësimin e publikut grupi
përgatiti dhe shpërndau materiale promocionale,
lançoi iniciativën nëpërmjet një konference
për shtyp me pjesëmarrjen e shumë mediave,
si dhe organizoi disa takime me qytetarë dhe
grupet e interesit. Konferenca për shtyp u mbajt
më 1 Dhjetor 2006 në Hotel “Konti”. Deklarata u
transmetua në të gjitha stacionet televizive të
Korçës dhe u botua në gazetën “Korça” dhe
“Vëzhguesi”.
Takimet e koalicionit me kandidatët u zhvilluan
përkatësisht në datën 26 dhe 27 Janar 2007.
Në këto takime kandidatët për kryetar Bashkie
prezantuan programet e tyre të lidhura me
zhvillimin e biznesit dhe me përmirësimin e
procedurave dhe shërbimeve ndaj komunitetit
të biznesit dhe veçanërisht me K.B.A.C.C. Ata
premtuan të nënshkruajnë një Pakt Integriteti. Një
artikull rreth këtyre takmeve u botua në gazetën
“Vezhguesi”.
Nënshkrimi i Paktit të Integritetit me
kandidatet në Korçë
Më 5 Shkurt 2007 u
zhvillua forumi i hapur
me kandidatët për
Kryetar Bashkie në
qytetin e Korçës.
Një platformë e
përgatitur nga
koalicioni për forumin
e hapur iu prezantua
kandidatëve Z.Niko
Peleshi nga koalicioni
i majtë dhe Z. Gjergji Papa nga koalicioni i djathtë,
të cilët e pranuan atë dhe nën dritat e reflektorëve
të medias u nënshkrua Pakti i Integritetit nga të
dy kandidatët, në praninë e përfaqësuesit të
K.B.A.C.C. zotit Jorgji Balliu.
Bazuar në këtë firmosje koalicioni tani ka një bazë
të mirë për të bashkëpunuar me kryetarin e ri të
Bashkisë në luftën kundër korrupsionit lidhur me
procedurat e prokurimit në Bashkinë e Korçës.
Ky eveniment u transmetua në të gjitha mediat
lokale dhe në atë kombëtare TVSH. Gazeta
kombëtare “Tema” botoi një artikull rreth këtij
aktiviteti.
Përfshihu ... Reflekto që tani !”
Përfaqësues nga OJF-të rinore të qytetit
të Shkodrës dhe përfaqësues të medias u
mblodhën së bashku në takimin “Unë Mbështes
Qeverisjen e Mirë”, të organizuar në datat 16-17
Nëntor 2007 në Shkodër. Mbas diskutimeve dhe
debateve u ra dakord për krijimin e një Bordi për
koordinimin e politkave rinore në nivel vendor
dhe ngritjen e Qendrës Rinore “Luleborë” nën
sloganin ““Përfshiu… Reflekto tani!”.
Grupi nismëtar i iniciativës organizoi në 6 Dhjetor
2006 një konferencë shtypi për informimin e
qytetarëve, rinisë studentore, partive politike,
donatorëve dhe grupeve të tjera rreth fushatës
vendore dhe objektivave të saj. Në deklaratën
për shtyp theksohej “...Për të arritur objektivat
tona ,sot, ne grupi iniciator i kësaj fushate,
i bëjmë thirje gjithë të rinjve, OJF-ve rinore,
prindërve, mësuesve, biznesit dhe institucioneve,
të bashkohen me ne dhe të advokojmë për
përmbushjen e prioriteteteve tona....”
Në vazhdën e
aktiviteteve në
kuadër të fushatës
lokale, në 28 Janar
2007 grupi i të
rinjve organizoi
një aktivitet
promocional në
Të rinj shkodranë shpërndajnë materiale
promocionale të fushatës
rrugët e qytetit të
Shkodrës. Për rreth
dy orë një makinë me qendër zëri u bënte
thirrje shkodranëve të mbështesnin fushatën
dhe 30 të rinj të veshur me bluza dhe kapele
shpërndanë fletvolantë dhe materiale të tjera
promocionale në rrugët kryesore të qytetit.
Një spot televiziv u përgatit dhe u transmetua
për një muaj rresht në televizionin lokal Rozafa.
Një tryezë e rrumbullakët me grupet mbështetëse
si përfaqësues të biznesit, donatorëve, prindër
e mësues, u zhvillua në qytetin e Shkodrës me
objektiv kryesor rritjen e interesit për çështjet
e identifikuara në fushatë dhe sigurimin e
mbështetjes për realizimin e objektivave të saj.
Forumi i hapur me kandidatët për Kryetarë
Bashkie në Shkodër, u zhvillua në 8 Shkurt 2007
dhe u transmetua drejtpërdrejt në Rozafa TV. Në
këtë debat morrën pjesë kandidatët Z. Namik
Kopliku përfaqësues i Koalicionit të majtë, Z.
Alban Thika dhe Z. Stef Staku kandidatë të
pavarur. Kandidatët paraqitën strategjinë e
tyre në lidhje me reduktimin e papunësisë në
2
PER NJE SHOQERI CIVILE ME TE ZHVILLUAR

qytetin e Shkodrës, rritjen e përfaqësimit të rinisë
në Këshillin Bashkiak si dhe çështje të tjera me
interes për rininë.
Në fund të debatit, kandidatët për Kryetar
Bashkie premtuan se do mbështesnin iniciativën
e ndërmarrë nga rinia shkodrane, jo vetëm duke
e përfshirë në platfomën e tyre elektorale por
do të bënin të mundur ngritjen e qendrës rinore
”Luleborë” dhe krijimin e Bordit rinor në Këshillin
Bashkiak.
“Ne duam të jemi pjesë e ndryshimit;
të rinj në procesin e vendim-marrjes lokale !”
Më 18 – 19 Tetor 2006, u organizua në Vlorë takimi
dyditor me temë “Unë Mbështes qeverisjen e
Mirë”, me pjesëmarrjen e 38 përfaqësuesve
të organizatave rinore , nxënës dhe studentë.
Pasi diskutuan disa çështje problematike që
shqetësojnë rininë vlonjate, pjesëmarrësit votuan
si më të rëndësishme ngritjen e një Komisioni
Këshillimor për Çështjet e Rinisë pranë Bashkisë së
qytetit të Vlorës dhe vendosën që të ndërtonin
fushatën e tyre të advokacisë për të përcjellë te
qytetarët dhe tek kandidatët për Kryetar Bashkie
mesazhin “Ne duam të jemi pjesë e Ndryshimit; Të
rinjtë në procesin e vendim-marrjes Lokale”.
Mesazhi i fushatës iu prezantua qytetarëve të
Vlorës dhe kandidatëve për Kryetar Bashkie
nëpërmjet një konference për shtyp organizuar
në datën 24 Nëntor 2006.
Më pas, grupi i punës pasi përcaktoi modalitetet
mbi përbërjen dhe mënyrën e funksionimit të
Komisionit Këshillimor për çështjet e Rinisë, zhvilloi
takime të ndryshme me grupe të tjera interesi
si prindër, mësues, pedagogë, përfaqësues
të biznesit dhe forumeve rinore të forcave të
ndryshme politike, për të siguruar mbështetjen
e duhur për fushatën e tyre. Takimet rezultuan
të suksesshme dhe të gjitha grupet përkrahën
iniciativën dhe ofruan mbështetjen e tyre për
realizimin e çështjes.
Një aktivitet masiv për promovimin e fushatës u
organizua më 25 Janar 2007 pranë universitetit
“Ismail Qemali” ku të rinjtë e përfshirë në zbatimin
e fushatës, të veshur me bluzat dhe kapelet me
sloganin “Ne duam të jemi pjesë e Ndryshimit;
Të rinjtë në procesin e vendimmarrjes Lokale”,
shpërndanë fletëvolante dhe materiale të tjera
Aktivitetet promocional
me të rinjtë vlonjatë
promocionale me
informacion mbi
fushatën, me qëllim
rritjen e numrit të
m b ë s h t e t ë s v e .
Ndërkohë në
mediat lokale u
transmetua spoti
televiziv i përgatitur
nga grupi i punës
në bashkëpunim
me profesionistë.
Forumi me
kandidatët për
Kryetar Bashkie të
qytetit të Vlorës
u organizua më
datën 10 Shkurt
2007, ku morrën
Forumi i Hapur me kandidatët në
Vlorë
pjesë kandidatët Z. Shpëtim Gjika nga Koalicioni
i majtë, Z.Kreshnik Alimerko nga Koalicioni i
djathtë dhe Z. Krenar Tahiraj kandidat i pavarur,
si dhe 70 të rinj. Kandidatët iu përgjigjën pyetjeve
të hartuara paraprakisht nga grupi i punës të
drejtuara nga moderatorja e debatit. Pyetjet
konsistonin kryesisht në njohjen e platformave
të kandidatëve për çështjet më shqetësuese
për rininë vlonjate dhe konkretisht: infrastruktura
arsimore, ndërtimi i qëndrave të rekreacionit dhe
kohës së lirë, punësimi i të rinjve, ofrimi i shërbimeve
psiko-sociale për të rinjtë dhe pjesëmarrja e të
rinjve në proceset e vendim-marrjes lokale.
Të gjithë kandidatët shprehën interesin e tyre
për rininë dhe premtuan ngritjen e Komisionit
Këshillimor për çështjet e Rinisë pranë Bashkisë
Vlorë.
Forumi u prezantua në një kronikë të zgjeruar në
TV Amantia si dhe në tre mediat e tjera lokale.
“Ne meritojmë një Administratë Publike:
të përkushtuar, të kualifikuar, të
pakorruptuar !”
Në qytetin e Pogradecit, fushata filloi me
organizimin e takimit dyditor me temë “Unë
mbështes Qeverisjen e Mirë”, në datat 31 Tetor
-1 Nëntor 2006, ku morrën pjesë përfaqësues
të OJFve, partive politike dhe institucioneve
shtetërore të qytetit.
Pasi diskutuan disa
çështje problematike
Takimi me grupet e interesit
në Pogradec
që shqetësojnë
qytetin e Pogradecit,
pjesëmarrësit votuan
si më të rëndësishme
çështjen e ndërtimit
dhe funksionimit
të një administrate efektive në Bashkinë e
Pogradecit dhe vendosën që të ndërtonin
fushatën e tyre të advokacisë për të përcjellë
tek qytetarët dhe kandidatët për Kryetar Bashkie
modelin e një administrate publike efektive nën
sloganin “Ne meritojmë një Administratë Publike:
të përkushtuar, të kualifikuar, të pakorruptuar”.
Grupi iniciator i fushatës i përbërë nga dhjetë
shoqata në Pogradec, pasi diskutoi mbi
3
PER NJE SHOQERI CIVILE ME TE ZHVILLUAR

problematikat e administratës
publike, shqyrtoi dokumentat
e marra nga Bashkia dhe pasi
krahasoi modele të ndryshme
të bashkive të ngjashme, hartoi
draftin e parë të modelit të
Administratës Publike Efektive
në takimin e zhvilluar me grupet
mbështetëse në datën 9 Dhjetor
2006, Dita Kundër Korrupsionit.
Në këtë takim u hartua edhe
deklarata e parë për shtyp që
lançoi te qytetarët nismën e
grupit të OJF-ve, e cila u botua
në gazetën lokale “Nositi” dhe
në median elektronike lokale.
Drafti final i modelit të
Administratës Publike Efektive u
hartua në takimin e zhvilluar më
datë 22 Janar 2007.
Postera dhe banderola me
sloganin e fushatës të vendosura
në qytet ndikuan në vizibilitetin e
fushatës dhe në rritjen e numrit
të mbështetësve. Ndërkohë,
në mediat lokale u transmetua
spoti televiziv i përgatitur nga
grupi i punës në bashkëpunim
me profesionistë. Gjithashtu,
në të gjitha takimet elektorale
të kandidatëve u shpërndanë
edhe fletëvolantet e prodhuara
në kuadër të fushatës, ndërsa
grupe të rinjsh i shpërndanë ato
nëpër rrugët e qytetit.
Artikull në gazetën lokale “Nositi” në
Pogradec mbi workshopin me grupet e
interesit
Fushata vazhdoi me takime
individuale me kandidatët për
Kryetar Bashkie dhe forcat e
tyre politike. Në këto takime,
kandidatëve iu prezantua
çështja dhe u ftuan të
nënshkruanin një marrëveshje
bashkëpunimi nëpërmjet të cilës
ata angazhohen të ndërtojnë
dhe të drejtojnë një Administratë
Publike Efektive sipas modelit të
ofruar nga OJF-të.
Në datë 16 Shkurt 2007, Z. Shpëtim
Guxholli, kandidat i Koalicionit të
djathtë, firmosi marrëveshjen e
bashkëpunimit.
Në mbyllje të fushatës, do
të publikohet një suplement
në gazetën “Nositi”ku do të
paraqiten të gjitha fazat dhe
rezultatet e fushatës lokale në
Pogradec.
“Rimëkëmb qytetin tënd,
promovo trashëgiminë !”
Që prej muajit nëntor 2006,
përfaqësues të shoqërisë civile të
qytetit të Gjirokastrës, në kuadër
të fushatës “Unë Mbështes
Qeverisjen e Mirë” u angazhuan
në një fushatë sensibilizuese
dhe advokuese për përfshirjen
e prioriteteve të komunitetit
në axhendat elektorale të
kandidatëve për Kryetarë Bashkie
të qytetit.
Një grup organizatash jofitimprurëse,
nën moton:
“Rimëkëmb qytetin tënd,
Promovo trashëgiminë” për
herë të parë këmbëngulën dhe
iu sugjeruan kandidatëve të
forcave politike konkuruese të
kenë në qendër të programit të
tyre elektoral një nga prioritetet
e qytetarëve të Gjirokastrës
dhe jo vetëm, promovimin e
trashëgimisë kulturore e zhvillimin
turizmit, si dega kryesore e
zhvillimit ekonomik të rajonit.
Grupi zbatues i fushatës realizoi
një pyetësor me qëllim vlerësimin
e pjesëmarrjes qytetare në
proçeset vendim-marrëse
vendore, reflektimin me realizëm
të nevojave të grupeve të interesit
në platformat e partive politike e
kandidatëve përfaqësues të tyre
si dhe angazhimin e grupeve të
interesit në zgjidhjen e çështjeve
që konsiderohen si prioritet prej
tyre. Disa nga gjetjet më kryesore
të sondazhit përfshinë:
• Mendimet dhe opinionet
e komunitetit në qytetin e
Gjirokastrës nuk merren parasysh
e aq më tepër kur ka të bëjë
me pregatitjen e platformave
elektorale bazuar mbi gjendjen
dhe nevojat reale të komunitetit
e që kanë ndikim të
drejtpërdrejtë në përmirësimin
e gjendjes social – ekonomike
të banorëve të qytetit;
• 90% e të intervistuarve
do të donin që mendimet e
tyre mbi problemet kryesore
të qytetit dhe prioritetet e
ndërhyrjeve të merreshin
parasysh nga forcat politike;
• 95 % e të intervistuarve e
konsiderojnë zhvillimin e turizmit
kulturor në Gjirokastër si prioritet
për zhvillimin e qytetit;
• 65% e të intervistuarve
duan të jenë pjesë aktive e
monitorimit të premtimeve të
Kryetarit të ardhshëm të Bashkisë
dhe kanë sugjeruar alternativa
të ndryshme të pjesëmarrjes
në monitorim si: pjesëmarrje në
mbledhjet e këshillit bashkiak,
pjesëmarrje në mbledhje të
hapura me komunitetin që
mund të zhvillohen nga stafi i
Bashkisë, një sistem ankimimi
për qytetarët pranë Bashkisë
së qytetit etj.
Një Konferencë për Shtyp
me qëllim bërjen publike të
ndërmarrjes së kësaj iniciative
lokale nga vetë grupet e
interesit u organizua më datë
22 Janar 2007. Në konferencë
u prezantuan disa nga gjetjet
kryesore të sondazhit të zhvilluar
në qytetin e Gjirokastrës në
lidhje me trashëgiminë kulturore,
promovimin e turizmit, si dhe
me nevojën dhe dëshirën e
qytetarëve për të qenë më të
përfshirë në proceset vendimmarrëse
vendore si dhe në
monitorimin e premtimeve
elektorale.
Gjatë zbatimit të fushatës, grupi
i punës realizoi një sërë takimesh
me grupe mbështetëse
qytetarësh, personalitetesh, me
deputetin e zonës Z.Genc Ruli,
me përfaqësues të Këshillit të
Qarkut, Prefektin e Gjirokastrës,
përfaqësues të institucioneve
ndërkombëtare, përfaqësues
të Mediave lokale, të rinj dhe
grupe qytetarësh të zonës
muzeale të qytetit etj. për të
bërë të njohur çështjen dhe
për të krijuar një rrjet sa më të
gjerë partnerësh e njerëzish të
interesuar.
4
PER NJE SHOQERI CIVILE ME TE ZHVILLUAR

Në debatin televiziv të zhvilluar më
26 Janar 2007 me përfaqësues të grupeve
të ndryshme të interesit si përfaqësues të
Këshillit të Qarkut Gjirokastër, PACARD, PNUD,
përfaqësues të hotelerisë familjare, pedagogë
të univeristetit “Eqerem Cabej” gazetarë lokalë
e qytetarë, u diskutua mbi prioritetet e zhvillimit
të Bashkisë Gjirokastër si dhe u dhanë disa
sugjerime për kandidatët për t’i patur parasysh
gjatë mandatit të tyre në detyrën e Kryetarit
të Bashkisë: gjallërimi i pjesës muzeale, hartimi
i guidave të përshtatshme, krijimi i agjensive
turistike etj. Debati u transmetua direkt në TV
Gjirokastra dhe pati pasqyrim dhe në edicionet
informative.
Gjatë dy muajve intensive pune në kuadër
të fushatës, grupi iniciator pati kontakte dhe
takime të vazhdueshme me kandidatët për
Kryetarë Bashkie, shtabet e tyre elektorale si
dhe kryetarët e partive politike në qytetin e
Gjirokastrës. Në këto takime u prezantuan
probleme dhe nevoja reale të identifikuara si
priorite nga grupet e interesit.
Nën moton e fushatës “Rimëkëmb qytetin
tënd, Promovo trashëgiminë”, më datë 2
Shkurt 2007 u organizua Forumi i Hapur me
kandidatët për Kryetar Bashkie të qytetit të
Gjirokastrës. Në Forum u ftuan të merrnin pjesë
të dy kandidatët e forcave kryesore por ftesa
u pranua vetëm nga kandidati i Koalicionit të
Takimi me kandidatin e Koalicionit të
majtë për Gjirokastrën, Z. Flamur Bime
majtë, Z. Flamur Bime. Në Forum morrën pjesë
rreth 250 pjesëmarrës, qytetarë, përfaqësues të
OJF-ve, gazetarë, përfaqësues të organizatave
ndërkombëtare etj. Në qendër të diskutimit me
kandidatin u vunë planet për zhvillimin e turizmit
dhe promovimin e tij, projektet investuese
dhe restauratore për rimëkëmbjen e pjesës
muzeale të qytetit, buxheti vjetor i Bashkisë për
rimëkëmbjen e qytetit dhe zhvillimin e turizmit
kulturor. Aktiviteti pati pasqyrim të gjerë në
mediat lokale. Artikuj në median e shkruar dhe
kronika në edicionet e lajmeve kanë shoqëruar
zhvillimin e fushatës gjatë gjithë kohës duke
pasqyruar aktivitetet dhe arritjet e saj.
Pak ditë përpara ditës së zgjedhjeve vendore,
në prezencë të përfaqësuesve të OJF-ve lokale
dhe të mediave, dy kandidatët nënshkruan
deklaratat respektive të angazhimit në lidhje me
projektet mbi zhvillimin e turizmit dhe restaurimin
e qytetit, që ata do të realizojnë nëse zgjidhen
Kryetarë Bashkie.
“Ndryshimi vjen me gruan !”
Fushata lokale “Unë mbështes Qeverisjen e
Mirë” në qytetin e Durrësit u zhvillua nën moton:
“Ndryshimi Vjen Me Gruan !”
Takimi me grupet mbështetëse të
fushatës lokale në Durrës
Për herë të parë ndoshta, gratë më aktive
të qytetit të Durrësit të përfshira në politikë dhe ato
të cilat luajnë rol aktiv në zhvillimet demokratike
si pjesë aktive e shoqërisë civile, u mblodhën së
bashku për të evidentuar problemet kryesore
të tyre. Në një takim tre ditor përfaqësuese të
Shoqatës së Grave me Probleme Sociale, Këshillit
të Shoqatave Rinore Durrës, të Forumeve të Gruas
të Partisë Socialiste, Demokratike, Republikane e
Lëvizjes Socialiste për Integrim, identifikuan një
sërë problemesh si papunësia, problemet sociale,
mungesa e përfaqësimit të gruas në struktura të
larta vendim-marrëse, etj. Në mënyrë që të gjitha
këto çështje të adresoheshin dhe të mund të
kanalizoheshin për zgjidhje, u hodh ideja e krijimit
të një strukture në Bashkinë e qytetit për zgjidhjen
e problemeve të gruas. Fushata e inicuar nga ky
grup ditë pas dite mblodhi pas vetes qindra gra
dhe vajza.
Në disa tryeza radhazi, përfaqësuese të
grupit iniciator të fushatës “Ndryshimi vjen me
Gruan” si dhe ekspertë të çështjeve gjinore,
punonjës të Bashkisë, Prefekturës etj, u mblodhën
për të dhënë mendime në lidhje me krijimin e
një zyre për barazinë gjinore dhe problemet
e gruas. Sipas draftit të diskutuar në tryezën e
datës 19 Janar 2007, misioni i kësaj zyre do të jetë
krijimi i mundësive të barabarta midis dy gjinive
nëpërmjet informimit, studimeve, advokacisë,
lobimit dhe rritjes së kapaciteteve për nënpunësit
e administratës shtetërore, nxitjen e zbatimit
të politikave ose programeve që promovojnë
mundësitë e barabarta për burra dhe gra.
Po në këtë takim, u diskutuan propozime të
mundshme që do t’u bëheshin kandidatëve
për Kryetarë Bashkie për të përfshirë këtë draft
në platformat e tyre elektorale. Në përfundim
të takimit, grupi inisiator i fushatës mbajti dhe
një konferencë për shtyp për të gjitha mediat e
PER NJE SHOQERI CIVILE ME TE ZHVILLUAR
5

pranishme lokale dhe korrespondentët e mediave
kombëtare.
Në kuadër të aktiviteteve mediatike të fushatës,
më 3 Shkurt 2007 u zhvillua në TV Teuta një debat
televiziv ku morrën pjesë rreth 35 gra përfaqësuese
të grupit iniciator të fushatës, të forumeve të grave
të partive politike dhe kandidate për anëtare
në Këshillin Bashkiak nga të gjitha forcat politike.
Debati u fokusua në funksionimin e zyrës për
barazinë gjinore ku pjesëmarrëset e vlerësuan si
shumë pozitive inisiativën dhe dhanë argumenta
në mbështetje të saj si dhe për përfshirjen në
platformat elektorale e programet e kandidatëve
për Kryetar Bashkie.
Një sërë materialesh promovuese si postera,
fletëpalosje, banderola u shpërndanë në të gjithë
qytetin e Durrësit.
Rreth 300 pjesëmarrës
përfaqësues
të shoqërisë civile të
qytetit të Durrësit, të
forumeve të grave
të partive politike,
të institucioneve
publike, të Bashkisë,
Prefekturës, të rinj
Forumi i hapur me kandidatët përfaqësues të
në Durrës
grupeve rinore, etj.
u mblodhën në datë 12 Shkurt 2007, në Pallatin e
Kulturës “Aleksandër Moisiu” të qytetit të Durrësit,
në një Forum të hapur me kandidatët Z. Armand
Teliti i Koalicionit të djathtë dhe Z. Vangjush Dako i
Koalicionit të majtë.
Kandidatët shpallën platformat e tyre në lidhje
me çështje problematike për gruan duke u
fokusuar veçanërisht në: plane dhe projekte
konkrete të ardhshme për përmirësimin e situatës
social-ekonomike të gruas, vendin që do të zerë
ajo në programet elektorale dhe në strukturat
vendim-marrëse vendore, si dhe në diskutimin mbi
ngritjen e zyrës për barazi gjinore pranë Bashkisë
së Durrësit. Në fund të Forumit, secili kandidat
nënshkroi para gjithë të pranishmëve “Angazhimin
e Kandidatit” për realizimin e premtimeve me të
ardhur në pushtet duke deklaruar publikisht që jo
vetëm çështja e zyrës por dhe programe të tjera
për mbështetjen dhe fuqizimin e kësaj kategorie
të shoqërisë do të realizohen gjatë mandatit
të ardhshëm. Forumi u pasqyrua gjerësisht në
median lokale televizive, TV Teuta si dhe në shtypin
e shkruar.
“Qendra Rinore, ëndrra që së bashku
mund ta bëjmë realitet !”
Rreth 50 të rinj fierakë, përfaqësues të Parlamentit
Rinor Fier, Qendrës Rinore, MJAFT, SNV etj. u
mblodhën në një takim tre ditor dhe diskutuan mbi
problematikat rinore të qytetit të Fierit: papunësinë
e të rinjve, mungesën e trainimeve profesionale,
mungesën e kushteve për t’u argëtuar dhe ushtruar
sporte të ndryshme,
mungesën e një
kinemaje në qytet,
mungesën e zonave
të gjelbëruara,
ndotjen e ambjentit,
përdorimin e drogës
nga të rinjtë etj.
Konferencë shtypi për lançimin
e fushatës në Fier
Pas debateve mbi këto çështje grupi nismëtar
vendosi si çështje prioritare në kuadër të
fushatës “Unë mbështes Qeverisjen e Mirë”,
ngritjen e një qendre rinore multi-funksionale në
qytetin e Fierit, qendër e cila do të adresonte
disa nga nevojat e rinisë fierake.
Fushata lokale me sloganin “Qendra Rinore,
Ëndrra Që Duam Të Bëjmë Realitet”. startoi
në 3 Nëntor me një konferencë për shtyp ku të
rinjtë prezantuan çështjen e ngritjes së qendrës
rinore si një prioritet për të cilin do të lobonin
me të gjitha forcat politike dhe kandidatët për
Kryetar Bashkie të qytetit me qëllim përfshirjen
e ngritjes së qendrës në platformat e tyre
elektorale. Në këtë konferencë morrën pjesë të
gjitha mediat lokale. Kronika nga konferenca
u transmetuan në të tre TV lokale të qytetit në
edicionet qendrore të lajmeve.
Me qëllim bërjen sa më të njohur të çështjes si dhe
sigurimin e mbështetjes për realizimin e iniciativës,
grupi i të rinjve realizoi një sërë takimesh me
grupe mbështetëse qytetarësh, personalitete të
fushës së arsimit, artit dhe shkencës, politikës si
dhe përfaqësues të institucioneve të ndryshme
si Z. Fatmir Mediu, Ministër i Mbrojtjes i cili ka
konfirmuar mbështetjen e tij për këtë iniciativë
dhe vlerësimin e propozimit të të rinjve për
përdorimin e ambienteve për qendër rinore
të një godine në administrim të Ministrisë së
Mbrojtjes, me Drejtorin e Drejtorisë Arsimore të
Rajonit Fier, me deputetin e Partisë Socialiste Z.
Albert Caci, me Drejtorin e Drejtorisë së Kulturës
në Bashki Z. Fran Ukcama, me aktoren e njohur
Znj. Hajrie Rondo etj.
Një takim tjetër u zhvillua me Drejtoren e
Drejtorisë së Rinisë pranë Ministrisë së Turizmit,
Kulturës, Rinisë dhe Sporteve Znj. Migena Reci
me të cilën u diskutuan planet dhe projektet
në kuadër të Planit të Veprimit për Rininë si dhe
mbështetja që mund t’u ofrohet të rinjve të
qytetit përmes programeve të reja në kuadër
të zbatimit të strategjisë së rinisë.
Në kuadër të fushatës “Qendra Rinore, Ëndrra
Që Duam Të Bëjmë Realitet”, të rinjtë ideuan
dhe me mbështetjen e P-Sh realizuan një sërë
materialesh promovuese si fletëpalosje, postera,
spot televiziv, banderola, fletë informative të
cilat iu bashkangjitën shtypit të përditshëm për
njohje nga opinioni i gjerë publik.
PER NJE SHOQERI CIVILE ME TE ZHVILLUAR
6

Ideja e ngritjes së Qendrës Rinore është
prezantuar edhe në aktivitete të tjera të
Parlamentit Rinor dhe është përgëzuar edhe
nga kandidatët për Kryetar Bashkie të ftuar në
këto takime.
Megjithëse të katërt kandidatët për
Kryetar Bashkie në qytetin e Fierit Z. Baftjar
Zeqaj i Koalicionit të majtë dhe kryetari aktual
i bashkisë, Z. Ferdinand Murati nga Koalicioni
i djathtë, Z. Asip Demo kandidat i PDI dhe Z.
Arqile Piperi i PBDNJ, u ftuan në një Forum
të hapur me të rinjtë e qytetit të Fierit për të
ballafaquar platformat e tyre elektorale dhe
megjithëse të gjithë e mirëpritën ftesën, për
arsye të impenjimeve dhe mosgjetjes së kohës
së përshtatshme nga të gjitha palët, Forumi nuk
mundi të zhvillohej. Megjithatë, nga takime të
shpeshta me kandidatët respektive, të rinjtë
përfaqësues të grupit të punës morrën prej të gjitha
palëve premtimin për angazhim maksimal në lidhje
me çështjen e Qendrës Rinore dhe një kujdes më
të madh kushtuar të rinjve dhe programeve që
synojnë zhvillimin e tyre në qytetin e Fierit.
Në debatet televizive të zhvilluara në Televizionin
Publik Shqiptar dhe në atë lokal TV Kombi, disa
ditë përpara përfundimit të fushatës, kandidatët
Zeqaj dhe Murati kanë ballafaquar mes të tjerash
dhe programet e tyre elektorale për rininë dhe
janë angazhuar publikisht për ngritjen e Qendrës
Rinore.
Partnerët-Shqipëri do të punojë me OJF-të në periudhën paszgjedhore për të zhvilluar mjete
monitorimi për matjen e realizimit të premtimeve të marra nga zyrtarët e zgjedhur.
Ne dëshirojmë të shprehim një falenderim të ngrohtë për të gjitha grupet e
përfshira që bënë të mundur suksesin e këtyre fushatave si dhe një falenderim të
veçantë për koordinatorët lokalë:
Alketa Dhimitri, Aurel Grabocka, Bajana Çeveli, Blendi Dibra, Englantina Gjini,
Nevila Jahaj, Vullnet Mulla,
për përkushtimin dhe profesionalizmin e treguar.
“Rimëkëmb qytetin tënd,
promovo trashëgiminë !”
“Ndryshimi vjen me gruan !”
“Ne duam të jemi pjesë e ndryshimit;
“Ne meritojmë një Administratë Publike:
të përkushtuar, të kualifikuar, të pakorruptuar !”
“Së bashku për Qeverisje Transparente !”
“Përfshihu ...
Reflekto që tani !”
të rinj në procesin e vendimmarrjes lokale !”
“Qendra Rinore, ëndrra që së bashku mund ta bëjmë realitet !”
Partnerët - Shqipëri është një organizatë jo-qeveritare
shqiptare me mision zhvillimin e shoqërisë civile shqiptare dhe
të një kulture ndryshimi dhe manaxhimi konfliktesh. Partnerët-
Shqipëria është anëtare e Rrjetit Ndërkombëtar të Partnerëve
për Ndryshim Demokratik (Partnerët), një rrjet Qendrash në
15 vende të botës, të cilat japin trajnime për zgjidhje konflikti
si dhe shërbime për shoqërinë, OJF-të, qeverinë qëndrore
dhe vendore, dhe sektorin privat në vendet e tyre dhe në
vende të tjera në botë. Adresa e Internetit e PDCI është:
partners@partnersglobal.org
PARTNERET- SHQIPERI
QENDRA PER NDRYSHIM DHE MANAXHIM
KONFLIKTI
Adresa: Rruga Pjetër Bogdani, nr.41,
Kutia Postare 2418/1,
Posta Qendrore, Tiranë
Tel: +355 4 254881/3 Fax: 273351
Email: partners@partnersalbania.org
Http: //www.partnersalbania.org
7