Kitab oz format DEYİSHİKLİKLÜER. 26 11 2008 1.indd - Inter ...

- insan hüquqlarına və humanitar standartlara sadiqliyi nümayiş edir;
- səbəbləri aradan qaldırmaqla, insanların köçürülməsinin qarşısının
alınmasına kömək edir;
- vətəndaşlığın alınması və saxlanılması sahəsində beynəlxalq hüququn
inkişafına kömək edir;
- BMT QAK-a Konvensiyalarda göstərilən prinsiplərə riayət edilməsi
üçün beynəlxalq dəstəyin səfərbər etməsinə kömək edir, və
- vətəndaşlıqla bağlı mübahisələri həll etməyə kömək edir.
Dövlət Konvensiyaya necə qoşula bilər?
Dövlət 1954 və ya 1961-ci il Konvensiyalarına hər vaxt qoşulma barədə
sənədin Birləşmiş Millətlər Təşkilatının Baş Katibinə verilməsi yolu ilə
qoşula bilər. Qoşulma barədə sənədi Dövlət Başçısı, Hökumət Başçısı və
ya Xarici İşlər Naziri imzalamalı və sonra qoşulan ölkənin nümayəndəsi
vasitəsi ilə BMT-nin Nyu-York şəhərindəki Baş Qərargahına verilməlidir
(Qoşulma üzrə Model Sənədlər Əlavə 3-də göstərilmişdir).
Dövlət Konvensiyaların müddəalarına dair qeyd-şərt qoya
bilərmi?
Konvensiyanın ratifikasiyası və ya qoşulma zamanı Ölkədə yarana
biləcək spesifik şəraiti nəzərə almaq məqsədi ilə Konvensiyalar razılığa
gələn Dövlətlərə, tərəflərin ilkin fundamental saydığı müddəalar istisna
olmaqla, Konvensiyaların bəzi müddəalarına dair qeyd-şərt qoymaq
imkanı yaradırlar:
Vətəndaşlığı olmayan şəxslərin statusuna dair 1954-cü il
Konvensiyası:
1-ci (anlayış / çıxma halları), 3-cü (ayrı-seçkiliyin yolverilməzliyi), 4-cü
(din azadlığı), 16 (1) (məhkəmələrə çıxış) və 33-42-ci (yekun müddəalar)
maddələr istisna olmaqla digər müddəalara qeyd-şərt qoymaq olar.
Vətəndaşsızlığın azaldılmasına dair 1961-ci il Konvensiyası:
yalnız 11-ci (müəssisə), 14-cü (mübahisələrin Beynəlxalq Məhkəməyə
verilməsi) və 15-ci (razılığa gələn Dövlətlərin məsuliyyəti altında olan
ərazilər) maddələrə qeyd-şərt qoymaq olar.
66