SKÐRSLA ÌBYGGžANEFNDAR - Óbyggðanefnd

Nýrri jarðabók 1861 eru nefndar tvær hjáleigur, Litlahof og Hofskot, og eru þær ásamt heimajörðinni
Hofi metnar á 27,6 hundruð. 1
Landamerkjabréf Hofs var undirritað 15. júlí 1922 og þinglesið sama dag:
Hof í Hofshreppi á lönd og eignir sem hjer segir:
Að innan lína, sem dregin er úr miðju Rótarfjalli, sem er upp í jökli, og þaðan í innri enda Litlafjalls,
þaðan og í hæðstu þúfu á svonefndum Miðjökli svo þaðan beina sjónhendingu út.
Að austan í línu, sem dregin er úr fremri brún á Háskeri þar sem hún er hæst í klett sem er innan við
Kúaöldu, þaðan í vörðu sem hlaðin er í Markhólma þaðan í melabót þá sem er syðst af melum þeim
sem eru uppundan Staðarfjöru síðan ráða fjörumörk sem eru milli Staðarfjöru og Tangafjöru.
Enn fremur á jörðin Breiðamerkurfjall alt og land á Breiðamerkursandi, að vestan eru mörkin sem hjer
segir: Toppurinn á Miðaftanstindi á Breiðamerkurfjalli sem beri í skarðið á Eiðnatindi í sama fjalli.
Hof á tvo fimtu hluta af grasnyt í Ingólfshöfða. Fjörur á jörðin þessar: 1. Tangafjara fyrir vestan
Ingólfshöfða milli þessara marka; Að vestan: Fremri menn í Hafrafelli eiga að bera í klettinn fyrir
norðan dypsta skarðið í svonefndum Skörðum í Skaftafellsfjöllum. Að austan: Eystri endinn á vestustu
melabótinni í Hofsmelum skal bera í eystra gilið framan í Dalaskeri sem er upp af Mýravikinu þaðan
eru (mælt frá flæði) 3550 metrar í beina stefnu á drang þann sem er vestan undir Ingólfshöfða fyrir
framan Kóngsöldu.
2. Hofsfjara fyrir austan Ingólfshöfða milli þessara marka: Að vestan: Máfasker sem er fyrir austan
Borgarklett á að bera í tindinn milli Skarðanna í Súlnatindum á Eystrafjalli. Að austan: Mýramelur á
að bera í nefið á Blesakletti.
3. Fjallsfjara milli þessara marka: Að vestan: Toppurinn á Miðaftanstindi á Breiðamerkurfjalli skal
bera í skarð í Eiðnatindi á nefndu fjalli. Að austan: Hærri þúfan á Máfabygðum skal bera austan í
Múlahöfuðið sem er fremst austan á Breiðamerkurfjalli og landamörk þau sömu. 2
Landamerkjabréf þetta var samþykkt í fyrsta lagi að því er snerti landamörk milli Hofs og
Sandfells, ítak í Ingólfshöfða og eystri fjörumörk Tangafjöru og vestri fjörumörk Hofsfjöru; í öðru
lagi að því er snerti landamörk milli Hofs og Hofsness og eystri fjörumörk Hofsfjöru; í þriðja lagi
að því er snerti vestri fjörumörk Tangafjöru og loks í fjórða lagi að því er snerti eystri mörk milli
Fjallslands og Breiðamerkurlands.
Á Hofi hefur lengi verið margbýli. Í byrjun 18 aldar voru fimm ábúendur á jörðinni og átta um
einni öld síðar. 3 Í því sambandi má geta þess að þrír austustu bæirnir nefndust á síðari tímum einu
nafni Litlahof. 4 Ekki er ljóst hvenær formleg skipti jarðarinnar fóru fram, en í gerðabók fasteignamatsnefndar
1916 eru þessar jarðir nefndar sem sjálfstæðar jarðir: Hof (Litla-Hof), eigandi og
ábúandi Þorsteinn Gissursson; Hof (Litla-Hof), eigandi og ábúandi Páll Jónsson; Hof (Litla-Hof),
eigandi og ábúandi Finnbogi Einarsson; Hof (Heimahof), eigandi og ábúandi Þorlákur Jónsson;
Hof (Heimahof), eigandi og ábúandi Karl Magnússon; Hof (Heimahof), eigandi og ábúandi Oddur
Sigurðsson; Hof (Kot), eigandi og ábúandi Arndís Halldórsdóttir. 5 Samtals eru þetta sjö sjálfstæð
1 Ný jarðabók 1861, s. 6.
2 Skjal nr. 2 (5).
3 Skjöl nr. 4 (57) og 2 (44).
4 Byggðasaga Austur-Skaftafellssýslu 3, s. 71.
5 Skjal nr. 2 (37).
59