SKÐRSLA ÌBYGGžANEFNDAR - Óbyggðanefnd

54
4. Annað skógarítak á jörðin í Innfjöllum í Skaftafelli milli Stóruskriðu og Rauðhellu.
5. Fjörur á jörðin þessar:
a. Staðarfjöru milli þessara marka: Að vestan: Austurendann á vestustu melabótinni sem er upp
undan fjörunni skal bera í eystra gilið sem er framan í Dalaskeri upp af Mýrarvikinu. Úr þessum
mörkum eru mælt frá flæði 3550 stikur í beina stefnu í drang þann sem er vestan við Ingólfshöfða
framan undir Kongsvíkuröldu. Að austan: Markmel á að bera í vikuröldu, sem er upp af Kúadalsöldu.
Úr þessum mörkum eru 1450 stikur mælt í áðurnefndan drang vestan við Ingólfshöfða.
b. Höfðavík frá Ingólfshöfða austur til þessara marka: Máfasker sem er austanvert við Borgarklett
á að bera í tindinn sem er milli dýpstu skarðanna á Súlnatindum á Eystrafjalli.
c. Bakkafjöru milli þessara marka: Að vestan: Haus austantil í Kvíármýri á að bera í stein framan
í Kvíármýrarkambi, þaðan í klett sem er milli Vatnafjalla og Staðarfjalls. Að austan: Varða, sem er
á öldunum ofan við þjóðveginn en vestan við veginn heim að Kvískerjum, á að bera í ljósan blett
í Nónhamri. 1
Lýsing þessi var samþykkt að því er snerti landamerki milli Sandfells og Svínafells, Sandfells
og Hofs, eignarrétt á Ingólfshöfða, vestri fjörumörk Staðarfjöru og eystri fjörumörk Höfðavíkur.
Hún var einnig samþykkt að því er snerti skógarítök Sandfells í Skaftafellslandi, eystri fjörumörk
Staðarfjöru, vestri fjörumörk Bakkafjöru og eystri fjörumörk Bakkafjöru.
Sandfell var kirkjustaður til ársins 1914 en þá var síðasta kirkjan þar rifin. Jörðin fór í eyði
1947. 2 Heimildir benda ekki til annars en að nokkuð samfelld búseta hafi verið á Sandfelli frá því
að jarðarinnar er fyrst getið. Í afsals- og veðmálabókum kemur fram að eftir gerð landamerkjabréfsins
og þar til jörðin fór í eyði var hún framseld með hefðbundnum hætti og veðsett. Ríkissjóður
Íslands er nú þinglýstur eigandi Sandfells. 3
6.5. Hof
Að Hofi var kirkja að fornu helguð dýrlingnum Klemensi. Hún átti heimaland hálft. Í elsta varðveitta
máldaga kirkjunnar, sem talinn er frá 1343, segir orðrétt.
hofsmenn eigu oll orknadraap j lambeyaros oc til þess er graus ber næst j sulufell.
fylgia þessi oll somun giædi einn veg eignarhluta sem kirkiuhluta ad hofi.
hofsmenn eigu helming allra þeirra fiarna sem liggia til jökulfells. 4
Í máldaga kirkjunnar frá 1387 er nokkuð nákvæm landamerkjalýsing auk þess sem greint er frá
hlunnindum jarðarinnar:
Clemens kirkia ad Hofi j Hieradi ä heimaland hälft med ¹llum g¹gnum og giædum inn ad Kotä sem
fellur fyrer innan Kuabacka og sionhending upp j þad gliufur vid nedanverdt fiallid. sem su sama ä
fellur ur. og upp j midt Rotafiall ä mots vid sandfellsmenn.
Hof ä land austur ad gliufri þvi. sem gliufursä fellur ur og j Hamraenda og sidan oslitid land ut ad
Jngolfsh¹fda.
1 Skjal nr. 2 (4).
2 Byggðasaga Austur-Skaftafellssýslu 3, s. 73, 75.
3 Skjal nr. 5 (2), sbr. skjal nr. 4 (53). Byggðasaga Austur-Skaftafellssýslu 3, s. 39-41.
4 Íslenskt fornbréfasafn 2, s. 774.