SKÐRSLA ÌBYGGžANEFNDAR - Óbyggðanefnd

stæður skoðaðar. Á sama hátt var staðnæmst á landamerkjum Núpsstaðar, samkvæmt fyrirsögn
sama og nærri meintum landamerkjum Skaftafells samkvæmt ábendingu Páls A. Pálssonar, lögmanns
eigenda þeirrar jarðar. Að þessu loknu var haldið til baka að Freysnesi og á leiðinni flutti
Ingvi Þorsteinsson náttúrufræðingur tölu um gróðurfar og landgæði svæðisins.
Í Freysnesi stigu úr bifreiðinni Einar Jónsson lögfræðingur, Bragi Björnsson hdl., Filippus
Hannesson, Núpsstað, Anna María Ragnarsdóttir og Jón Benediktsson, Skaftafelli II. Í bifreiðina
komu Ragnar Aðalsteinsson hrl. og Reynir Karlsson hrl., sem fóru með hagsmunagæslu tiltekinna
jarða í Suðursveit.
Haldið var austur þjóðveg 1 og staðnæmst á merkjum Skaftafells og Svínafells. Fram kom hjá
Ólafi Björnssyni hrl. að Svínafellsmenn telji sig eiga „Krókinn“, þ.e. svæði innan við Svínafellsjökul,
þ.m.t. Hrútsfjall, og að lögmaðurinn vilji breyta kröfugerð í samræmi við þetta. Áður en
lengra var haldið sté Páll Arnór Pálsson, lögmaður Skaftafells II, úr bifreiðinni.
Haldið var eftir gamla veginum að mörkum Svínafells og Sandfells, fram hjá Smjörsteini og
staðnæmst við Markhól, á móts við Rauðakamb. Af hálfu óbyggðanefndar voru heimamenn spurðir
út í nokkur örnefni. Fram kom hjá heimamönnum (Guðjóni Þorsteinssyni í Svínafelli og Erni
Bergssyni á Hofi) að Tjörn ofan Hrakdæluhóla sé horfin og sama máli gegni um Eyrartagl.
Jafnframt kom fram að örnefnið Réttarfalljökull sé annað heiti á Markhól. Merki hafi verið færð úr
Smjörsteini til að þau væru skýrari (Guðjón Þorsteinsson). Langanes og Bakka kannast menn ekki
við en telja að þar gæti verið um að ræða forn bæjarheiti. Horft var til Hrakdæluhóla í suðri en þar
höfðu heimamenn komið fyrir rauðum belg til glöggvunar. Samkvæmt því eru Hrakdæluhólar
nokkuð sunnarlega á sandinum, neðan við bæi. Þá kom fram hjá Guðjóni Þorsteinssyni að
Hrakdæla sé heitið á lægð milli Hrakdæluhólanna. Umrædda Tjörn hafi verið að finna við Rasshóla.
Einnig telja heimamenn að hluti af landi Sandfells hafi yfirfærst til Svínafells í þeim tilgangi
að Svínafellið allt fylgdi síðarnefndu jörðinni. Þessu næst var ekið til baka fram hjá Smjörsteini og
út á þjóðveg 1. Guðjón Þorsteinsson í Svínafelli fór úr bifreiðinni eftir að merki Svínafells höfðu
verið skoðuð. Í bifreiðina komu Sigurður Björnsson í Kvískerjum og Örn Bergsson á Hofi en sá
síðarnefndi var áður viðstaddur vettvangsskoðun á merkjum Svínafells og Sandfells.
Næst var haldið að mörkum Sandfells og Hofs. Örn Bergsson lýsti því aðspurður að Lágey væri
horfin en hefði verið til suðurs, niðri á sandinum. Sama máli gegndi um Steinhillingar (Steiney).
Kotá hefði tekið þessi kennileiti. Miðjökull væri há þúfa á sandinum. Horft var að miðju Rótarfjalli
og suður í hólana.
Þessu næst var ekið að mörkum Hofs og Hofsness. Sigurður Bjarnason í Hofsnesi lýsti því
hvernig jörð hans eigi einungis land upp í Háasker. Skoðuð var Fúaalda, Hólsgil og merkjavörður.
Sigurður telur að í landamerkjabréfum Hofsness sé merkjum lýst of langt til norður, sú lýsing eigi
við um jörðina Hof og hefði með réttu átt að vera í landamerkjabréfi hennar. Hluti hópsins fór upp
að Háaskeri í sérútbúnum bíl. Þar var um að ræða eftirtalda: nefndarmennina Karl Axelsson, Allan
V. Magnússon, Ragnheiði Bragadóttur, lögmennina Ólaf Sigurgeirsson og Ólaf Björnsson, Sigurð
Bjarnason í Hofsnesi, Örn Bergsson á Hofi, Sif Guðjónsdóttur lögfræðingur, Huldu Árnadóttur lögfræðingur,
Hallgerði Gunnarsdóttur laganema, og Ingva Þorsteinsson náttúrufræðing. Á Háaskeri
sér víða yfir til suðurs og til norðurs í átt að Yrpugili og Gljúfursárgili. Upptök giljanna sáust þó
ekki. Hjá Sigurði Bjarnasyni kom fram að lækurinn í Yrpugili komi úr jökli. Að svo búnu var haldið
aftur niður á þjóðveg 1 sömu leið. Við þjóðveginn kom Gísli Jónsson á Hnappavöllum í bifreiðina.
Ekið var yfir Hofsnes, Fagurhólsmýri, Hnappavelli og Kvísker og kennileiti skoðuð. Staðnæmst
var á mörkum Kvískerja og Fjalls þar sem Miðaftanstind ber í skarðið á Eyðnatindi. Þá var einnig staðnæmst
á mörkum Fjalls og Breiðármerkur og skyggnst yfir að Mávabyggðum og Breiðarmerkurfjalli.
Vettvangsferð í Öræfum lauk síðdegis þegar haldið var yfir í Suðursveit.
4.5. Skýrslutökur
Við aðalmeðferð málsins voru teknar skýrslur af Sigurði Björnssyni, Kvískerjum, Filippusi Hann-
33