SKÐRSLA ÌBYGGžANEFNDAR - Óbyggðanefnd

30
5. Fasteigna- og jarðamöt
Lögð voru fram ljósrit af jarðamati 1804, 1849-1850 og 1916-1918, í vörslu Þjóðskjalasafns,
sjá nánar lið L í greinargerð safnsins um gagnaöflun, skjal nr. 2. Um prentuð fasteigna- og
jarðamöt er vísað í lið D-2.
6. Bréfabækur, bréfasöfn og gerðabækur sýslumanna, hreppa og sáttanefnda
Sérfræðingar Þjóðskjalasafns athuguðu gerðabækur sýslumanna og sáttanefnda, þ.e. dómaog
þingabækur (dómsmálabækur, aukadómsbækur o.fl.) og sáttabækur, sjá nánar liði H og I,
auk lokaorða, í greinargerð safnsins um gagnaöflun, skjali nr. 2. Ekki var hins vegar talin
ástæða til að leita í bréfasöfnum sýslumanna (eða dómsskjölum) eða bréfabókum sýslumanna
nema þegar sérstakt tilefni gafst. Sama máli gegnir um hreppsbækur og bréfabækur hreppstjóra
og sveitarstjórna. Um prentaða dóma er vísað í lið D-3.
7. Kirknaskjöl
Sérfræðingar Þjóðskjalasafns athuguðu kirknaskjöl, vísitasíubækur prófasta í Austur-Skaftafellsprófastdæmi,
brauðamöt og skýrslur presta um tekjur, útgjöld og ástand prestssetra 1839,
sjá nánar liði C, M og P í greinargerð safnsins um gagnaöflun, skjali nr. 2.
8. Vísitasíubækur biskupa
Sérfræðingar Þjóðskjalasafns athuguðu fyrstu vísitasíubækur sex Skálholtsbiskupa og aðrar
vísitasíur þegar tilefni var til, sjá nánar lið D í greinargerð safnsins um gagnaöflun, skjali nr. 2.
9. Skjalasöfn presta og prófasta
Sérfræðingar Þjóðskjalasafns athuguðu kirkjustóla og skjalabækur kirkna þegar sérstök
ástæða var til, sjá nánar lið E í greinargerð safnsins um gagnaöflun, skjali nr. 2.
10. Skjalasöfn stiftamtmanns, amtmanns og landshöfðingja
Sérfræðingar Þjóðskjalasafns athuguðu skjöl í þessum flokki þegar sérstök ástæða var til.
Þannig voru athuguð skjöl varðandi kirkjujarðasölu í skjalasafni Stjórnarráðs Íslands, skjöl í
skjalasafni landshöfðingja sem varða kirkjujarðasölu, bréf varðandi byggingu þjóðjarða í
skjalasafni landshöfðingja og skjöl í skjalasafni landfógeta. Ekki var hins vegar talin ástæða
til að leita í bréfabókum stiftamtmanns og amtmanns, bréfum til stiftamtmanns, amtmanns og
stiftsyfirvalda eða bréfasafni landshöfðingja nema þegar sérstakt tilefni gafst. Sjá nánar liði
F, G, Q og S, auk lokaorða, í greinargerð safnsins um gagnaöflun, skjali nr. 2. Um prentað efni
úr skjalasöfnum stiftamtmanns, amtmanns og landshöfðingja er vísað í lið D-6.
11. Bréfasöfn og bréfabækur biskupa
Sérfræðingar Þjóðskjalasafns litu lauslega á bréf til biskups úr Austur-Skaftafellsprófastdæmi
og bréfabækur biskups, sjá nánar lið O og lokaorð í greinargerð safnsins um gagnaöflun,
skjali nr. 2. Forstöðumaður handritadeildar Landsbókasafns – Háskólabókasafns athugaði
bréfabók Brynjólfs biskups Sveinssonar, sem þar er varðveitt í uppskrift, sbr. skjal nr. 3. Um
prentaðar bréfabækur biskupa er vísað í lið D-8.
12. Klausturumboð
Nær engin slík skjöl tengjast Austur-Skaftafellssýslu, sbr. lokaorð í greinargerð Þjóðskjalasafns
um gagnaöflun, skjal nr. 2. Það litla sem er var lauslega athugað.
13. Fornleifaskráning (yfirlit)
Af hálfu óbyggðanefndar var aflað yfirlita um fornleifar á svæðinu, sjá nánar lið A-2 í greinargerð
óbyggðanefndar um gagnaöflun, skjal nr. 4.