SKÐRSLA ÌBYGGžANEFNDAR - Óbyggðanefnd

Þá kom fram við aðalmeðferð að varðandi mörk við jökul er miðað við jökulbrún á hverjum
tíma þó þannig að innan landnáms sé.
3.5. Kröfur eigenda jarðarinnar Hofs
Þess er krafist að viðurkennt verði að þinglýstir eigendur Hofstorfu, þ.e. Hofs I, II, IV og Litla-
Hofs, „hafi beinan eignarrétt að öllu landi jarðarinnar, og að viðurkennt verði að heildarlandamerki
jarðarinnar séu þessi:
Að innan lína sem dregin er úr miðju Rótarfjalli, (p. 9) sem er uppí jökli og þaðan í innri enda
Litlafjalls, (p. 10) þaðan og í hæstu þúfu á svonefndum Miðjökli, (p. 11) svo þaðan beina sjónhending
út. (p. 12)
Að austan í línu sem dregin er úr fremri brún á Háskeri (p. 17) þar sem hún er hæst á klett sem
er innan við Kúaöldu (p. 16) í vörðu sem hlaðin er á Markhólma (p. 15) þaðan í melabót (p. 14) þá
sem er syðst af melum þeim sem eru upp undan Staðarfjöru, síðan ráða fjörumörk sem eru milli
Staðarfjöru og Tangafjöru. (p. 13). Við málflutning var kröfugerð fyrir Hof breytt þannig að til austurs
er gerð krafa frá upptökum Gljúfursár niður að fremri brún á Háskeri (p. 17) og svo áfram.
Kröfulínukort er teiknað í samræmi við þetta.
Ennfremur á jörðin Breiðamerkurfjall allt og land á Breiðamerkursandi, að vestan eru mörkin
sem hér segir: Toppurinn á Miðaftanstindi (p. 25) á Breiðamerkurfjalli sem beri í skarðið á Eiðnatindi
(p. 26) á sama fjalli. Hof á tvofimmtu hluta af grasnit í Ingólfshöfða.
Fjörur á jörðin þessar:
1. Tangafjara fyrir vestan Ingólfshöfða milli þessara marka: að vestan: Fremrimenn í Hafrafjalli
eiga að bera í klettinn fyrir norðan dýpsta skarðið á svonefndum Skörðum í Stafafellsfjöllum.
Að austan: Eystri endinn á vestustu melabótinni í Hofsmelum skal bera í eystra gilið
framan í Dalaskeri sem er upp af Mýravikinu Þaðan eru (mælt frá flæði) 3.550 metrar í beina
stefnu á haug þann sem er vestan undir Ingólfshöfða fyrir framan Kóngsöldu.
2. Hofsfjara fyrir austan Ingólfshöfða milli þessara marka: Að vestan: Máfasker sem er fyrir
austan Borgarklett á að bera í tindinn milli Skarðanna á Súlnatindum á Eystrafjalli. Að austan:
Mýramelur á að bera í nefið á Blesakletti.
3. Fjallsfjara milli þessara marka: Að vestan: Toppurinn á Miðaftanstindi (p.25) á Breiðamerkurfjalli
sem beri í skarðið á Eiðnatindi (p. 26) á sama fjalli. Að austan: Hærri þúfan á Máfabyggðum
skal bera austan í Múlahöfuðið sem er fremst austan í Breiðamerkurfjalli (p. 27)
og landamörk þau sömu (p. 27).“
Þá er krafist málskostnaðar úr hendi ríkissjóðs samkvæmt úrskurði óbyggðanefndar, skv. framlögðum
málskostnaðarreikningi að skaðlausu.
„Landeigendur líta svo á að í kröfugerðinni felist jafnframt krafa um afnotarétt þeirra í þjóðlendu,
að öllum venjubundnum afnotum, að fornu og nýju, komi til þess að einhver hluti landsins
teljist þjóðlenda.“
Við aðalmeðferð var kröfugerð varðandi Hof breytt á þann veg að gerð er krafa frá upptökum
Gljúfursár í punkti 17a og í fremri brún á Háaskeri þar sem er punktur 17.
Þá kom fram við aðalmeðferð að varðandi mörk við jökul er miðað við jökulbrún á hverjum
tíma þó þannig að innan landnáms sé.
3.6. Kröfur eigenda jarðarinnar Fagurhólsmýrar
Þess er krafist að viðurkennt verði að þinglýstir eigendur Fagurhólsmýrar I, II og III „hafi beinan
eignarrétt að öllu landi jarðarinnar, og að viðurkennt verði að heildarlandamerki jarðarinnar séu
þessi: Landamörk Fagurhólsmýrar og Hofsnes eru: Frá upptökum Gljúfurár vestan Miðfellstanga
(p. 17 a) svo eftir gljúfrinu og fremst í gljúfurkjaft, þaðan í grjótvörðuna á Hamraenda, þaðan beina
línu í lítinn hólma, eða smáfit, næst vestan við Nýja-landið.
25