SKÐRSLA ÌBYGGžANEFNDAR - Óbyggðanefnd

24
að land það sem hugsanlega kann að koma undan jökli vestan línu milli punkta 3 og 8 og sunnan
línu milli punkta 4 og 8 falli til Núpsstaðar með fullkomnum eignarrétti. Áskilinn er réttur til þess
að gera slíka kröfu um land sem kemur undan jökli norðan línu milli p. 4 - p. 8, síðar.“
Þá kom fram sú varakrafa í málflutningi „að draga verði austurlandmerki Núpsstaðar við jökul
þar sem bein sjónlína frá punkti 1 við sjó í mið í Súlutindum, skeri jökulbrún. Jafnframt er gerð
krafa um að þegar land komi undan jökli verði það að eignarlandi, enda þótt svo sé ekki nú.
Kröfugerðin miðar við að þjóðlendulínan skuli fylgja jöklinum eins og hann er á hverjum tíma.“
Jafnframt er krafist málskostnaðar úr hendi gagnaðila, ríkisins, samkvæmt málskostnaðarreikningi.
3.3. Kröfur eigenda jarðarinnar Skaftafells II
Af hálfu eigenda jarðarinnar Skaftafells II er þess krafist „að hafnað verði öllum kröfum fjármálaráðuneytis,
sem fela í sér að land Skaftafellsjarða verði gert að þjóðlendu, og viðurkennt verði sem
eignarland Skaftafells II allt land á svæði sem ræðst af eftirtöldum merkjum: Að vestan ræður
merkjalína Núpsstaðar og Skaftafells, þ.e. lína sem dregin er frá sjó (punktur 1) á þeim stað er
Súlutindar bera hver í annan, þá ráða að norðan mörk Skaftafells II og Þjóðgarðsins í Skaftafelli
með línu dreginni úr Sýslusteini (punktur 2) á upphaflegum stað á Skeiðarársandi austnorðaustur í
merki við Gömlutún, þar sem hún sker heimreið að Skaftafellsbæjum (punktur 3), þá eftir miðju
heimreiðar í punkt sem er 380 metra austan við upphaflegan akveg að Þjónustumiðstöðinni (punktur
4) og þaðan eftir línu norður í mörk þjóðgarðs sem eru 600 metra austur af merkinu við Gömlutún
(punktur 5), þaðan til austsuðausturs eftir línu sem dregin er úr merkinu við Gömlutún í
fremstu nöf Hafrafells og áfram í beina línu í landamerkjalínu Svínafells og Skaftafells á Svínafellsjökli
(punktur 6), þaðan suðvestur í stein undir Svínafellsjökli (punktur 7), þaðan í stein ofan
við þjóðveg (punktur 8) þaðan í vörðu fram í nesinu (punktur 9) og áfram í beinni línu í suðvestur
til sjávar (punktur 10) en að sunnan ræður sjór merkjum.“
Einnig er gerð krafa til málskostnaðar úr ríkissjóði.
3.4. Kröfur eigenda jarðarinnar Svínafells
Þess er krafist að viðurkennt verði að þinglýstir eigendur Svínafellstorfu, þ.e. Svínafells I, II, III og
IV, „hafi beinan eignarrétt að öllu landi jarðarinnar, og að viðurkennt verði að heildarlandamerki
jarðarinnar séu þessi:
Jörð þessari tilheyrir allt Svínafellsfjall og Hvannadalurinn. Landamerki milli Sandfells og
Svínafells eru lækjarfarvegur í miðjum Markhól (p. 8) (Réttarfalljökull) þaðan sjónhending í vörðu
milli Hrakdæluhóla, (p. 7) svo er stefnan vestan við Eyrartagl (p. 6).
Milli Svínafells og Skaftafells eru landamerki í Freysnesi úr stórum steini (p. 1) framan undir
jöklinum og í stein ofan við veginn, (p. 2), og þaðan í vörðu fram á Nesinu (p. 3).
Fjörumörk jarðarinnar milli Tangafjöru og Svínafellsfjöru eru að Fremrimenn í Hafrafelli beri í
klettinn sem er næstur við Skarðið að norðan, nefnilega austanundir Skaftafellsskörðunum (p. 5).
Fjörumörk milli Svínafells og Skaftafellsfjöru eru, að Svarthamranef vestan í Hafrafelli beri í
lækjarfarveg í kletti, sem skagar lengst ofan á skriðu niður af Skarðatindi (p. 4).“
Þá er krafist málskostnaðar úr hendi ríkissjóðs samkvæmt úrskurði óbyggðanefndar, skv. framlögðum
málskostnaðarreikningi að skaðlausu.
„Landeigendur líta svo á að í kröfugerðinni felist jafnframt krafa um afnotarétt þeirra í þjóðlendu,
að öllum venjubundnum afnotum, að fornu og nýju, komi til þess að einhver hluti landsins
teljist þjóðlenda.“
Við aðalmeðferð var kröfugerð fyrir Svínafell breytt á þann veg að texti kröfu er færður til samræmis
við kröfulínukort. Kröfugerð að vestan nái þannig til Hrútsfjalls en þó sé Svínafellsjökull
ekki undir í kröfugerð. Jafnframt sé miðað við Rauðakamb að austan til samræmis við Sandfell. Þá
kemur fram að punktar 4 og 5 í texta kröfugerðar fyrir Svínafell séu einungis mið en ekki fengnir
úr lýsingu landamerkjabréfs á fjörumörkum svo sem texti kröfulýsingar gerir ráð fyrir.