SKÐRSLA ÌBYGGžANEFNDAR - Óbyggðanefnd

3.1.3. Sandfell
Þær kröfur eru gerðar til óbyggðanefndar að viðurkenndur verði beinn eignarréttur íslenska ríkisins
til þess lands jarðarinnar Sandfells, sem er utan þjóðlendulínunnar. Þá er gerð krafa um afréttarrétt
til þess hluta landsins samkvæmt landamerkjabréfi, sem er innan þjóðlendulínu samanber og meðfylgjandi
uppdrátt.
Landamerkjabréf jarðarinnar er svohljóðandi:
1. Heimaland allt með öllum gögnum og gæðum milli þessara marka:
a. Að innan: Úr miðjum Rauðakambi, sem er í skriðjöklinum milli Sandfells og Svínafells, í lægð í
svonefndum Markhól, sem er ofan við veginn en austan Virkisár innri, þaðan í lægðina milli Hrakdalshóla;
sama stefna ræður mörkum til enda.
b. Að austan: Úr miðju Rótarfjalli, sem er í skriðjöklinum milli Sandfells og Hofs, í innri enda Litlafjalls,
sem er háls áfastur Goðafjalli, þaðan í hæstu þúfu í svonefndum Miðjökli, sama stefna ræður
mörkum til enda.
2. Ingólfshöfða á jörðin allan að fráteknum tveim fimmtu hlutum grasnytar, sem Hofi tilheyrir.
Skógarítak á jörðin í Skaftafellsheiði milli Kembugils og Klappargils, sem öðru nafni nefnist Hlaupgil.
Annað skógarítak á jörðin í Innfjöllum í Skaftafelli milli Stóruskriðu og Rauðhellu.
Fjörur á jörðin þessar:
a. Staðarfjöru milli þessara marka: Að austan: Austurendann á vestustu melabótinni, sem er upp
undan fjörunni skal bera í eystra gilið sem er framan í Dalaskeri upp af Mýrarvikinu. Úr þessum
mörkum eru mæld frá flæði 3550 stikur í beina stefnu í drang þann sem er vestan við Ingólfshöfða
framan undir Kóngsvíkuröldu. Að austan: Markmel á að bera í vikuröldu, sem er upp af Kúadalsöldu.
Úr þessum mörkum eru 1450 stikur mælt í áðurnefndan drang vestan við Ingólfshöfða.
b. Höfðavík frá Ingólfshöfða austur til þessara marka: Máfasker sem er austanvert við Borgarklett á
að bera í tindinn sem er milli dýpstu skarðanna á Súlnatindum á Eystrafjalli.
c. Bakkafjöru milli þessara marka: Að vestan: Haus austan til í Kvíármýri á að bera í stein framan í
Kvíármýrarkambi, þaðan í klett sem er milli Vatnafjalla og Staðarfjalls. Að austan: Varða sem er á
öldunum ofan við þjóðveginn, en vestan við veginn heim að Kvískerjum á að bera í ljósan blett í
Nónhamri.
Þjóðlendukröfulínan fyrir landi Sandfells og næsta nágrennis er frá punkti H og í punkt L, sjá
nánari lýsingu í kafla 3.1.1.
3.2. Kröfur eiganda jarðarinnar Núpsstaðar
„Krafa eiganda Núpsstaðar er sú að hafnað sé kröfu, þeirri sem í raun er fram komin, um þjóðlendu
í landi Núpsstaðar á Skeiðarársandi og að viðurkenndur verði fullkominn eignarréttur hans að
nefndu landi til þeirra merkja sem sjá má á meðfylgjandi kröfukorti, en þau eru að vestan: bein lína
úr Krossárfossi um Krossarmynni um punkt 5 í stórstraumsfjörumál í punkti 6, en að austan: bein
lína úr miði austast í Súlnatindum, frá sjó séð úr punkti 1, en hann er þar sem Súlnatinda ber hvern
í annan, fyrst til viðmiðunar, uns komið er að punkti 2 í 112 metra hæð yfir sjávarmáli, en síðan
landamerkjalína beina stefnu í fyrrnefndan punkt 1 sem er í stórstraumfjörumáli. Til norðurs úr
punkti 2 ákvarðast merkin þannig að dregin er lína beint í punkt 3 við jökulbrún og áfram til
viðmiðunar bein lína úr punkti 2 um 3 í punkt 8 inn á jöklinum. Punktur 8 er þar sem skerast línur
beint úr norðri úr Eystri-Svíahnjúk og beint úr vestri úr punkti í 694 metra hæð yfir sjávarmáli
fremst á Súlnatindum. Punktur 4 er við jökulbrún, þar sem línan að vestan sker hana. Að norðan
eru merki þau sem krafist er að verði virt, við jökulbrúnina á milli punkta 3 og 4. Enn er þess krafist
23