SKÐRSLA ÌBYGGžANEFNDAR - Óbyggðanefnd

20
unar. Hins vegar væri áfram óskað eftir upplýsingum og gögnum um málin og að lögmaðurinn væri
reiðubúinn að svara öllum fyrirspurnum óbyggðanefndar er sneru að réttindum Landsvirkjunar og
hagsmunagæslu fyrirtækisins gagnvart óbyggðanefnd.
Af þessu tilefni var gerð svohljóðandi bókun við fyrirtöku málsins 14. maí 2002: „Óbyggðanefnd
lítur svo á að lögmenn aðila hljóti að meta með hvaða hætti þeir gæti hagsmuna umbjóðenda
sinna við málsmeðferð fyrir óbyggðanefnd. Fjarvera aðila við fyrirtökur og aðalmeðferð, er á
ábyrgð þeirra sjálfra. Tekið skal fram að þess er vænst að aðilar aðstoði óbyggðanefnd við að
upplýsa öll þau atriði er kunna að skipta máli við úrlausn málsins. Óbyggðanefnd mun sem fyrr
senda þeim aðilum, sem ekki mæta á fundi, gögn sem þar hafa verið lögð fram.“
Á sama fundi, 14. maí, voru einnig lögð fram ýmiss gögn. Þá var málið tekið fyrir á fundi 10.
júní. Lögð voru fram gögn og leitast við að upplýsa málið að öðru leyti.
Aðalmeðferð stóð dagana 26.-28. júní 2002 og skiptist í forflutning, vettvangsferð, skýrslutökur
og málflutning. Að því loknu var málið tekið til úrskurðar. Fundað var í sal að Hótel Skaftafelli.
Um vettvangsferð og skýrslutökur er fjallað nánar í köflum 4.4.-4.5. og vísast þangað.
Þann 14. nóvember 2003 var málið endurupptekið og lögð fram ný gögn. Gögn þessi höfðu áður
verið kynnt lögmönnum málsaðila og tækifæri gefið til athugasemda. Engar athugasemdir komu
fram. Var málið síðan tekið til úrskurðar að nýju.
3. KRÖFUGERÐ 1
3.1. Kröfur íslenska ríkisins
Í máli þessu gerir íslenska ríkið annars vegar kröfu um þjóðlendu og hins vegar kröfur vegna ríkisjarðanna
Skaftafells I og III og Sandfells.
3.1.1. Þjóðlenda
Af hálfu fjármálaráðherra fyrir hönd íslenska ríkisins er gerð sú krafa að eftirfarandi lína verði
viðurkennd sem þjóðlendumörk í Öræfasveit:
Fyrsti punktur í Öræfum er þar sem Kvískerjaland byrjar við ströndina og er það punktur A. Þessi
punktur er á línu, sem liggur eins og segir í landamerkjabréfi Kvískerja: „að hæsta nef á Miðaftanstindi
á Breiðamerkurfjalli beri í mitt skarðið efst á Eiðnaskarðstindi í sama fjalli.“ Frá punkti A er farið í
punkt B, sem er þar sem sama lína sker jökulrönd Fjallsjökuls. Punktur B verður hornpunktur.
Frá punkti B er dregin lína meðfram jökulrönd Fjallsjökuls og Hrútárjökuls og frá jaðri Hrútárjökuls
(þar sem bein lína milli punkta B og C sker jökulröndina) í punkt C, sem er í Múla fyrir norðan
Múlagljúfur. Frá punkti C er dregin bein lína í punkt D, sem er framarlega í Vatnafjöllum við Kvíárjökul.
Frá punkti D er dregin lína meðfram jökulrönd Kvíárjökuls og umhverfis og allt að punkti E.
Þaðan yfir Staðarfjallið í punkt F, sem er neðst í Hólárjökli. Þaðan er dregin bein lína í Stórhöfða (784 m)
fyrir ofan Fagurhólsmýri og verður það punktur G. Úr punkti G er farið beina línu yfir Hofsfjall og í
punkt í Goðafjalli (651m) og verður það punktur H og jafnframt hornpunktur.
Frá punkti H er dregin lína í punkt I, sem er neðst í Kotárjökli. Þaðan farið yfir Sandfellsheiði í punkt
J, sem er neðst í Falljökli. Þaðan er dregin bein lína í Öskuhnútu (917 m), sem verður punktur K og
næsti punktur verður í jökulrönd Svínafellsjökuls þar sem lína beint úr Öskuhnútu og í punkt efst í
Hafrafelli í 1174 m hæð sker jökulröndina. Verður það punktur L. Síðan er farið úr punkti L niður með
1 Sjá einnig fylgiskjöl nr. IV (aðilaskrá) og I (kort).