SKÐRSLA ÌBYGGžANEFNDAR - Óbyggðanefnd

208
7. 1. 2. Niðurstöður uppréttingar á Landsat myndinni l71216015_01519990728:
Taflan sýnir muninn á meðalfráviki láréttra hnita (x, y) á viðmiðunarpunktum úr vegakerfinu frá
reiknaðri staðsetningu sömu punkta í Landsat-myndinni eftir uppréttingu. Eins og sjá má er skekkjan
ekki nema rúmlega 5 m eða um 1/3 af myndeiningu Landsat-myndarinnar. Svona lítil skekkja
verður að teljast mjög viðunandi.
7. 2. Upprétting og vinnsla á Landsat-mynd: l71217015_01520000923
Mynd l71217015_01520000923 var tekin 23. september árið 2000 og er mynd nr. 15 af braut 217.
Þetta verður að teljast afar heppileg mynd þar sem hún er nánast skýjalaus á því svæði sem áhugi
er á að kortleggja og hún er tekin á hárréttum árstíma, rétt fyrir fyrstu snjóa. Jökuljaðarinn er skýjalaus
nema rétt sunnan í Öræfajökli.
7. 2. 1. Vinnuferli:
1. Bönd 2, 3, og 4 (grænt, rautt og nær-innrautt) eru sameinuð í eina mynd.
2. Myndskráin úr 1. sameinuð Pan-bandinu og greinihæfnin þar með tvöfölduð.
3. Niðurstöðunni úr 1. og 2. varpað úr UTM Zone 28 með WGS 84 viðmiðun í Lambert
Conformal Conic með viðmiðunina ISN93.
4. Landsat-myndin rétt upp DTED-landhæðarlíkani og viðmiðunarpunktum úr vegakerfinu. Auk
þess var notuð upprétt og hnitasett SPOT 5-mynd norðan Vatnajökuls til þess að auka nákvæmnina.
5. Hlutmynd sem nær yfir Vatnajökul klippt út úr heildarmyndinni (sjá mynd 4).
Mynd 3. Landsat-myndin l71217015_01520000923 sem var tekin 23. september árið 2000, ásamt vegakerfi
(svartar línur), viðmiðunarpunktum úr vegakerfinu (krossar) og SPOT-5 mynd (norðan Vatnajökuls) sem notað
var ásamt DTED-landhæðarlíkani til að rétta Landsat-myndina upp og hnitsetja.